Wara waqfa ta ftit ġimgħat, prayer cafe reġa’ iltaqa għal darba oħra.

Fil-bidu ntwera vidjow dwar l-Għid u kif Ġesù issallab għalina u miegħu issalbu d-dnubiet u d-difetti kollha tagħna, biex Hu rxoxta u d-dnubiet tagħna baqgħu midfunin.  Il-mużika tal-vidjow kienet għolja, sabiex, kif spejga Fr Charles, inqumu mir-raqda għax qegħdin fi krizi.  Għal ħafna hija aktar imporanti d-Duluri u l-Ġimgħa l-kbira minn l-Għid.  Għaliex?  Għax bqajna marbutin ma: l-istatwi, drammi,  xenarji, sepulkru eċċ u u l-fatt li Ġesù qam u jrid iqajjem lilek, ma nikalkulawhx.

Fr Charles kompla jgħid, kemm hu mportanti l-Għid, tant  li għandu Ottava, fejn ukoll jaqaw il-festi kolla bħal dik ta San Ġorġ u San Mark.

Għaliex l-Għid huwa mportanti?

“L-Għid huwa l-qofol tat-twemmin t’Alla tagħna,

kieku Kristu ma qamx, kieku m’hawnx Knisja.”

“Għax għamilna ergħin ġurnata nippreparaw biex inġeddu l-wegħdiet tal-magħmudija; u jekk aħna ma ndunajniex li Ħadd il-Palm, Ħamis ix-Xirka, il-Ġimgħa l-Kbira u Sibt il-Għid, kienu qed imexxuna lejn it-tiġdid tal-magħmudija (għalhekk il-Blandun joqgħod fuq l-artal għall-ħamsin ġurnata) u jekk aħna ma ħassejniex li din is-sena ġeddidna mil-ġdid iċ-ċaħda tax-xitan u l-iva tagħna għal Kristu; l-Għid seta’ ma ġiex!”

Tajjeb li wieħed iżomm quddiem għajnejh lil San Pietru, li jimxi l-ħin kollu ma Ġesu’, jixtieq jibqa wara Ġesu’ imma x’ħin jiġi l-mument tal-prova jinżel, jagħmel il-mirakli, jimxi fuq il-baħar, imma kif ma jħarisx lejn Ġesù, jogħdos… Kif nagħmlu wkoll aħna, jekk ma nimxux ma Ġesu’.

“Aħna nsara imma ngħixuha fil-privat”, din hi t-trend li d-dinja tal-llum  trid taddotta. Kif il-Prim Ministru ta l-Ingilterra, David Cameron qal li l-Ingilterra huwa pajjiz Kristjan u ħadd ma jista’ jiċħdu, infetħu l-bibien tas-smewwiet. Din hija biss qatra ta dak li qed tgħix is-soċjeta’.

“kun nisrani l-aqwa li ma titkellimx”

• Allura, aħna nsara miz-zuntier il-ġewwa?
• Kif xi ħadd jipprova jitkellem fuq sinjali ta żminijietna, neħduha kontra dik il-persuna?
• Aħna sa nibqaw riqdin u nħallu l-liġijiet jinbiddlu u jdawruna?

Mhux aħjar inqumu u nibdew nagħmlu xi ħaġa aħna lkoll?

Il-Laqghat T4J, kull nhar ta’ Gimgha, fis-7.00 ta filgħaxija fic-Centru Kulturali Kerŷgma, fil-Kunvent tal-Patrijiet Dumnikani, ir-Rabat.
Dawn huma laqgħat imtella mill-grupp T4J fi ħdan il-Moviment Kerygma, ghall-istudenti mill-FORM 1 sa FORM 5. Ejja iltaqa ma Gesu u tant hbieb, waqt Laqghat mibnija fuq tagħlim, video clips, talb, diskussjonijiet u ħafna iktar.

Wieħed jista jsib il-liturġija ta’ dawn il-jiem fuq il-website: www.cakmalta.org. Għafas il-links hawn taħt biex tmur dirett fuq il-liturġija tal-jum li għandek bżonn:

It-Tifkira Solenni Tal-Ikla Tal-Mulej – Sena A 17 ta’ April 2014

Il-Ġimgħa l-Kbira – Sena A 18 ta’ April 2014

Sibt il-Għid – Sena A 19 ta’ April 2014

Infetħet u ġiet imbierka “il-Mejda Tkellimna”: wirja li tinkludi mejda tal-Appostli u il-Qabar ta’ Kristu.  Dan seħħ nhar il-Ġimgħa 11 ta’ April 2014. Din il-wrija se tiftaħ kuljum sa nhar il-Ġimgħa l-Kbira, it-18 ta’ April 2014.Għall-ħinijiet tal-ftuħ u aktar informazzjoni għafas hawn!

“Dan il-vanġelu jurina li Ġesu jrid joħroġna mill-qabar tagħna”, b’dan il-kliem Fr Charles Fenech beda l-laqgħa Prayer Cafè il-Ġimgħa 4 ta’ April wara li nqara l-vanġelu tal-Ħadd li jmiss mill-Vanġelu ta San Ġwann kapitlu 11, versi 1 sa 45. “Dan il-vanġelu jirraprezenta ħafna episodji minn ħajjitna”, kompla Fr Charles. Naraw il-qawwa ta’ Ġesu taħdem f’ħajjitna u letteralment joħroġna mill-qabar ta’ mumenti iebsa f’ħajjitna, minn xi depression, minn mumenti ta’ vojt spiritwali, etc. Forsi dan ir-Randan laqtek xi vers waqt xi omelija, waqt xi rtir jew f’xi konferenza iżda jibqa’ biss vers ġo moħħok, ma tagħmilx il-pass li jmiss ma tiċċaqlaqx – tibqa’ mwaħħal fejn kont – tibqa’ fil-qabar tiegħek.

Dan il-vanġelu hu mimli b’ritratti li jgħinuna nifhmu aktar lil Ġesu. Meta sema’ li miet Lazzru telaq għal ħdejh, meta wasal ħdejn il-qabar – Ġesu beka – Ġesu ħass n-niket tal-firda tal-mewt bħalna – huwa sentiment normali li wieħed jibki waqt funeral.

Martha, oħt il-mejjet meta Ġesu ordna li titneħħa l-ġebla minn quddiem il-qabar  qaltlu “ ‘Mulej issa beda jintenn, ġa ilu erbat ijiem mejjet.’ ” Din hi l-istess rejazzjoni tagħna, tagħna li mmorru l-knisja; tagħna li suppost nemmnu; li minkejja li nafu li Ġesu jista’ jagħmel affarijiet kbar, meta niġu għal fatti neħlu. Nitolbu għal miraklu… paċi fil-familja… bidla fir-raġel… bidla fil-mara… imma ma nemmnux li se jinbidlu; bħal l-istorja ta’ mara li quddiem it-tieqa ta’ kamritha kien hemm muntanja u ħabba fiha ma kienx jidħlilha d-dawl tax- xemx u lill-Mulej talbitu: ‘Mulej neħħili din il-muntanja imma naf li mintiex se tneħħiha!’. ‘Mela għalfejn qegħda titlobni?’ weġibha l-Mulej. Din l-istorja tirrifletti lilna meta nitolbu għal xi serħan minn xi problema iżda ġo fina nħossu li m’aħniex se naraw serħan minn din il-problema. Mela fejnha l-fidi tagħna? It-talb tagħna, kompla Fr Charles, sar qisu x-xiri tagħna minn xi supermarket? Rajt u xtrajt mill-ewwel? Mmorru nitqarbnu, nitolbu ftit u nistennew li mmorru id-dar u l-problemi li tlabna biex jinħallu se nsibuhom maħlulin! Hekk: switch on – switch off?  Meta nitolbu, nipretendu li  biex ikun seħħ dak li tlabna għalih irid iseħħ fil-pront, fl-ewwel 24 siegħa li tlabna għalih – u jekk le arana malajr ngħidu ‘talbi ma jinstemax!’. Dawn huma ereżijiet kbar – jinstema’ t-talb ta’ kulħadd mhux tar-reliġjużi biss – jinstema’ t-talb tagħna lkoll għax aħna komunita. Irridu nemmnu aktar, Martha li kienet temmen ħafna fil-qawwa ta’ Ġesu wkoll ddubitat. U Ġesu weġibha “ ‘Ma għidtlekx li, jekk temmen, tara l-glorja ta’ Alla?’ ” Meta nemmnu tassew anke waqt il-mumenti ta’ stennija li jseħħ li tlabna għalih nħossu s-serħan f’qalbna, serħan li jġibilna l-paċi f’qalbna. Minkejja li jkun hemm mumenti li x-xitan jipprova jkissirna. Hawn Fr Charles semma kif Padre Piju kien jiġi attakat mix-xitan anke b’mod fiziku iżda dan għax kellu l-paċi tal-Mulej f’qalbu kien jirnexxilu jorqod seren. Jekk xi ħadd jaddi ljieli jitqalleb, ljieli bla rqad jaħseb fuq xi problema li laqtitu, irid jagħraf x’hemm ħazin f’ħajtu. Qiegħed jagħmel ir-rieda tiegħu jew tal-Mulej? Qiegħed iħott il-ħajt li jridu jħott il-Mulej jew dak li jrid hu?

Fil-vanġelu nsibu “Imbagħad għajjat ‘Lazzru, oħroġ’ U dak li kien mejjet ħareġ”  Kemm- il-darba f’ħajjitna kissirna l-ġebla tal-qabar ta’ xi ħadd li għaddej minn żmien diffiċli b’xi kelma – tagħtih nifs b’nofs ta’ kelma ta’ ġid? Lazzru ħareġ wara li xi nies neħħew il-ġebla – tgħid Ġesu li qajjem lil Lazzru mill-mewt ma setgħax farrak il-ġebla hu stess? Ried li n-nies jipparteċipaw f’dan il-miraklu. L-istess bħalma jistenna li aħna nagħmlu s-sehem tagħna biex iseħħu l-miraklu fil-ħajja tagħna. Lazzru semgħu lil Mulej isejjaħlu. Aħna kemm il-darba ma smajnihx? Kemm il-darba rqadna waqt omelija?

Lazzru ħareġ mill-qabar u Ġesu jordna “ ‘ Ħollulu l-faxex u ħalluh imur.’ ”  Il-Mulej qiegħed jordna lilna lkoll biex inħollu l-problemi ta’ dawk ta’ madwarna, nibdew minn żwieġna, minn martna, nressqu lil xi ħadd biered lura lejn il-Knisja. L-evanġelizzazjoni tibda minn djarna, miċ-ċirku viċin tagħna.

Dan il-vanġelu mimli vleġġeġ immarkati għalina lkoll. Ejjew nilqawhom; ejjew nqumu mir-raqda spiritwali li ninsabu fiha.

Avviżi:

Il-Mejda Tkellimna: Mejda tal-Appostli, il-qabar ta’ Kristu u Sepulkru

.

Ħadd m’għandu jitlifha.

  Niżżel l-EVANGELION minn hawn!