Nemmen li kieku aħna m’għandniex fidi fix-xogħol volontarjat tagħna kieku m’aħnix hawn.

Li jkollok il-fidi, hija li temmen mingħajr ma tifhem. Il-fidi, bejnietna hija hekk ukoll; li jkollna fiduċja f’xulxin minkejja li mhux dejjem nifhmu lil xulxin. Kull ħsieb li jista’ jfixkilna milli nafdaw lil xulxin jkun ġej mix-xitan. Fidi Spiritwali hija li aħna jkollna fidi fix-xogħol ta’ Alla għalkemm mhux dejjem nifmuh.

Filwaqt li l-moħħ huwa aktar b’saħħtu mill-ġisem, L-Ispirtu huwa aktar b’saħħtu mill-moħħ.  La darba temmen dan, tkabbar dan it-twemmin fik. Kull diffikulta li nintaqaw magħha hija opportunita’ biex inkabbru l-fidi tagħna.

Talba

Mulej Ġesu’ nizzel fina L-Ispirtu tiegħek biex bħalma għamilt mad-dixxipli tagħmlu magħna.  Itfa fina l-qawwa tal-Ispirtu s-Santu biex nintlew b’fidi qawwija ħalli bħala komunita’ nxandru l-kelma tiegħek.  Użana Mulej u mlina bil-fidi soda biex qatt ma nitilfu kull opportunita’ biex nevanġelizzaw jew niddubitaw mill-fidi tagħna.

Ammen

 

Post ta’ Joanne Ciantar

 

Il-MILIED IT-TAJJEB LILEK U l-FAMILJA KOLLHA

 

KUN INT L-ISTILLA

F’dan il-Milied, kun INT l-istilla;

ħallih lil Ġesu jixgħel ġewwa qalbek!

Kif tista’ tkun l-istilla tal-Milied li tixgħel kuljum?

… kull meta tinxteħet f’dirgħajn Ommna Marija;

… kull darba li tipprova timita lil San Ġużepp;

… kull darba li nġib il-paċi madwari;

… kull darba li nibqa’ ċkejken f’qalbi;

… kull darba li nibqa’ ngħid is-sewwa anki meta jkun diffiċli;

… kull darba li noffri jdejja biex ngħin lil xi ħadd;

… kull darba li ngħix il-Fidi, anki f’ċirkustanzi iebsa tal-ħajja;

… kull darba li naħfer lil min naqasni;

… kull darba li nnissel it-Tama f’qalbi;

… kull darba li nagħti xi ħaġa lill-proxxmu tiegħi;

… kull darba li numilja ruħi;

… kull darba li naċċetta s-sagrifiċċju;

… kull darba li naċċetta lil Ġesu fil-ħidma tiegħi;

… kull darba li nsir ħaġa waħda ma’ Ġesu permezz tal-Ewkaristija.

 

L-attur popolari Kattoliku Bob Hope darba stqarr:

‘L-ideja tiegħi ta’ Milied, antikwata jew moderna, hi vera sempliċi:

TĦOBB LILL-OĦRAJN !

Jekk taħseb ftit fuqha … Għaliex għandna noqogħdu nistennew il-Milied biex nagħmlu dan?’ Iva mela! Kun inti l-ISTILLA li turi fejn hu ĠESU.