Is-sebgħa u għoxrin Ħadd matul is-sena

“Dak li għaqqad Alla, ma għandux jifirdu l-bniedem”

Inqrat is-silta mill-Evanġelju skont San Mark (Mk 10, 2-16).  Dan il-Vanġelu jittratta fuq is-suġġett tad-divorzju.  Jurina kemm Ġesù ma kienx jimxi mal-kurrent imma kien jemmen fl-ugwaljanza bejn il-mara u r-raġel.  Dan ir-rakkont ġara fil-Ġudea u dak iż-żmien jekk mara tinqabad f’adulterju kienet tiġi mħaġġra. Fit-tieni vers, bħas-soltu, il-Fariżej jippruvaw jonsbu lil Ġesù billi staqsewh jekk raġel jistax jitlaq lil martu u mhux viċi versa għax l-irġiel kienu dominanti. Ġesù rrispondihom b’mistoqsija oħra: “X’ordnalkom Mose?” u jfakkarhom x’kien il-pjan oriġinali t’Alla, li “t-tnejn isiru ġisem wieħed” meta jiżżewwġu.  Mela dak li għaqqad Alla m’għandux jifirdu il-bniedem.   Mela Alla ried li ż-żwieġ ikun komunita’ ta’ imħabba u bħala persuni indaqs u mhux f’pika bejniethom.  Alla ried li din tkun xbieha ħajja tal-imħabba tiegħu, personali u sħiħa.

Il-Vanġelu jkompli li meta marru lura d-dar d-dixxipli komplew jiddiskutu fuq id-divorzju. Anke d-dixxipli sabuha diffiċli biex jifhmu l-Ġesù.  Infatti qalulu  “Mela ladarba din hi l-kundizzjoni tar-raġel mal-mara, ma jaqbilx li wieħed jiżżewweġ.” Għax huma riedu li r-raġel dejjem ikun minn fuq! Iżda Hu qalilhom: “Mhux kulħadd jifhimha din il-ħaġa, imma dawk li lilhom jingħata, jifhmuha..

Ġesù uriehom ukoll li bil-miġja tiegħu l-bidla mill-qiegħ fil-qlub tal-bnedmin setgħet isseħħ.  Bi Kristu, l-bnedmin setgħu jibdew iħobbu bħal Alla.  Għal dawk li jingħaqdu ma’ Kristu, iż-żwieġ sar Sagrament, jiġifieri sinjal li jurihom lil Kristu fosthom u jagħtihom il-ħajja u l-imħabba tiegħu. Dan ifisser li mhux x’ħin tiddejjaq fiż-żwieġ taqbad u titlaq għax iż-żwieġ huwa Sagrament. Dan ma jeħlisniex mill-iżbalji, mid-difetti fil-karattru, mill-inkwiet, il-mard u d-dwejjaq. F’ċirkostanzi diffiċli bħal dawn l-akbar prova hi li nħobbu xorta waħda lil xulxin bħal Kristu bħalma nsibu fl-ittra ta’ San Pietru (2:23-24) “meta għajjru lil Ġesù ma weġibx bit-tgħajjir, meta bata ma heddidx”. Jekk il-miżżewġin jagħrfu jħobbu bħalu, b’dan il-mod, huma jaraw iż-żwieġ tagħhom jissaħħaħ, kif iwegħdu fir-rit taż-żwieġ “fir-risq tajjeb u l-ħażin, fil-mard u fis-saħħa”.

Il-Papa Franġisku, fit 2 t’April tas-sena l-oħra qal hekk “biex tagħmlu paċi m’hemmx bżonn iċċemplu lill-Ġnus Magħquda biex jiġu huma d-dar ħalli tagħmlu paċi.  Biżżejjed ġest ċkejken, żegħila, tislima!  U nkomplu l-għada!  U għada nibdew mill-ġdid.  U din hi l-ħajja, hekk irridu mmexxuha ’l quddiem, nimxu ’l quddiem bil-kuraġġ li rridu ngħixuha flimkien.  Tliet kelmiet li għandna ngħiduhom dejjem fid-dar tagħna huma: jekk jogħġbok, grazzi, skużani”.  It-tliet kelmiet maġiċi, jgħid il-Papa.

B’dawn it-tliet kelmiet, bit-talb tar-raġel u l-mara għal xulxin, billi nagħmlu paċi dejjem qabel tintemm il-ġurnata, iż-żwieġ jimxi ’l quddiem.

F’udjenza ġenerali  oħra li saret f’ April ta’ din is-sena il-Papa Franġisku jħeġġiġna biex ma nibżgħux nistiednu lil Ġesù għall-festa tat-tieġ. “Ma nibżgħux nistednuh fid-dar tagħna, biex ikun magħna u jħares il-familja tagħna.” Eku mill-kliem qawwi tal-qaddis Papa Ġwanni Pawlu II li kien qal: “Spalancate le porte a Cristo”. Iftħu l-bibien ta’ qlubkom beraħ għal Kristu!

Kompla jgħidilna biex ma nibżgħux nistiednu wkoll lil Ommu Marija. Fi kliem Papa Franġisku, l-Insara, meta jiżżewġu “fil-Mulej”, jinbidlu f’sinjal effikaċi tal-imħabba ta’ Alla.  L-Insara ma jiżżewġux biss għalihom infushom: jiżżewġu fil-Mulej għall-ġid tal-komunità kollha, tas-soċjetà kollha kemm hi.

Fl-aħħar tal-Vanġelu, Ġesù jgħid lit-tfal biex jersqu lejH.  F’dak iż-żmien, it-tfal kienu meqjusa l-inqas importanti fis-soċjetà Lhudija.  Iżda Ġesu jgħid “Tassew ngħidilkom, li min is-Saltna ta’ Alla ma jilqagħhiex b’qalb ta’ tifel ċkejken, ma jidħolx fiha ”. Irridu nemmnu fih u naċċettawh  bl-istess innoċenza tat-tfal.

Mid-diskussjoni tqajjmu xi punti interessanti:

Fuq it-tema taż-żwieġ, ġie mfakkar li dan ix-xahar ser ikun hemm is-Sinodu Straordinarju tal-Isqfijiet fuq il-familja.  Irridu noqgħodu attenti ħafna mill-midja minħabba t-tgħawwiġ u t-taħwid tal-fatti. Il-Papa, hu u ġej lura mill-Amerika kien mistoqsi mill-ġurnalisti rigward iż-żwieġ u d-divorzju. Hu kien ċar fir-risposta tiegħu: Iż-żwieġ huwa indissolibbli.

Niftakru li aħna ma nistgħux niġġudikaw, fuq ebda persuna, tkun xi tkun il-pożizzjoni tagħha: miżżewġa, divorzjata, omosesswali.  Alla biss jista’ jiġġudika, aħna nistgħu biss nitolbu għal dik il-persuna.

Anke rigward it-tfal tagħna.  Il-Mulej jrid li l-ġenituri jrabbu t-tfal sewwa.  Jekk dawn meta jikbru, jġibu ruħhom ħażin, il-ġenituri ma jaħtux.  Alla jiġġudika lit-tfal u mhux il-ġenituri, għax huma għandhom il-kuxjenza tagħhom.

Fl-aħħar inqrat kwotazzjoni li qalha l-Papa Franġisku fl-Udjenza Ġenerali fid 29 t’April ta’ din is-sena: “L-insara ma jiżżewġux biss għalihom infushom, jiżżewwġu fil-Mulej għal ġid tal-komunita’ kollha, tas-soċjetà kollha kemm hi”.

Il-Moviment Kerygma qed jorganizza kompetizzjoni tal-Presepji tal-Milied li wara jiġu eżebiti f’wirja li ser issir bejn 20 u d-29 ta’ Novembru 2015 ġewwa c-Ċentru Kulturali Kerŷgma, ir-Rabat.  Ir-rebbieħ jingħata premju ta’ €200, waqt li dak tat-tieni post jingħata €100 u għat-tielet post – €50.  Kulħadd jista’ jipparteċipa f’din il-kompetizzjoni tal-presepji li taghrif dwarha jinsabu f’dawn ir-regolamenti.

1. Il-qies tal-presepju m’għandux jaqbeż il-120 ċm wisa’ bi 80 ċm fond. Il-presepju għandu jkun statiku, imma affarijiet żgħar mekkanizzati bħal xi sienja, imtieħen eċċ huma aċċettati. Jista’ jintuża kull tip ta’ materjal MINBARRA oġġetti protetti bil-liġi bħal Sagħtar eċċ. Il-materjal KOLLU użat fix-xogħol irid jissemma, u dan biex il-membri tal-Moviment ikunu jistgħu jagħmlu nota miktuba fuq kull mejda tal-wiri għal benefiċċju ta’ kompetituri oħra u tal-pubbliku li jżur il-wirja.
2. Il-ġurija sejrin jagħtu l-punti tagħhom fuq: l-oriġinalità, artistrija, il-grotta u l-madwar, irfinar fix-xogħol, perspettiva u proporzjon, tqassim ta’ pasturi u wkoll effetti maħluqa permezz ta’ dwal jew ilma. Presepji mingħajr dwal ukoll jiġu aċċettati u ma jsir ebda tnaqqis ta’ punti fihom. Fl-ebda post tal-presepju ma jista’ jitħalla fejn jidher, l-isem jew xi dettalji oħra li jistgħu jagħtu xi ħjiel ta’ min huwa l-presepju. Min jagħmel dan ikun qed joħloq kunflitt ta’ interess u b’hekk jiġi skwalifikat mill-ewwel.
3. L-esebituri jridu jġibu u jieħdu x-xogħol tagħhom fil-ġranet mogħtija lilhom mill-Moviment. Ir-reġistrazzjoni tagħlaq hekk kif il-postijiet jimtlew u mhux ser ikun hemm data ta’ għeluq. Il-Moviment Kerŷgma jżomm d-dritt li jista’ ma jaċċettax xi presepji, mingħajr ma jagħti spjegazzjoni.
4. Id-deċiżjoni tal-ġurija għandha tkun DEJJEM finali.
5. Il-premjijiet ser ikunu hekk: L-ewwel post €200, it-Tieni post € 100 u t-Tielet post € 50. Ċertifikati ta’ parteċipazzjoni ser jiġu mogħtija wkoll lill-kompetituri KOLLHA. Id-data tal-premjazzjoni tingħata mill-membri tal-Moviment,
6. Il-ħlas ta’ €10 jsir mar-registrazzjoni u kull individwu jista’ jippreżenta presepju wieħed. Għal aktar taghrif cemplu fuq 99110888

Niżżel l-applikazzjoni minn hawn.

     Fl-ewwel laqgħa Prayer Cafè wara l-waqfa tas-sajf, ġie diskuss il-Vanġelu tas-26 Ħadd tas-Sena B (27 ta’ Settembru). Dan il-vanġelu għandu żewġ temi. L-ewwel jitkellem dwar it-tolleranza lejn dawk li avolja m’humiex id-dixxipli tiegħu, jagħmlu l-ġid f’ismu. Imbagħad Ġesù jitkellem dwar kundizzjonijiet li għandna nosservaw jekk irridu nidħlu fis-Saltna t’Alla.

     Dan huwa vanġelu attwali ħafna.  Ċerti nies fil-Knisja jew fi gruppi fi ħdan il-Knisja, iħarsu lejn dawk ġodda fil-grupp / knisja bħala xi ħaġa inqas, iktar il-bogħod minn Alla. Fil-Knisja ssib nies li huma nvoluti u ma jieħdux gost li xi ħadd ġdid jinvolvi ruħu. Din it-tip t’attitudni tagħmel il-ħsara u tbiegħed in-nies minn Kristu. Leader għandu jmexxi billi jservi. Il-Mulej għandu missjoni għal kulħadd u m’għandniex inkunu aħna li ntellfu lil xi ħadd mill-missjoni tiegħu. Aħna għandna nuru ospitalità lejn kulħadd – ikun min ikun. Jekk f’għajnejja bniedem ma jkunx sew, jien bħala nisrani għandi nilqgħu xorta u mhux nitkaża bih. Wara kollox, aħna kollha midinbin, taħt sema waħda. F’dan il-vanġelu Ġesù qed jgħidilna li aħna għandna naċċettaw it-tajjeb li ġej minn ħaddieħor, jiġi minn fejn jiġi, u jkun min jkun. It-tajjeb kollu tad-dinja mhux ġej biss minna l-kattoliċi.

     Aħna għandna nkunu ċerti li bl-azzjonijiet tagħna nqarrbu n-nies lejn Alla u mhux nbegħduhom minnu. Għalhekk importanti li ma niġġudikawx għax meta niġġudikaw, inbegħdu n-nies minn Alla. Aħna għandna nkunu nies li nibnu mhux li niġġudikaw, għax kif qal Ġesù “min mhux kontra tagħna, huwa magħna”. Fl-istess ħin għandu jkollna iktar sens ta’ komunità, għax meta nkunu komunità nkunu nistgħu nagħtu s-sapport lil xulxin.  Fl-isess ħin, ma nistax ngħin lil min hu magħna biss. M’għandiex inħares lejn l-uċuh imma lejn il-qlub.

     Fit-tieni parti ta’ dan il-Vanġelu, naraw li rridu noqgħodu attenti kif nġibu ruħna u x’ngħidu, għax nistgħu nagħtu “skandlu” u nagħmlu ħsara lil dawk li qed jarawna jew jisimgħuna u nbegħduhom minn Alla.

Mill-Katekiżmu tal-Knisja Kattolika:

“L-iskandlu hu atteġġjament jew imġiba li twassal lil ħaddieħor biex jagħmel dak li hu ħażin. Min jiskandalizza, ikun iġarrab l-għajru. Ihedded il-virtù u t-tjieba. Jista’ jwassal lil ħuh għall-mewt spiritwali, għall-mewt tar-ruħ. L-iskandlu hu ħtija serja jekk b’għemil jew nuqqas ta’ għemil iwassal lil xi ħadd ieħor biex jagħmel xi dnub gravi.”

“L-iskandlu jista’ jingħata ukoll mil-liġi jew mill-istituzzjonijiet, jew mill-moda jew mill-opinjoni pubblika. Huma għalhekk ħatja ta’ skandlu dawk li jagħmlu liġijiet jew jibnu strutturi soċjali li jwasslu biex ibaxxu l-imġiba morali tan-nies, jew iħassru l-ħajja reliġjuża,”

San Luqa Kap 17 Vers 1:

“Darba lid-dixxipli tiegħu qalilhom: “Ma jistax ikun li ma jingħatawx skandli; imma ħażin għalih min ikun ħtija tagħhom!”

     Għalhekk irridu noqgħodu attenti li ma nkunux aħna li nagħtu skandlu. Aħjar kelma nieqsa milli żejda. Bil-ħsieb jew mingħajr ħsieb, nistgħu nkunu ta’ skandlu għall-oħrajn. Għalhekk irridu nqaċċtu minn ġewwa fina u minn madwarna, dak kollu li jfixkilna. Għandna nitbeghdu minn xi ħaġa li nafu li tista’ twaqqana, jew xi darba waqqgħatna fid-dnub.

     Biex nagħmlu dan għandna bżonn, u għandna nitolbu lill-Ispirtu s-Santu, biex jgħinna nagħrfu t-tajjeb mill-ħażin. Kieku aħna l-Insara nagħtu kas iktar tal-Vanġelu u nimxu skont dak li hemm fih, kieku d-dinja hija ħafna aħjar minn dik li hi llum.

Tajjeb ukoll li nżommu f’moħħna dan il-vers mill-Ittra lill-Lhud, Kapitlu 12, Versi 1 u 2:

“Ejjew inwarrbu minna kull xkiel u kull dnub li malajr ifixkilna, u b’qalbna qawwija nibqgħu niġru t-triq tal-prova li għandna quddiemna; nżommu għajnejna merfugħa lejn Ġesù, li minnu tibda u fih tintemm il-fidi tagħna”

     Each and every season the Kerŷgma Movement dreams and works on projects of how to impart strong values to our children and youths; which values will serve them well in their future lives.  Through the project “You’ve Got Talent”, the Kerŷgma Movement is inviting young people aged between 13 and 19 years, even those who do not necessarily know that they do have talents to offer.  However, we promise them that through our project they will surely discover their talent.

    There is also a prize of €1000 to be won.  This thousand euro prize can be won by those who demonstrate commitment during the planned meetings and activities, as well as by demonstrating that through their experience with us, they have matured and been exemplary in the group.

     So therefore, whether you’re a youngster teeming with talents or whether you’re a youngster who feels you have nothing to offer, we have a place for you and we promise that you will not come out empty-handed.

     Duly completed registration forms must be sent by 24 October 2015.  The application forms may be obtained from the Kerŷgma Movement, St Dominic Square, Rabat or may be downloaded here.  Afterwards come and meet us for the first meeting on Friday 30 October at 7.00pm at Kerŷgma Movement, Rabat.

Download the application form here.

Il-Moviment Kerŷgma wettaq proġett ambizzjuż ieħor għat-tfal tul dan is-sajf,:  il-“Kids for Jesus Summer Club”.

It-teknologija toffri sfidi kontinwi lill-ġentituri sabiex jimmotivaw lil uliedhom jipparteċipaw f’attivitajiet li jgħinuhom jikbru b’mod ħolistiku. Għalhekk il-Moviment ħaseb biex dan is-sajf jagħmel stedina  lit-tfal ta’ bejn l-4 u t-13-il sena,  sabiex permezz ta’ dan il-klabb, it-tfal qattgħu sajf mimli avventuri, logħob, drama, ħbiberiji u fuq kollox esperjenza ħajja ma Ġesù.

X’tajna f’dan is-Summer Club?

1. Valuri Nsara: Permezz ta’ dan il-klabb, it-tfal kibru b’mod spiritwali u morali permezz ta’ diversi attivitajiet b’tema reliġjuża, kant u tagħlim ieħor flimkien ma’ sħabhom.
2. Avventuri varji: Huma kibru fil-kunfidenza u l-ħiliet tagħhom permezz ta’ logħob, avventuri, ħargiet, reċti, kant u żfin sabiex jiċċelebraw ma’ sħabhom it-talenti tagħhom.
3. Tagħlim dwar is-saħħa: tgħallmu dwar il-kura tal-ġilda tagħhom, ikel nutrittiv, u ħiliet bażiċi fl-ewwel għajnuna.
4. Kibru b’mod individwali: filwaqt li kienu fil-kumpanija ta’ sħabhom, it-tfal ingħataw l-opportunità li jitgħallmu ħiliet ġodda, waqt li jibnu kunfidenza fihom infushom u jitgħallmu jkunu aktar indipendenti permezz ta’ responsabiltajiet u sfidi ġodda.
5. Ħbieb ġodda: Il-klabb offra opportunità lit-tfal isaħħu l-ħbiberiji li diġa għandhom u kabbru ċ-ċirku ta’ ħbieb tagħhom f’ambjent nadif u sigur, iżda fuq kollox esperjenzaw ħbiberja ma’ Ġesù.

Is-Summer Club ser jagħlaq bi Play Pray Party fit-12 ta’ Settembru li hija miftuħa għat-tfal kollha tal-Primarja u quddiesa u talent show għall-ġenituri fit-18 ta’ Settembru.

The Kerŷgma Movement has just published the book Il-Wirt tal-Qaddisin (The Legacy of Saints).  This book includes a priceless collection of stories which not only fill you with joy but also shows the extent of what can be achieved when man is united with God.  We confess in the Creed: the Communion of Saints.  What is really the Communion of Saints?  It is the communion that stems from faith and unites together those who, by virtue of the Baptism, belong to Christ.  It is a spiritual unity – were we are all united! – a unity which does not come to an end through death, but continues in the afterlife.  In fact, there always remains a link between those of us who remain on in this world, and those who have crossed over the threshold of death.  We, down here on earth, together with those who have gone to eternity, form one big family.  This is the purpose of Il-Wirt tal-Qaddisin.  It does not only include a historical and narrative value, but every single day, builds a bridge with the Lord, based on the models of those lives that lived to follow Jesus.

Pope Francis on the 1st November 2014 reiterated that: “This marvellous community, this wonderful combination between heaven and earth, consolidates itself at a high and more intense level in the Liturgy, and above all, in the celebration of the Eucharist that expresses and gives rise to the deeper unity between all the members of the Church.  In the Eucharist, in fact, we encounter Jesus alive and all powerful, and through Him we enter into communion with our brothers and sisters in faith: with those with whom we still live together on this earth and also with the others who have left before us to another life, the everlasting life.  This truth fills us with joy: how wonderful it is to have so many brethren in faith to walk with us, support us through their help and walk together with us on the same path to heaven.  It is so consoling to know that there are other brethren who are already in heaven, who are waiting for us and who pray for us so that we can contemplate for eternity the glorious and merciful face of the Father.

In the great communion of saints, God wanted to reserve the primary place for the Mother of Jesus.  Mary is at the centre of the Communion of Saints and is the one who overlooks the link between the Universal Church with Christ, and family ties.  She is the Mother, our Mother, our Mother.  She is the best guide for whoever wants to follow Jesus in the path of the Gospel, because she was the first disciple.  She is the ever-caring and attentive mother to whom we should disclose our every desire and difficulty.”

The book Il-Wirt tal-Qaddisnin contains 524 pages, is hardbound and includes a page marker.  It is a book that recounts in detail the life of the saints for each day and includes quotations from the same saints.  The book is being sold at a price of €20 from main libraries.  The book is a Kerŷgma Movement publication.

It-Tnax –il Ħadd matul is-Sena. Evanġelju ta’ San Mark 4, 35-41.

Kemm-il darba aħna jiġrilna bħall-appostli li Ġesù jkun qiegħed ħdejna imma aħna jidhrilna li mhux qiegħed jagħti kasna. Għalkemm nemmnu li qiegħed hemm aħna nimtlew bil-beżgħat tagħna. L-Appostli kienu jafuh ħafna imma xorta waħda iddubitaw mill-Messija, minn Ġesù. Ġesù però dar fuqhom u staqsiehom għaliex qegħdin jibżgħu.

Il-biżà hija ingredjent mill-ħajja tagħna, minn meta konna żgħar kellna ħafna beżgħat li biż-żmien inbidlu u mhux spiċċaw. Ilkoll kemm aħna ngħaddu minnhom u konxji wkoll li hemm il-Mulej lest biex jgħinna, però xorta waħda niddubitaw. Min-naħa l-oħra importanti li jkollna ftit riskju u sens ta’ avventura fil-ħajja tagħna. F’parti oħra tal-Evanġelju Ġesù jgħidilna: “Ejjew għandi inti li tinsabu mtaqqlin u mħabbtin u jiena nserraħkom.” X’inhi dik il-ħaġa li ttaqqalna u tħabbatna? Huma l-problemi tal-ħajja.

Kull ma nagħmlu fih il-problemi u r-riskju. F’dawn iċ-ċickustanzi rridu nemmnu, nemmnu bħalma jemmnu t-tfal; mingħajr ma jistaqsu għaliex. Il-fidi tagħna hija misteru imma rrid nafda u nemmen li l-Mulej qiegħed hemm lest biex jgħinni. Hu jaf x’inhu jiġri imma qiegħed jistenniena biex nitolbuh l-għajnuna. San Tumas kien qal li ħajjitna qisha bħal meta aħna qegħdin mexjin ma’ muntanja imma Alla qiegħed fil-quċċata u minn hemm jista’ jara t-triq li aħna qegħdin naqbdu. Aħna ma nistgħux inkunu ċerti mit-triq tagħna għaliex m’aħniex naraw eżatt x’hemm wara l-kantuniera imma Alla qiegħed jara kollox minn fuq.

Il-Mulej qiegħed mimdud fid-dgħajsa tagħna imma huwa jimpurtah minna.

Interessanti wkoll li naraw il-fidi qawwija tal-appostli f’dan Alla li huma kienu jgħixu miegħu. Huma kienu jafu li huwa Alla magħmul bniedem li kien kapaċi jwaqqaf it-tempesta. It-tempesti tal-ħajja tagħna huwa Alla li kapaċi jwaqqafhom. Dun Ġorġ Preca kien jgħid biex inkunu ‘ħbieb mal-Mulej’. Is-sagrament tal-Qrar, tar-Rikonċiljazzjoni jagħmel proprju dan, jerġa’ jħabbibna mal-Mulej. Bil-qrar nistgħu niksbu mill-ġdid din il-ħbiberija tagħna ma’ Alla. Ġesù fil-mirakli li għamel bħal tat-tifla li kienet mietet qal lil missierha sabiex jemmen u l-mirakli seħħ. Ġesù dejjem qal li l-fidi tagħna tfejjaqna. Ġesù jgħidilna li mingħajru ma nistgħu nagħmlu xejn.

In-nuqqas ta’ fidi jidher meta Ġesù deher wara l-qawmien lill-appostli. Pietru meta kien qiegħed jara lil Ġesù baqa’ f’wiċċ l-ilma imma meta ddubita beda nieżel. Tumas ukoll ried imiss b’idejh u jpoġġi jdejh fuq il-marki tal-imsiemer u fil-kustat. Dan in-nuqqas ta’ fidi tant weġġa’ lil Ġesù li  meta reġa’ deher ġimgħa wara reġa staqsa għal Tumas sabiex ikabbar fih il-fidi.

Ġesù qiegħed jgħidilna: “Jiena Hu, afdaw fija.” Ma jfissirx li l-problemi se nsolvuhom kollha jew b’mod sħiħ imma l-fatt li npoġġuhom f’riġlejn il-Mulej se jgħinna naffrontawhom.

Moviment Kerygma is launching yet another ambitious project for children, the Kids for Jesus Summer Club. Kerygma Movement is an NGO and all the people working the summer club will do so on voluntary basis. The main purpose for this work is to evangelise Jesus to children in a creative way mainly through fun and games.

With more free time in summer, ensuring that children practice healthy habits could be a greater challenge for parents. Technological distractions, such as television, cell phones or video games make it difficult to maintain a healthy lifestyle for the children. The movement encourages parents to help their kids unplug from technology and explore all the Summer Club has to offer.

The aim of the Movement is to give the children religious experience and values whilst being adventurous and healthy in a safe environment. The summer programme for young people aged 4 to 13, offers fun and a unique experience with an opportunity to explore the outdoors, meet new friends, discover new interests and create memories that last a lifetime.

There are 6 reasons why children should attend the Kids for Jesus Summer Club

1. Religious Values: Summer Club is all about a wide variety of fun within a Roman Catholic environment. Religious teachings, songs and activities within a friendly environment help the children both in their spiritual, moral and social development.

2. Adventure: Summer club has a new outdoor adventure for children every Thursday. Children also get to perform their talents for their peers and parents.

3. Healthy fun: Stimulating activities that help children and teens learn the importance of; Basic skin care to ensure full protection from the sun and to help improve their physical appearance, good nutrition to instil healthy eating habits, basic first aid to help improve their health and safety.

4. Personal Growth: Whilst interacting with their peers, children are given the opportunity to learn new skills, and develop confidence and independence by taking on new responsibilities and challenges through cookery, craft, drama and various other activities.

5. New Friendships: together with all the fun, games, songs, swimming, drama and outings, the children meet new friends and strengthen existing friendships but moreover they get to experience Jesus as their friend.
6. Memories: Summer club is an unforgettable experience that will give each child memories and stories that will last a lifetime. Children will return to school feeling fulfilled and with plenty of stories to tell their peers.

So what are you waiting for?

Get your Registration forms from Kerygma Movement office at St. Dominic’s Convent, Kerygma Cultural Centre Rabat or Radju Marija Reception, or online: press here to download.  For more information you can also call on 21459942 or 99110888.

Registration Forms together with a nominal Registration Fee of €25 for non- Kerygma members and €15 for Kerygma members will be received at Kerygma Movement office on the 16th of June from 6.00pm to 8.00pm, on the 26th of June 4.00pm to 7.00pm, 27th of June from 9.00 to 11.00pm and 30th of June from 5.00pm to 8.00pm. Registrations are considered on a first come first serve basis and registrations will be closed once the summer club is filled to capacity, possibly before the 30^th of June.

Il-laqgħa inbdiet bit-talba tal-moviment.  Wara inqrat is-silta tal-Evanġelju tal-Ħadd 7 ta’ Ġunju.   Din hija meħuda mill-Evanġelju ta’ San Mark (14, 12-16. 22-26).

Nistgħu ngħidu li r-rakkont huwa maqsum fi tnejn: l-ewwel parti fejn Ġesù jibgħat lid-dixxipli tiegħu  ifittxu l-kamra fejn kienu sejrin jagħmlu l-Ikla tal-Għid u t-tieni parti fejn twaqqaf is-Sagrament tal-Ewkaristija. Dan sabiex titfakkar il-Festa tal-Ġisem Imqaddes ta’ Ġesù magħrufa bħala Corpus Christi.

Fl-ewwel parti Ġesù ikellem lid-dixxipli bħalma jkellem lilna kuljum kontinwament. Il-problema hi li xi kultant aħna nifhmuh skont l-burdata li ninzertaw fiha. Huwa jkellimna permezz tal-istorja u tan-natura u fuq kollox permezz tal-Bibbja.  Il-Papa Franġisku, meta jsib l-okkażjoni, qed iqassam kopji żgħar tal-Bibbja biex tinżamm fuq dak li jkun ħalli x’ħin isib ċans jaqra xi silta minnha.  Il-Bibbja hija t-triq tagħna.  Permezz tagħha aħna irridu insibu t-triq biex inħejju l-post fejn ser nagħmlu l-ikla tal-Għid tagħna.  Dan nagħmluh kif għamlu d-dixxipli: obdew l-ordnijiet ta’ Ġesù għax sabu eżatt dak li qalilhom. Qabel kollox irridu nkunu nafu xi jfisser verament l-Għid.   L-Għid tal-Lhud ifisser il-jum tal-ħelsien mill-jasar tal-Eġittu.  Għalina jfisser il-ħelsien mir-rabta tad-dnub u mir-rabtiet tagħna ma’ din id-dinja.

Dan huwa diffiċli speċjalment aħna li ngħixu f’kuntest soċjali ta’ kumdita’ meta nqabblu ruħna ma’ pajjiżi fejn hemm faqar u miżerji kbar.  U kultant naħsbu li mingħajr Alla aħna nistgħu ngħixu.  Aħna kontinwament naħsbu ħafna f’din il-ħajja li tispiċċa u naħsbu ħafna anqas fil-ħajja li ma tispiċċax!

Il-Papa Franġisku jgħidilna biex ninħallu mill-idolatrija.  Din hija kull ħaġa li aħna nagħtuha iktar importanza minn dak li hu spiritwali. Il-Papa stess qal li l-idolatrija ġġiegħelna ndgħajjfu d-dinjita’ nisranija tagħna. Qed nagħtu wisq każ ta’ kif nidhru quddiem il-bnedmin imma ma nagħtux każ kif nidhru quddiem Alla.  Qed ngħixu f’dinja ta’ konsumiżmu kbir. Irridu nitgħallmu nużaw l-affarijiet li għanda bil-qies u mingħajr ħela biex anke nibżgħu għall-ambjent tagħna.  Jekk aħna nċedu għall-idolatrija, il-Papa Franġisku jgħid li aħna nsiru nsara medjokri, bierda, bla sugu u pagani.

F’din is-silta nsibu l-unika darba, mill-Evanġelji kollha,  fejn Ġesù isejjaħ lilu nnifsu bħala mgħallem u għalhekk huwa importanti li nimxu fuq dak li jgħidilna Kristu.

L-Ewkaristija tagħmilna lkoll ħaġa waħda.  Kif jgħid Benedittu Sittax, kull meta aħna nersqu biex nirċievu lil Kristu fl-Ewkarsitija, nirċievu lil Kristu sħiħ u dak il-ħin Kristu qed jagħmilna ħaġa waħda.

Il-laqgħat ikomplu nhar il-Ġimgħa 19 ta’ Ġunju fis-sebgħa ta’ filgħaxija.

Il-laqgħa nbdiet bill nqara l-Vanġelu tal-Ħadd 31 ta’ Mejju; Il-Festa tat-Trinità – Sena B: Mattew 28: 16-20. Wara ġie diskuss l-istess vanġelu. Ntqal li dan il-Vanġelu qed itina episodju li fih jispikka d-dubju. Wara tlett snin li Ġesù qatta mal-appostli, huma baqgħu jiddubitaw. Pero fid-dubju nagħrfu lilna nfusna… kultant id-dubju jsaħħaħna. Aħma niddubitaw u l-Mulej jiġri warajna. Meta bdew jiddubitaw, il-Mulej tahom iktar responsabilità u qallhom: “… agħmlu dixxipli mill-ġnus kollha, u għammduhom fl-isem tal-Missier u ta’ l-Iben u ta’ l-Ispirtu s-Santu…” (Mt:28:19). Il-Magħmudija hija fil-fatt dik il-ħaġa li tqarribna lejn Alla: lejn it-Trinità.

U x’hini it-Trinità? Din hi għaqda ta’ Mħabba! Anke l-lingwaġġ li tuża l-iskrittura jsaħħaħ dan l-argument għaliex l-iskrittura tirreferi għal-missier u għal-iben; jiġġiefieri relazzjoni ta’ intimità: “Dan hu Ibni l-għażiż” (Mt:17:5).

F’dan il-Vanġelu tal-festa tat- Trinità, Ġesù jgħid lill-appostli wkoll:  “…u għallmuhom iħarsu dak kollu li ordnajtilkom jien (Mt:28:19); jiġġiffieri tahom missjoni li jxandru dak li xandar hu: l-Imħabba. Din hija l-missjoni li Ġesù jagħti lilna wkoll: dik li nxandru l-imħabba permezz ta’ ħajjitna.

Anke il-Papa Franġisku ukoll qed ikellimna il-ħin kollu dwar l-imħabba. Il-messaġġ tat-Trinità dan hu: messaġġ tal-Imħabba. U Kristu irridna nxandru dan; il-Missier l-Iben u l-Ispirtu s-Santu: l-Imħabba!

U meta nitkellmu dwar l-imħabba ma nistgħux ma niftakrux fil-passaġġ mill-ewwel ittra ta’ San Pawl lill-Korintin, Kapitlu 13, Versi 1 sa 8 u 13.

Li kont nitkellem bl-ilsna tal-bnedmin u tal-anġli bla ma kelli l-imħabba kont inkun qisni strument tar-ram iżarżar jew platti jċekċku.  U kieku kelli d-don tal-profezija u kont naf il-misteri kollha tal-għerf kollu, kieku kelli l-fidi tiegħi sħiħa li tqanqal il-muntanji, imma ma kellix imħabba, jien ma kont inkun xejn. U kieku kelli nqassam ġidi kollu fil-karità u nagħti ġismi għall-ħruq, bla ma jkolli mħabba, xejn ma jkun jiswieli ta’ ġid. L-imħabba taf tistabar u tħenn; l-imħabba mhijiex għajjura, ma tintefaħx biha nifishama , ma titkabbarx fuq l-oħrajn; ma tagħmilx dak li mhux xieraq; ma tfittixx dak li hu tagħha, xejn ma tinkorla; ma żżommx f’qalbha għad-deni, ma tifraħx bl-inġustizzja, imma tifraħ bil-verità: kollox tagħder, kollox temmen, kollox tittama, kollox tissaporti. L-imħabba tintemm qatt, jgħibu l-profeziji, jisktu l-ilsna, jgħib l-għerf. Issa hawn fidi, tama u mħabba, it-tlieta jibqgħu, il-kbira fosthom hija l-imħabba.

San Girgor il-Kbir kien għamel din il-katekeżi dwar dan l-Innu tal-Imħabba:

L-Imħabba taf tħenn

– Għaliex tpatti b’ġid liema bħalu kull deni li tirċievi

L-Imħabba mhijiex għajjura

– Għaliex ma tixtieq xejn mill-ġid tad-dinja u għalhekk ma’ tgħirx għal min jirnexxilu jiksbu.

L-Imħabba ma tintefaħx biha nfisha

– Għaliex tant tixtieq il-premju ta’ għemil ir-ruħ li ma jimpurtaha xejn mill-ġid tad-dinja.

L-Imħabba ma’ titkabbarx fuq l-oħrajn

– Għaliex mehdija biss bl-imħabba t’Alla u tal-proxxmu u ma tagħtix kas ta’ ebda ħaġa li mhix sewwa.

L-Imħabba ma tagħmilx dak li mhux xieraq

– Għaliex hi kuntenta b’dak li hu tagħha u ma tixtieq bl-ebda mod dak li hu ta’ ħaddieħor, li hu barra minnha.

L-Imħabba ma tfittixx dak li hu tagħha

– Għaliex kull ma għandha li jintemm tqisu mhux tagħha u tqis tagħha dak biss li taf li se jibqa’ għal dejjem.

L-Imħabba xejn ma tinkorla

– Għaliex għalkemm imġarrba u mħabbta ma żżomx f’qalbha ħsibijiet ta’ tpattija u ta’ vendetta waqt li tistenna premju aqwa u akbar wara l-ħafna taħbit li minnu tgħaddi

L-Imħabba ma żżomx f’qalbha għad-deni

– Għaliex imsaħħa bl-imħabba għas-safa, teqred mill-għeruq kull mibegħda minn qalbha u ma tħalli xejn li hu mniġġes jissawwar f’qalbha.

L-Imħabba ma tifraħx bl-inġustizzja

– Għaliex għandha biss ħerqa kbira ta’ mħabba għall-bnedmin kollha u ma tafx bid-deni tal-għedewwa tagħha.

L-Imħabba tifraħ bil-verità

– Għaliex tħobb lill-oħrajn bħala nfisha u tifraħ b’dak li hu tajjeb fl-oħrajn daqskemm tifraħ bil-mixi ‘l quddiem tagħha stess.

Il-Laqgħa spiċċat bit-talba tal-Missierna.