“Il-Mulej jagħmel magħna ħwejjeġ kbar bl-iktar modi li l-anqas biss naħsbuhom. Ifmuha sew x’qed ngħid.”  B’dan il-ħsieb Fr Charles fetaħ il-prayer cafe’, immedjatament wara, uriena dan il-video:

Intlaqet ħafna mhux biss il-vuċi qawwija tas-Soru, imma r-reazzjoni.  Tant apprezzaw it-tajjeb li kien hemm min beda jibki u min baqa’ bla kliem.  Aħna lkoll bil-għatx għal xi ħaġa tajba.  Xi ħaġa li l-Papa qed jitkellem ħafna dwara.  Intwera b’mod ċar u qawwi x’jiġri meta nintelqu f’idejn Alla;

ma nafux fejn ħa jwassalna.

kif ħa jużana, b’liema mod.

Biex inwasslu tbissima u l-bxara t-tajba.

Il-Papa ħareġ ktieb li sa jiġi meqlub bil-Malti.  Dan ħa jkun qawwi u mportanti daqs il-Vanġelu.  Huwa ktieb li jitratta fuq xi jrridu nagħmlu bħala nsara llum.

Bħal din is-Soru, aħna wkoll għadna x’nagħtu;  bl- eżempju tagħna, bl-għemil tagħna, aħna nistgħu inkissru l-arroganza tas-soċjeta’ tal-lum.  Aħna għandna don kompla Fr Charles.

Il-laqgħa li Ġesu’ kellu mas-Samaritana, hija l-istess laqgħa li Ġesu’ jkollu magħna.  Aħna bil-għatx għall-ispiritwalita’, li jrridu nħossuh aktar lil Ġesu’.   Qed infittxu lilhu u ma nafux fejn ħa nfittxu.  Infittxuh fl-affarijiet materjali.  Bħas-Samaritana; lil Ġesu’ talbitu ‘agħtini nixrob jekk għandek l-ilma tal-ħajja ta dejjem.’ Hi ma fehmitx x’kien qed jgħidilha Ġesu, bħalma fehmuhx id-dixxipli aktar tard, bħalma ma nifmuhx x’jrrid Ġesu’ minna.  Iżda Ġesu kien qed jeduka lis-Samaritana, billi qalilha x’inhi l-ħajja tagħha.

Din il-mara, imbagħad marret tgħid lis-Samaritani b’dak li ġrala.  Qalet biss li ntaqet ma xi ħadd li qalla d-dnubiet tagħha.  B’dan biss hija kaxkret ġens għal wara Ġesu’.  Fejn is-Samaritani, ikkonvertu mhux b’dak li qalet il-mara, imma b’dak li semgħu u raw b’għajnejhom.  Jiġifieri, meta aħna nfittxu lil Ġesu’, Hu ħa jużana KIF AĦNA.  Sa jsibna KIF AĦNA.  Ġesu’ sa jwassal il-kelma tiegħu billi jużana KIF AĦNA.

Din il-mara ġabet ħafna skużi lil Ġesu, l-problemi li kellha biex ma toqodx ġejja u sejra bl-ilma…L-istess mod, aħna  jkollna l-problemi tagħna; l-inġustizzji li qed insoffru, xi ħaġa li qed tinkwetana fil-familja.  Għal Alla ma hemmx xi ħaġa li ma tistax issir.

INT FEJN INT, INT MIN INT, INT TISTA’ TAGĦMEL IL-ĠID.  U ĠESU’ JRIDEK TIBQA TAGĦMEL IL-ĠID.

 

Noti meħudin waqt laqgħa ta prayer cafe’ immexxija minn Fr. Charles Fenech nhar il-Ġimgħa 22 ta’ Marzu 2014.