Children

SUMMER CLUB 2017

June 26, 2017
Posted by: kerygma
Posted In: Children, Summer

Il-Moviment jinkoraġġixxi ġenituri biex jgħinu lit-tfal tagħhom jinqatgħu ftit mit-teknoloġija u stil ta' ħajja sedentarja u jesploraw il-Klabb Sajf x'għandu x'joffri.
 Il-Moviment Kerŷgma qed iniedi Klabb Sajf ieħor BLA HLAS ta’ registrazzjoni.  Il-Moviment Kerŷgma huwa NGO u l-persuni kollha li se jtellgħu l-Klabb tas-Sajf se jagħmlu dan fuq bażi volontarja.  L-għan ewlieni ta’ dan ix-xogħol huwa li evanġelizzaw lil Ġesù u jagħtu lit-tfal u żgħażagħ esperjenza u l-valuri reliġjużi filwaqt li jkunu avventurużi, kreattivi u mimlija saħħa f’ambjent sigur.   Il-programm tas-sajf għal tfal u żgħażagħ li għandhom bejn 4 u 12-il sena, se joffri pjaċir u esperjenza unika bl-opportunità biex jesploraw barra, jiltaqgħu ma’ ħbieb ġodda, jiskopru interessi ġodda, u joħolqu memorji li jibqgħu jgħożżu tul ħajjithom kollha.  Il-Moviment jinkoraġġixxi ġenituri biex jgħinu lit-tfal tagħhom jinqatgħu ftit mit-teknoloġija u stil ta’ ħajja sedentarja u jesploraw il-Klabb Sajf x’għandu x’joffri.


Summer Club hija opportunità unika biex jiġu żviluppati:
    • Valuri Reliġjużi: Dan il-Klabb tas-Sajf huwa dwar varjetà wiesgħa ta’ pjaċir f’ambjent Kattoliku. Kull gimgħa it-tfal ser ikunu qegħdin isaħħu l- valuri nsara ta’ mħabba u għaqda fost oħrajn
    • Ħiliet bl-Avventura: il-Klabb tas-Sajf se jkollu avventuri fil-beraħ għat-tfal kull ġimgħa. Din is-sena ukoll ser nintroducu sessjoni ta’ drama u kant taħt supervizjoni ta’ għalliema qualifikata. Fl- aħħar gurnata, it-tfal ikunu jistgħu jesponu t-talenti tagħhom quddiem sħabhom u l-ġenituri.
    • Għarfien Kulturali: dan il-klabb se jieħu it-tfal fuq avvanturi f’postijiet differenti, biex jesploraw flimkien dak li l-gżira tagħna għandha x’toffri, l-istorja tagħna u fl-istess ħin jieħdu gost u jkunu avventurużi.
    • Tkabbir Personali: b’interazzjoni ma’ sħabhom, it-tfal se jingħataw l-opportunità li jitgħallmu ħiliet ġodda u jiżviluppaw l-kunfidenza u l-indipendenza billi jieħdu fuqhom ir-responsabbiltajiet u sfidi ġodda permezz ta’ tisjir, drama u attivitajiet oħra varji.
    • Ħbiberiji ġodda: flimkien mal-gost, logħob, kanzunetti, għawm, drama u ħarġiet, it-tfal jagħmlu ħbieb ġodda u jsaħħu ħbiberiji eżistenti iżda barra minhekk dawn jiksbu l-esperjenza ta’ Ġesù bħala ħabib tagħhom. Il-Klabb tas-Sajf huwa esperjenza li ma tinsieha qatt u li se tagħti lil tfal memorji u stejjer li jibqgħu jiftakru tul ħajjithom kollha.
X’hemm fih għaz-żgħażagħ?

Żgħażagħ jistgħu jissieħbu fil-Klabb tas-Sajf u jiffurmaw wieħed mill-gruppi ddedikati speċjalment għalihom.  Madankollu opportunità ta’ sfida akbar se tiġi offruta liż-żgħażagħ li tkun dik ta’ mexxej ta’ grupp tat-tfal.  Il-gruppi kollha ser ikunu ssorveljati minn adult fil-ħinijiet kollha.

Il-Moviment jemmen li għandu jforni liż-żgħażagħ tal-lum b’riżorsi għall-iżvilupp personali u sens ta’ għan fil-ħajja li huma tant importanti iżda ħafna drabi mhux mgħallma fl-iskola.  Permezz ta’ dan il-klabb nimmiraw biex ngħinu żgħażagħ jibnu kunfidenza fihom infushom, jingħataw ħiliet ta’ tmexxija, management tajjeb tal-ħin, ħiliet organizzattivi u l-komunikazzjoni, fost ħiliet oħra.

Allura x’qed tistenna?

Il-formoli ta’ reġistrazzjoni jinkisbu mill-Moviment Kerŷgma fil-Kunvent ta’ San Duminku,  Ċentru Kulturali Kerŷgma, Rabat, jew online:

– niżżel iktar informazzjoni u l-formola ta’ applikazzjoni għat-tfal minn hawn.
– niżżel iktar informazzjoni u l-formola ta’ applikazzjoni għaż-żgħażagħ minn hawn.

Għal aktar tagħrif tista’ wkoll iċċempel fuq 99110888.

Formoli ta’ reġistrazzjoni jintlaqgħu fl-uffiċċju tal-Moviment Kerŷgma bl-appuntament.  Reġistrazzjonijiet jiġu kkunsidrati fuq bażi first come first served u r-reġistrazzjonijiet ser jingħalqu hekk kif in-numru massimu jintlaħaq, possibbilment qabel it-30 ta’ Ġunju jew fit 30 ta Gunju. Jintalab hlas biss sabiex inkopru l-ispejjez meta ssir attivita li tinkludi trasport, dhul gewwa xi entita’ jew rizorsi ohra.

read more

KIDS FOR JESUS SUMMER CLUB 2015 – esperjenza ħolistika għat-tfal

August 28, 2015
Posted by: kerygma
Posted In: Children, Experience

Il-Moviment Kerŷgma wettaq proġett ambizzjuż ieħor għat-tfal tul dan is-sajf,:  il-“Kids for Jesus Summer Club”.

It-teknologija toffri sfidi kontinwi lill-ġentituri sabiex jimmotivaw lil uliedhom jipparteċipaw f’attivitajiet li jgħinuhom jikbru b’mod ħolistiku. Għalhekk il-Moviment ħaseb biex dan is-sajf jagħmel stedina  lit-tfal ta’ bejn l-4 u t-13-il sena,  sabiex permezz ta’ dan il-klabb, it-tfal qattgħu sajf mimli avventuri, logħob, drama, ħbiberiji u fuq kollox esperjenza ħajja ma Ġesù.

X’tajna f’dan is-Summer Club?

  1. Valuri Nsara: Permezz ta’ dan il-klabb, it-tfal kibru b’mod spiritwali u morali permezz ta’ diversi attivitajiet b’tema reliġjuża, kant u tagħlim ieħor flimkien ma’ sħabhom.
  2. Avventuri varji: Huma kibru fil-kunfidenza u l-ħiliet tagħhom permezz ta’ logħob, avventuri, ħargiet, reċti, kant u żfin sabiex jiċċelebraw ma’ sħabhom it-talenti tagħhom.
  3. Tagħlim dwar is-saħħa: tgħallmu dwar il-kura tal-ġilda tagħhom, ikel nutrittiv, u ħiliet bażiċi fl-ewwel għajnuna.
  4. Kibru b’mod individwali: filwaqt li kienu fil-kumpanija ta’ sħabhom, it-tfal ingħataw l-opportunità li jitgħallmu ħiliet ġodda, waqt li jibnu kunfidenza fihom infushom u jitgħallmu jkunu aktar indipendenti permezz ta’ responsabiltajiet u sfidi ġodda.
  5. Ħbieb ġodda: Il-klabb offra opportunità lit-tfal isaħħu l-ħbiberiji li diġa għandhom u kabbru ċ-ċirku ta’ ħbieb tagħhom f’ambjent nadif u sigur, iżda fuq kollox esperjenzaw ħbiberja ma’ Ġesù.

 

Is-Summer Club ser jagħlaq bi Play Pray Party fit-12 ta’ Settembru li hija miftuħa għat-tfal kollha tal-Primarja u quddiesa u talent show għall-ġenituri fit-18 ta’ Settembru.

 

 

 

 

 

 

 

read more
Other Pages