Fr. Charles beda l-Eżortazzjoni tar-Randan għal din is-sena billi tenna li r-Randan mhux mument ta’ dwejjaq u qtigħ il-qalb iżda huwa proċess ta’ FESTA TA’ KONVERŻJONI, ċans ta’ 40 gurnata li fihom nirritornaw lejn il-Mulej.  Huma jiem li fihom nagħrfu il-qawwa kbira li Alla jrid jistedinna u jipprovokana biex nersqu aktar lejh, biex insibuh, biex inħalluh imissna.

Illum aħna lkoll ibbumbardjati mill-kliem tal-midja u tal-politiċi.  Proġetti, wegħdiet, programmi u dak kollu lil-kelma tista twassallek.  Tisma minn jgħidlek xbajt nisma u dan qed iseħħ anke fil-familja bejn il-miżżewgin.  Attitudni ta boycott lil xulxin u lil Alla. Il-Missjoni tagħna hi li nxandru lil Kristu – “il-Kelma ta’ min jemminha u jilqagħha għal kollox” (1Tim 4:9).  Fi kliem ieħor, naraw is-siwi u l-urġenza ta’ evanġelizzazzjoni ġdida.

Tiġina f’moħħna l-ġrajja meta ġabu quddiem Ġesù wieħed trux u mbikkem.  Ġesù refa’ għajnejh lejn is-sema, lissen “kelma”, u dak infetħulu widnejh u “qabad jitkellem sewwa”.  Dan l-istess servizz tista’ u għandha toffrih il-Knisja lis-soċjetà tagħna, li propju għax “ittarrxet”, qed issib diffikultà biex “titkellem sewwa” fuq suġġetti importanti ħafna bħalma huma Alla nnifsu, il-ħajja umana, il-familja, id-dinja tax-xogħol, l-ekonomija u x-xjenza. Għandna bżonn niksbu l-ħila li biha nikkomunikaw ma’ xulxin biex inkunu tassew familja waħda, fejn hemm interess ġenwin fil-ġid komuni.  Għandna bżonn insibu dak il-kliem li, għax jolqot fil-laħam il-ħaj, jibni lill-persuna.  Neħtieġu kelma li ċċarrat il-maskra tal-ipokresija, biex nibnu relazzjonijiet aktar ġenwini u ġusti.  Neħtieġu kliem li jfejjaq.  Ikun verament akkwist jekk insibu dak il-kliem li kapaċi jdewwaq il-benna tal-irġulija!  Fuq kollox, illum lill-bniedem tonqsu dik il-kelma li timlieh bil-kuraġġ biex jikser is-silenzju u jbexxaq aktar fommu, kemm fil-pjazza u kemm fuq iz-zuntier, biex iċaqlaq l-ilma qiegħed kemm fil-qasam soċjali u kemm f’dak reliġjuż!

Dan kollu jrid iwessa il-moħħ u l-qalb tagħna biex naċċettaw il-qawwa tal-kelma ta’ Ġesù fina.  Niftħu it-triq u l-proġetti tagħna biex permezz tat-talb, sawm u penitenza jkun mument li nirbħu d-distrazzjonijiet u niġġeddu fit-triq tal-Mulej.

Joanne Ciantar

      It-tema tal-vanġelu ta’ nhar il-Ħadd li ġej jaħraq bħal tal-ġimgħa l-oħra, beda l-laqgħa Prayer Café, Fr Charles Fenech, nhar il-ġimgħa 28 ta’ Frar. Ġesu ma joqgħodx idur mal-lewża bħalna jew bħal politiċi. Fil-ħajja tan-nisrani jidħlu ħafna ħwejjeġ: flus, ikel, ilbies, familja, xogħol u oħrajn. Dawn huma kollha valuri iżda Ġesu jgħidilna li dawn m’għandna qatt nagħtuhom l-ewwel post f’ħajjitna. Ħafna nkwiet jibda meta npoġġu affarijiet oħra qabel Alla. Ma rridux nagħmlu bħal Lhud meta bnew għoġol tad-deheb biex jadurawh wara li kien ilu tant jgħinhom il-Mulej fil-vjaġġ tagħhom. Ħafna drabi aħna wkoll nagħmlu allat foloż f’ħajjitna. Dan il-vanġelu, kompla Fr Charles Fenech,irridu nifmuh sew u ma noqogħdux nilagħbu bil-kliem – huwa vanġelu li meta se tpoġġih fil-ħajja tiegħek se jagħmel tibdiliet kbar. B’hekk importanti li tħallih jinfidlek in-nervituri ta’ ġismek.

      X’irid jgħid Ġesu bil-kliem: “Tinkwetawx ruħkom għal ħajjitkom, x’se tilbsu. Jaqaw il-ħajja mhijiex aqwa mill-ikel, u l-ġisem aqwa mill-ilbies?” (Mt 6:25) Hawn Ġesu qiegħed jgħidilna li l-ewwel post f’ħajjitna rridu nagħtuh dejjem lil Alla u allura x’se nieklu u x’se nilbsu jagħmel sens f’ħajjitna mhux meta ninkwetaw  imma ’l mod kif nagħmluh. Ġesu mhux jgħidlilna taħslux jew issajrux iżda jrid li ma npoġġu xejn qabel Alla u jrid li napprezzaw u ngħixu ħajjitna.

      Kieku jkollna nagħmlu rewind ta’ ħajjitna, staqsa Fr Charles Fenech, matul din il-ġimgħa, x’kienu l-problemi u l-pre-okkupazzjonijiet tagħna ? Poġġejna lil Alla fl-ewwel post? Kemm tkellimna m’Alla? Kemm bkejna miegħu? Importanti li naqsmu kemm il-ferħ u kif ukoll in-niket tagħna m’Alla. Alla jrid jidħol f’kollox.

[pullquoteright]Qatt innutajna d-dettal f’sempliċi fjura? Qatt innotajna l-kuluri dettaljati f’xi frotta?[/pullquoteright]

      Ġesu fis-sempliċita tal-priedki tiegħu jurina kemm irridu noqogħdu attenti għad-dettalji tal-ħajja ta’ kuljum. Aħna u nagħmlu xi mixja fil-kampanja qatt innutajna d-dettal f’sempliċi fjura? Qatt innotajna l-kuluri dettaljati f’xi frotta? Napprezaw is-sbuħija tal-ħolqien ta’ madwarna? Jew dejjem għaddejin b’pass imgħaġġel u qatt ma nsibu ħin nidħlu f’relazzjoni m’Alla. Nsibu mument  li verament niżvojtaw lil moħħna minn kull ħsieb mqar għal ftit mumenti u naħsbu f’xi vers li laqatna mill-Iskrittura?  Meta nħallu lil Mulej jidħol f’ħajjitna ninnotaw li jinbidel kollox. Mill-ħajja tal-qaddisin   naraw kif f’sitwazzjonijiet diffiċli irnexxilhom jagħmlu affarijiet inkreddibli. Bħal Mother Theresa , din il-mara daqshekk ċkejkna rnexxilha tieqaf lil ġganti bħal Mikhail Gorbachev u Gaddafi. Dawn it-tnejn riedu li hi tieħu s-sorijiet tagħha f’pajjiżhom biex iwettqu xogħol filantropiku hemm, iżda ma ridux li jidħlu qassisin. Din is-soru bla tlaqliq ta’ xejn qaltilhom li fejn imorru s-sorijiet tagħha jmur qassis magħhom! Jekk riedu l-għajnuna tagħha riedu jaċċettaw  il-kundizzjonijiet tagħha. Kliemha u fehmitha kienu sodi m’hemmx kompromessi. U la fdat f’Alla twettqu mirakli kbar biha.

      Meta npoġġu lil Alla verament fl-ewwel post  f’ħajjitna nindunaw bis-sorprizi u l-mirakli li Alla jġiegħelna nagħmlu. Anke fil-familji tagħna stess. Hawn Fr Charles fakkarna kemm hi qawwija l-barka tal-ġenituri fuq uliedhom. Dawn huma d-dettalji li jridna nindunaw bihom il-Mulej.

      Ix-xitan se jibqa’ hemm u rridu naċċettaw li ħajjitna hi ġlieda kontinwa – imma ma ninsewx li barra l-qawwa tal-ħażen hemm il-qawwa t’Alla. Anke meta niltaqgħu ma problemi li jinblokkawna, għandna dejjem nafdaw kollox f’idejn Alla. U mhux insabbtu saqqajna biex tgħaddi tagħna. Kemm nitolbu tassew fuq xi proġett li jkun se jkollna kemm spiritwali u kemm materjali? Kemm nitolbu lill-Mulej fuqhom?

      Din hi l-bidla li rridu naħdmu fuqha dan ir-Randan. Togħqodx tgħid għaliex laqtitni din il-marda. Għaliex jien? Għaliex ma nistax nieħu nifs? Ibqa’ tkellem mal-Mulej. It-timeframe t’Alla mhuwiex tagħna pero hu jismagħna tassew. Hu jkellimna bil-fatti ta’ kuljum. Alla mhuwiex se jitlaqna. Hu jixħet xita ta’ grazzji mhux saħta fuqna. Jekk inħallu din il-paċi tidħol fina – jekk inħallu ħin għal Mulej – jekk inħallu ħin għal quddies, għal adorazzjoni, għat-talb.

      Ejjew mela lkoll nużaw dawn il-mezzi li hawn madwarna biex nersqu aktar lejn il-Mulej. Spiċċa l-ispjega tiegħu Fr Charles Fenech.

      Il-laqgħa mbagħad tkompliet b’diskussjoni, dawn huma xi mistoqsijiet li rriflettejna fuqhom:

1.Nista’ noħloq klima ta’ ferħ jekk jimpurtani biss minni nnifsi?

•     Jekk nibqa’ naħli bl-addoċċ, l-aqwa li nfittex u nsib?

•     Jekk b’għemili mmur kontra d-dritt li għandu ħaddieħor għall-ħajja?

2.Meta ngħidu li għandna fiduċja f’Alla, dan ifisser li norbtu idejna, u nistennew kollox ġej minn Alla?

Avvizi

L-Erbgħa 5 ta’ Marzu, Ras ir-Randan, Radju Marija se jiddedika ġurnata bi programmi b’meditazzjoni bħal irtir bi tħejjija għar-Randan.

Il-Ħamis 6 ta’ Marzu quddiesa u adorazzjoni f’ San Duminku bejn is-6.30 u ? 7.30

Il-Ġimgħa  7 ta’ Marzu jitkomplew il-laqgħat Prayer Cafe ta’ katekezi fiċ-ċentru tal-Kerygma. Kulħadd huwa mistieden jisma’ l-kelma t’Alla magħna flimkien ma tazza kafe. : )

Weekend Irtir bejn l-14 ta’ Marzu u 16 ta’ Marzu fis-seminarju organizat mill-Kerygma u mmexxi minn Fr Charles Fenech. Għal aktar informazzjoni ċempel 21459942.

Fr. Charles tenna mal-ewwel  li dan il-vanġelu jkompli ma’ dak tal-Ħadd li għadda wara s-silta tad-diskors tal-muntanji. issa nsibu il-vanġelu tal-Ħadd li ġej li huwa vanġelu iehor li jitlob  ħafna perseveranza li nifhmuh u ngħixuh u  jitlob ukoll ħafna fidi.  Għaliex Ġesu’ mhux qed jitlob il-faċli u l-fidi  kultant tmur kontra  n-natura tal-bniedem.

Ħarsa lejn il-liġi Lhudija biex tgħinna nifhmu l-Vanġelu.

Fl-istorja ġeopolitika tal-Lhud tixhed dan il-vanġelu u naraw li għadhom hekk sal-lum .

‘Għajn b’għajn u sinna b’sinna’ – il-liġi tat- tpattija,  fejn min jirċievi l-ħsara għandu d-dritt leġali tal-vendetta minkejja liġijiet internazzjonali.  Fil-ġlied bejn il-Lhud u l-Palestinjani wieħed jinnota li qishom qatt ma’ jagħmlu pass ’il quddiem u dan minħabba l-liġijiet tar-reliġjon tagħhom.  Il-Liġi Lhudija tgħid hekk ‘Ħobb lill-proxxmu tiegħek u obgħod lill-għadu tiegħek’ u din il-mentalita għadha qawwija sal-lum.  Infatti Fr .Charles sostna dan billi semma ġrajja li seħħet madwar 20 sena ilu  fejn fl-Istitut Bibliku tad-Dumnikani f’Jerusalem, L‘Ecole Biblique, kien hemm partri li waqt li kien qed isuq tajjar tifel.  It-tifel ittieħed l-Isptar u wara ftit miet.  Il-Liġi tal-Lhud kienet tagħti lil missier jew l-omm ta’ dan it-tifel li joqtol il-patri.  Imbagħad intlaħaq ftehim b’ċifra għolja ta’ flus biex ipattu għad-danni li kien sar.  Pero’ xorta,  minkejja li ħallsu l-flus, din il-familja, legalment ma ħelsithomx <li dak il-missier seta’ jinħeles milli jqum bil-lejl u jgħid Fr X qatilli t-tifel mela jien sa noqtlu. >

Huwa dan li qed jgħid Ġesu’ fejn il-liġi ipperfezjonaha billi qalibha ta’ taħt fuq.

‘Ħobbu lill-egħdewwa tagħkom u itolbu għal dawk li jipperseqwitawkom, biex tkunu wlied Missierkom.’  Ġesu’ qed jenfazizza messaġġ.

Iżda hawnhekk Fr. Charles staqsa, ‘Allura Ġesu’ jridna bħaħen?’  Wieħed ma jridx jinsa li Ġesu’ stess iġġieled għall-ġustizzja,  jiġifieri Ġesu’ ma jridnix bħahen.  Meta tista’ tpatti ‘l-għadu tiegħek bl-imħabba agħmlu ħalli tkun minn fuq int.  Eżempju li ġab Fr. Charles huwa, toqgħodx tistenna li jibagħtulek Kartolina tal-Milied biex imbagħad tibgħat waħda int. Le ibgħat int l-ewwel ħalli tkun dejjem int minn fuq.  ‘Għax jekk intom tħobbu lil min iħobbkom, xi ħlas jistħoqqilkom?  Mhux il-publikani wkoll jagħmluh dan.’  Jekk xi ħadd fil-familja l-anqas biss jiftakar għeluq sninek,  meta tasallek l-okkazzjoni tgħidx , issa inpattihielu,.  Tkun ferħan meta inti tagħmel l-azzjoni.  Dan huwa il-punt li qed jgħid Ġesu’. ‘..u itolbu għal dawk li jippersegwitawkom..’ MHUX FAĊLI imma hija importanti li ngħixu l-vanġelu.  Ħa naqgħu, ħa niżolqu,  imma  dejjem għandna  nqumu u nimxu ‘l quddiem.

Din hija l-ġlieda magħna nfusna.  Fr Charles beda u spiċċa billi qal mhux vanġelu faċli imma mhux impossibli li ngħixuh.

Il-laqgħa kompliet b’aktar tagħrif, mistoqsijiet u tweġibiet minn Fr. Charles.  U b’dan intemm dan il-blog post tiegħi billi inħeġġiġkom li tiġu u tisimgħu intom dan u ħafna aktar.  Mhux faċli imma mhux impossibli!

BlogPost minn Joanna Ciantar

PRAYER CAFÉ

14 02 2014

‘Dan il-vanġelu hu waħda mis-siltiet li tħallik bla nifs’, beda Fr Charles Fenech  il- laqgħa PRAYER CAFE .  Forsi xi wħud wara li  jaqraw din is-silta jgħidu li Ġesu qiegħed isib ix-xagħra fl-għaġina . Aħna wkoll nistgħu nsibu lilna nfusna ngħidu bħad-dixxipli stess “Mela min se jsalva?” jew forsi hemm min jgħid “Mela Ġesu ħasibna tax-xemgħa?”  Iżda meta wieħed jqalleb il-Bibbja jsib li din is-silta tinstab ezatt wara il-famuż passaġġ tad-Diskors tal-Muntanja, fejn Ġesu jgħidilna “Inti hieni jekk tagħmel ……” Hawn Ġesu tana l-aħbar it-tajba li Alla jrid jagħtina l-hena tal-qalb. L-aħbar it-tajba tiġi qabel il-kmandamenti.  Fis-silta tal-vanġelu ta’ nhar il-Ħadd jurina li Ġesu ried ineżża kompletament l-ipokrezija tal-Kittieba u tal-Farizej ;dawn mhux biss kienu mexxejja reliġjużi iżda  kienu wkoll mexxejja politiċi u soċjali tal-Lhud. Dawn barra li jsegwu l-kmandamenti kellhom ‘l fuq minn 625 -il-liġi li kienu jitgħallmu bl-amment u kienu wkoll isegwuhom bir-retta. Waħda minn dawn il-liġijiet kienet li bil-kitba tad-divorzju raġel setgħa jkeċċi lil mara ‘l barra jekk ma ssajjarx tajjeb. Imma Ġesu qalilhom “Imma jien ngħidilkom li kull min jibgħat ‘il martu, …iwaqqagħha fl-adulterju..”(Mt 5:32) Mela Ġesu ma ġiex biex iwaqqa l-Liġi “imma biex inwassalhom għall-perfezzjoni.”(Mt 5:17)

Fil-mixja tal-fidi tagħna rridu ngħarfu nqumu wara l-waqgħat tagħna, irridu ninżabbru, kompla Fr Charles Fenech.  Importanti li naraw l-ħajja bin-nuċċali ta’ Ġesu u bih naraw stampa differenti minn dik li  trid turina d-dinja. Din hi l-problema tagħna llum – llum għadu kif għadda vot fil-parlament Belġjan li t-tfal ta’ kull eta f’kas ta’ mard għandhom id-dritt li jitolbu l-ewtanasja! Dan jurina li veru missejna l-qiegħ. Alla biss huwa l-awtur tal-ħajja. Irridu ngħarfu nimxu kontra l-kurrent.

Frazi li tolqot lil Fr Charles f’dan il-vanġelu hi “jekk tkun qiegħed ittella’ l-offerta tiegħek fuq l-altar u hemm tiftakar li ħuk għandu xi ħaġa kontra tiegħek, itlaq l-offerta …u mur irranġa ma ħuk, u mbagħad ejja tella’ l-offerta tiegħek.” Mela aħna obbligati li għalkemm it-tort ikun ta’ ħaddieħor xorta rridu nipprovaw nirranġaw is-sitwazzjoni. Irridu nieħdu azzjoni. Ma nistgħux nużaw ir-reliġjon qisha lasstiku. Bħal fil-kaz tar-Referendum tad-divorzju f’Malta, kien hemm min irraġuna li għalkemm ma jaqbilx miegħu ivvota ‘iva’ forsi jkollhom bżonnu uliedhom fil-futur!

Irridu nkunu kapaċi nikkontrollaw lilna nfusna. Irridu nkunu nsara li naħdmu mhux nsara li nisimgħu biss. Hi x’inhi l-eta u l-pozizzjoni tagħna fis-soċjeta irridu ngħarfu nitħeġġu fil-ħidma għal Mulej.

Il-laqgħa tkompliet b’diskussjoni minn dawk prezenti. Xi punti li ħarġu waqt id-diskussjoni kienu: “Jekk qalbna timtela bi vjolenza, minnha vjolenza toħroġ, jekk timtela b’nuqqas ta’ safa, nuqqas ta’ safa tarmi. Għalhekk  Ġesu jgħidilna biex nħarsu għajnejna u idejna… llum Gesu jikxfilna l-maskla. Maskla li ħafna drabi turi l-mod immatur li bih ngħixu r-reliġjon tagħna. Mod ta’ reliġjon li fih aħna biss spettaturi….għalhekk Ġesu ġie biex jenfasizza għajxien sħiħ tal-kmandamenti….

Fil-ħajja tagħna qegħdin naġixxu? Lesti li naffrontaw il-problemi tal-ħajja? JEW se nibqgħu qisna rix, nimxu mal-kurrent, bla fibra, bla rieda soda, għax hekk hi l-moda, bla ma nafu kif nieqfu fuq saqajna u nieħdu deċiżjonijiet tajba?

Avvizi:

EŻERĊIZZI

 Se jsiru eżerċizzi  bejn it-Tnejn 10 ta’ Marzu sal-Ġimgħa 14 ta’ Marzu fiċ-ċentru Kulturali Kerygma. Dik tal-Ġimgħa 14 ta’ Marzu issir ġewwa s-Seminarju. Jibdew fis-7.00pm sharp u billi se jkunu trażmessi live fuq Radju Marija kulħadd irid ikun bilqegħda f’postu sas-6.50pm meta jingħalaq il-bieb u ħadd iżjed ma jkun jista’ jidħol. Għal Aktar Informazzjoni Agħfas Hawn!

Weekend IRTIR GĦALL FAMILJA

Esperjenza Ġesu li ser issir bejn il-Ġimgħa 14  u l-Ħadd 16 ta’ Marzu 2014 fis-Seminarju Tal-Virtu r-Rabat. Għal Aktar Informazzjoni Agħfas Hawn!

Ħafna drabi fil-ħajja tagħna inħossuna li m’aħna kapaċi għal xejn.  Minkejja li nippruvaw u nixtiequ ngħixu ħajja tajba, xorta naqgħu; bid-dnubiet, b’attitudnijiet, bil-kliem li ngħidu… IMMA Ġesu’ għandu fiduċja fina u rridu nħalluh jaħkimna.

Ħalli lil Ġesu’ jirkeb miegħek fid-dgħajsa tiegħek;  fil-ħajja tiegħek li hija mimlija.

Ġesu’ f’dan il-vanġelu għandu kliem ta’ kuraġġ għalina, għalhekk irridu nieħduh bis-serjeta’.  L-għażla tagħna hija ċara għal Ġesu’? Jew qed nitbandlu fil-problemi ta’ ħajjitna?  Inqabbel fejn u kif jaqbilli!

Inħallu lil Ġesu’ jidħol fid-dgħajsa tagħna biex imexxi Hu.

Li tkun nisrani mhux lussu u privileġġ (Papa Franġisku). Li tkun nisrani mhux kumdita’ (Madre Tereża).

Li tkun nisrani mhux faċli.  Hawn min qed jgħix il-Kristjanezmu mhux biss fil-kumdita’ imma f’apatija.  Importanti li nqumu fuq saqajna. Inti konvint li fl-ambjent tiegħek sa tħalli ftit togħma?  B’nofs kelma tista tkun ta’ togħma tajba għal ħaddieħor.

Ippruvaw – Ġesu’ qatt ma jħallik waħdek.

Ġesu huwa d-dawl veru li  għandu bżonn il-bniedem.  Fejn qed insibuh u kif qed nuzawh dan id-dawl?  “Intom” qal Ġesu’; jiġifieri aħna lkoll irridu nkunu dan id-dawl.

Meta wieħed jgħix il-fidi, se jkollu d-dubji u t-tentazzjonijiet.  Jekk ma nemmnux ma jkollnix, għax kollox jkun qisu xejn m’hu xejn.

Hu tana l-qawwa u ma nistgħux ma nużawhiex.

Irridu nħallu togħma tajba fil-familja, fuq il-post tax-xogħol ..u ma niddejqux ma nibżgħux inqumu kontra l-ħażen.

The Youth of the Year Award 2013 organised by the Kerŷgma Movement was awarded to Bernard Borg from Birkirkara.  The award, which is sponsored by APS Bank, was announced by Fr. Charles Fenech OP, the Director General of Kerŷgma Movement.  A Special Mention was also given to Christopher Barbara from Santa Lucia for the voluntary work he carries out to improve the lives of people with diabetes.

His Excellency Dr. George Abela, President of Malta, presented the trophy at the end of a mass which was celebrated at St Dominic’s Church, Rabat on Friday 31 January 2014.  Also present at the ceremony were the Chairman of the Selection Board, Notary Joseph Abela, the Chairman of APS Bank Limited, Prof. Emanuel P. Delia and the President of Kerŷgma Movement, Mrs. Tania Borg among other guests.

Bernard Borg is a 25 year old university student from Birkirkara.  Bernard has been active in voluntary field for many years.  For the past 7 years he has been working continuously with the Sisters of Mother Theresa in Malta.  Indeed, he underwent several experiences helping out the nuns in their work.  This year, Bernard discussed with the ” Regional ” and ” Superior ” Sisters of Mother Teresa to set up a Group of Co-Workers in Malta.  Co-workers is a group which was set up by Mother Theresa herself whereby youths are called upon to commit themselves to a life closer to that of the sisters.  There is already a good number of youths who have in fact joined this group and thanks to Bernard’s initiative, young Maltese vounteers enjoy closer spiritual experiences with the sisters of Mother Theresa.

Through another of his initiatives Bernard revamped a group that used to hold monthly evenings of entertainment for families and elderly who are in the care of the sisters of Mother Theresa.  Through these social activities, people in the community are spending some leisure time with the young volunteers and thus creating an atmosphere of friendship.

Bernard was this year again part of Viva Children’s Summer where for the past 5 years, along with a group of other volunteers, they organize a five-week Summer School for children who are in the care of the sisters of Mother Theresa.  During these five weeks the volunteers live in the nuns’ home, where they prepare the activities for the children, strengthen the community, and grow in the spirituality of the Sisters with a regular time for prayer, daily Mass and adoration.  This year Bernard was personally responsible for this activity and together with other youths organized a number of fundraising activities, transport planning, school logistics, food for the children and the many other preparations such activities entail.

During this summer, Bernard also went to Ethiopia where for five weeks he worked with the Sisters of Mother Theresa and other organizations and thus continued to build upon the experiences he lived in Malta with the same sisters.  While in Ethiopia he helped out in the Home of the Dying, with the activities for the orphan children, distributed food to the poor, helped in the nuns’ hospital, and in a children’s summer school.  He also carried out maintenance work both at the hospital and at the school.

This year Bernard also embarked upon different experiences to help others.  About a year ago he joined the group S.T.A.N.D. (Striving Towards Ability Not Disability).  This group gives youngsters with disabilities the opportunity to a social and spiritual experience within the community.  Bernard integrated immediately with the members of this group, whether they were people with disabilities, parents or helpers.  He was nominated and elected by members of the group to form part of the executive committee where his role is that of fundraising activities organiser.

Bernard is studying Social Work at the University and used to also make part of his course’s official student organisation SĦS – Studenti għall-Ħarsien Soċjali.  Currently Bernard is also helping out in the Marsa Open Centre.  Bernard takes a lot of initiative and his intense work is always done in silence and for the benefit of others.

The nominees for this year’ Award were: Antonella Bajada from Munxar, Christopher Barbara from Sta. Lucia, Bernard Borg from Birkirkara, Rebecca Cini from Balzan, Louis Cutajar from Fgura, Amanda Galea from St Venera, Matthew Gellel from Vittoriosa, Ryan Magro from Qrendi, Joseph Mizzi from Gharb, Elisa Saliba Saliba from Floriana and Saralina Savo from Pieta’.

This trophy is awarded every year in honour of the late Dr Rudolph Saliba who was Kerygma Movement’s first president.  President Abela congratulated the winner and all the other nominees and stated that not only did their voluntary work not hamper their studies or work but such voluntary work in fact strengthened their character.  Also a number of them not only used their time and talents to help family and friends locally but they widened their circle beyond our shores giving support and help to others in need, without any prejudices.  These youndsters continued to show how generous the Maltese people are.

Prior to the award giving ceremony the President of Malta also presented a Special Mention to Gianluca Bezzina for the example he set to society and the world at large based on christian values.

Photos: Robert Soler

The Youth of the Year Award 2013 will be given to one of 11 young people who were nominated for this prestigious award. The aim of this award is to give due recognition to young people who througħ their hard work, character and by example have demonstrated their Christian commitment to society.  The nominees for this award must have carried out work in educational, sporting, social and cultural activities with a view to improving the situation of others.

IL-MISSIERNA

Nimmeditawha, Nifhmuha, Ngħixuha

Minn Fr. Charles Fenech O.P. – Direttur Moviment Kerygma

Prayer Cafe il-bieraħ ħa xgħejra differenti minn dik tas-soltu. Iltqajna f’laqgħa waħda l-adulti flimkien mal-adoloxxenti. Fr. Charles għamel spejgażżjoni ta x’inhi verament it-talba tal-Missierna.  Waqt din il-laqgħa niżżilt ftit punti li laqtuni u li ħa nkun qed naqsam magħkom.

l-ewwel parti:

Il-Missierna hija l-forma ta’ kif wieħed għandu jitlob.  Araw ftit kif: 

Missierna li inti fis-smewwiet,

Jitqaddes Ismek

It-talba tibda b’tifħir lil Alla.  Hekk għandha tibda kull talba li nagħmlu.  Ma nħarsux lejn Ġesu’biss għax irridu xi ħaġa… Imma b’tifħir lil Alla.

Jitqaddes Ismek

Din hija importanti li wieħed jifhimha.  Meta jkun hemm ambjent ta’ dagħa fid-dar , fuq il-post tax-xogħol eċċ IKUN HEMM AMBJENT TA’ SAĦTA.  U allura viċi versa.  Meta ikun hemm ambjent ta’ talb, IKUN HEMM AMBJENT TA’ BARKA.

Tiġi saltnatek,

Ikun li trid int,

Kif fis-sema hekkda fl-art.

Aħna meta nitolbu, irridu nafdaw f’Alla u nkunu pożittivi fit-talb tagħna.  Irridu nintelqu  f’idejH b’fidi soda u mhux dubjuża.  Irridu nkunu ċerti minn dak li qed nitolbu u mhux kif irridu aħna.  Irridu nkunu dixxipli u ma niibżgħux ngħidu li aħna nsara.

It-Tieni parti:

Hawnhekk nkomplu naraw il-forma ta’ kif aħna għandna nitolbu. Kif ukoll ħarsa lejn il-passat, preżent u futur. 

Ħobżna ta’ kuljum agħtina llum,

U hawnhekk nibdew inressqu t-talbiet tagħna.  Ta’ kuljum irridu nsibu ħin fil-ġurnata fejn nieqfu u nitolbu.  Fejn nidħlu f’intimita’  mal-Mulej u hawnhekk, verament inkunu qed ninħallu mill-għoqiedi tagħna  – meta ngħatu spazju lill-Mulej fit-talb, fis-skiet.

aħfrilna dnubietna bħalma

naħfru lil min hu ħati għalina,

U min mhux mibneb? Il-knisja hi mibnija fuq il-midinbin, la darba aħna għandna mal-art.  Għax il-knisja mhix tal-anġli; dawk qegħdin biex jipproteġuna.  Il-knisja mhix tal-qaddisin – dawk qegħdin hemm biex jispirawna.  Iżda la darba aħna lkoll midinba, ma nistgħux inżommu f’qalbna l-weġgħat, il-ħsarat, il-gideb, il-ġlied eċċ li wieħed għamlilna.  Aħna umani għalhekk mhux la kemm taqbad u taħfer u tinsa.  GĦALHEKK IRRIDU NITOLBU!  Biex kontinwament nitolbu maħfra u nġeddu l-maħfra tagħna ma’ ħaddieħor. Ma nistgħux nitolbu maħfra mbagħad ma naħfrux lil ħaddieħor. Ma tistax tkun nisrani tajjeb jekk ma taħfirx.

 U la ddaħħalniex fit-tiġrib,

Iżda eħlisna mid-deni.

Nitolbu lill-Mulej biex jevitalna li nidħlu fl-inkwiet. Kullħadd ikollu t-toqol tiegħu.  Itlob l-Ispirtu s-Santu biex jgħinek u jekk int temmen, isir il-miraklu miegħek.  Il-Mulej qed ikellmek bil-fatti.  Tiitaqa’ ma xi ħadd u jgħidlek xi ħaġa.  Tiftaħ il-Bibbja u taqra dak li jrid Alla.

Amen.

Nemmnu f’dak kollu li ngħidu.  Anki meta s-saċerdot itina l-ostja, ngħidu Ammen  li tinstema.   Irridu nemmnu f’kull ma’ nitolbu

Mela kif irridu nitolbu lill-Mulej?

Ibda t-talb tiegħek b’tifħir lil Alla.

Afda fit-talb tiegħek.

Itlob biex tagħmel dak li jrid Alla minnek.

Aħfer u itlob maħfra.

Itlob għall-għajnuna.

Amen: Emmen.

Do you like singing? If yes join Christour Children’s Choir for boys and girls! Do you want to join? If yes, email Moviment Kerŷgma on: info@kerygma.org.mt; or call 2145 9942. We are looking forward to seeing you form part of this choir!

Fr. Charles Fenech beda l-laqgħa Prayer Café tal-ġimgħa 17 ta’ Jannar, billi għamel  ħsieb ċkejken fuq Fr Ugo Cremona , patri u teologu kbir Dumnikan li miet nhar l-Erbgħa 16 ta’ Jannar. Kien bniedem ġgant tal-Ispiritwalità, li baqa’ sa l-aħħar jagħti  s-servizz tiegħu fuq l-artal minkejja li kien muġugħ. Kien bniedem ta’ sapport kemm b’mod fiżiku u anke spiritwali. Kien bniedem li jaf lil Ġesù u għalhekk Fr Ugo kien jitrasmetti fiduċja ma kull min jitkellem miegħu. U hawn Fr. Charles ħeġġigna biex nżommuh fit-talb tagħna.

Wara li nqara l-vanġelu tal-Ħadd li ġej Fr. Charles qasam dawn il-ħsibijiet:

Ġwanni li kien jaf lil jgħalaq il-vanġelu billi jgħid: ‘Dan rajtu b’għajnejja u xhedt, “Dan hu l-Iben t’Alla.”’ Aħna ħafna drabi nenfazzizaw li nagħtu xhieda, dan kompla Fr Charles irridu ngħamluh – f’affarijiet żgħar ta’ kuljum billi naraw lil Ġesù f’dawk l eqreb tagħna-f’martna/f’żewġna/f’uliedna/f’ommna… anke f’affarijiet żgħar bħal ngħinu fil-faċċendi tad-dar billi naraw u nħossu l-preżenza ta’ Ġesù f’dawk ta’ madwarna.

Kemm nagħtu xhieda ta’ x’aħna sal-mewt? Statistika li ħarġet mill-Vatikan tistqarr li fl-2012; 118,000 il-persuna ġew maqtula sempliċiment għax stqarru li kienu nsara. Fl-2013 nqatlu 105,000; 48,000  minnhom fis-Syria – fejn qegħed issir ‘wipeout’ tal-insara. Iħabbtu l-bieb, jistaqsu intix nisrani u jekk twieġeb iva jisparawlek. U dawn jagħżlu li jagħtu xhieda tal-fidi tagħhom u jieħdu l-mewt. Kemm int lest li tagħmlu dan? Jew inġibu mitt skuża – għax għandi l-familja, għax għandi x-xogħol… Ix-xhieda tagħna, tar-Reliġjon tagħna kif qegħda tkun? Hija waħda ta’ low cost kif isejħilha Papa Franġisku – immorru l-quddies il-Ħadd skond l-aptit, jew għax inħossu li rridu immorru bilfors? Kemm nħossu li rridu nxandru lil Ġesù u nħajjru aktar nies jersqu lejh? Kemm nħossu li għandna nħajru lil Mulej jagħmel mirakli fuq ċerti nies li birdu? Fr. Charles kompla jgħidilna li għandna nibdew minn dawk l-eqreb tagħna. Jekk għandek ir-raġel jew il-mara li birdet mir-Reliġjon, jew uliedek adolexxenti, itlob biex l-Ispirtu s-Santu jdawwlek b’kelma fil-mument ġust biex terġa tressaqhom lejn Ġesù. Kemm nemmnu li nafu lil Gesu mhux kemm nafu fuq Gesu? Dan hu l-messaġġ tal-vanġelu tal-Ħadd li ġej.

Biex nkunu nafu lil Ġesù rridu nħallu spazju għalih. Kemm inqattgħu ħin nitolbu anke ftit minuti kuljum? Jew ħajjitna mimlija daqs bajda dejjem b’xi skuża lesta… issa għax għandi x-xogħol tad-dar… anke min hu waħdu llum ħajtu mimlija daqs bajda… anke s-saċerdoti u r-reliġjużi għandhom ħajjithom mimlija; Anke t-talb u l-quddiesa jistgħu jsiru parti mir-rutina – kemm qegħdin nħallu ħin ta’ intimita ma Ġesù? Inti trid verament tara lil Ġesù bħala l-mera ta’ ħajtek? Skond l-eta tiegħek trid tkun lest li toffri sagrifiċċji ta’ veru għal Ġesù mhux għalik. Forsi tgħiduli, kompla Fr Charles, li nrabbi t-tfal, li nieħu ħsieb lit-tfal tat-tfal, li nieħu ħsieb lil kbar, dawn mhumiex sagrifiċċji? Mela mhumiex, IMMA qiegħed tagħti 100% tiegħek lil Ġesù? Inti qiegħed titkellem ċar u ma tibqax ddur mal-problemi. Ġwanni f’dan il-vanġelu qegħed jgħidilna: ‘Dan rajtu b’għajnejja u xhedt: “Dan hu l-Iben t’Alla.” ’ Forsi din hi l-problema tagħna l-insara li mmorru l-quddies kuljum – mingħalina li nafu lil Ġesù iżda m’għandniex rapport miegħu. Li jkollok rapport miegħu jfisser li meta jkellmek taġġixxi anke fi rqaqat żgħar. Papa Franġisku jenfasizza li m’għandniex naħlu. Għandu jkollna ‘management’ tajjeb kemm tal-flus u kif ukoll tal-ħin. Jekk ġa għandek ġakketta tal-firma qabel tmur tixtri oħra, ara tinqediex b’dak li għandek..din hi l-fidi..mhux jien x’irrid – iżda nħares lejn ta’ madwari għax faċli li nrattbu l-kuxjenza tagħna.

Waħda mill-affarijiet li qegħda tiġi diskussa anke fit-teoloġija hi jekk ċ-ċittadini li jemmnu għandhomx jibdew jiġi ntaxxati. Waħda mill-pajjiżi li ġa tagħmel dan hija l-Ġermanja. L-gvern jissusidja x-xogħolijiet ta’ tiswija fil-knejjes kemm Luterani u kif ukoll Insara u dawk li jemmnu jiġu ntaxxati xi ħaġa żgħira. Għal l-ewwel kien hemm rejazzjoni kbira saħansitra kien hemm min mar għand il-kappilan u staqsa biex jinqata’ mir-registru tal-magħmudija! U dan biex ma jħallasx taxxa żgħira! (Filwaqt li għandna pajjizi oħra kif diġa għidna fejn n-nisrani qiegħed imut biex ma jiċħadx il-fidi tiegħu!)

Għalhekk il-Papa Franġisku jinsisti li l-fidi tagħna trid tkun high cost u mhux low cost. Il-Fidi mhix li tmur il-quddies issaħħan il-bank, ir-reliġjon u l-fidi tagħna ma titkejjilx minn kemm nagħmel dnubiet jew le, għalkemm dan ma jfissirx li meta tagħmel d-dnub m’intix teħodha kontra Alla,  imma l-ewwel pass tagħna jrid ikun kemm qegħdin nibnu relazzjoni intima ma’ Ġesù. Kemm qed nużaw il-quddies u laqgħat li mmorru biex nibnu relazzjoni biex insiru nafu lil Ġesù b’mod intimu? Dan irid ikun it-training tagħna.

Fr Charles kompla billi fakkar profezija tal-Papa Ġwanni Pawlu II, meta kien qal  “familja li ma tilobx flimkien b’xi mod jew ieħor titfarrak” u dan qegħdin narawh llum.

Il-laqgħa tkompliet b’diskussjoni fuq jekk aħniex nagħmlu r-rieda t’Alla. Qegħdin nagħtu xhieda li aħna nsara? Meta naraw inġustizzja qegħdin nitkellmu? Nħossuna ħatja jekk naraw inġustizzja u ma nitkellmux?

Avviż: Ġimgħa 24 ta’ Jannar fis-7.00 ta’ filgħaxija se jsir seminar fuq it-Talba tal-Missierna miftuh għal kulħadd fiċ-ċentru tal-KERYGMA, jitmexxa minn Fr Charles Fenech o.p.