PRAYER CAFÉ hija inizzjattiva organizzata mill-Moviment Kerŷgma. Laqgħat għal adulti, koppji u żgħażagħ kull nhar ta’ Ġimgħa fiċ-Ċentru tal-Kerŷgma, Kunvent tal-Patrijiet Dumnikani, Rabat. Jibdew fis-7.00pm sat-8.00pm.

Il-laqgħat jibdew billi flimkien nieħdu tazza kafé u xi ħaġa żgħira tal-ħelu, jinqara l-qari tal-Vanġelu tal-Ħadd li jmiss bl-għajnuna ta’ slide shows, isir ħsieb prinċipali mid-Direttur Spiritwali tal-Moviment, Fr. Charles Fenech O.P. fejn waqt li jispjega aħjar il-Vanġelu, jgħinna napplikawh għall-ħajja tagħna ta’ kuljum. Wara tinfetaħ diskussjoni. Il-laqgħa tingħalaq b’xi rakkont ta’ storja b’tagħlima marbuta mas-suġġett tal-ġurnata jew riflessjoni u wara jsir talb spontanju mill-membri.

F’din is-siegħa kulħadd huwa mistieden biex waqt li nikkalmaw wara ġimgħa xogħol, nircievu tagħlim, saħħa spiritwali u ningħaqdu flimkien biex ninbnew bħala dixxipli veri ta’ Kristu u nagħrfu nagħtu xiehda ta’ dan fil-ħajja personali tagħna.