Il-laqgħa bdiet bil-qari tal-Vanġelu skond San Ġwann: 15 v 1-8 – il-Vanġelu tad-Dielja u l-Friegħi. Meta Ġesu’ jgħid: “Jien id-dielja u intom il-friegħi”, qed jitkellem fuq prinċijpju fundamentali – id-dipendenza tagħna f’Alla.

Id-dnub tal-bniedem hu dejjem wieħed – is-suppervja. Aktar ma bniedem hu konxju mid-dnub tiegħu, akbar hu d-dnub – insult lil Alla. Alla ħalaqna xbieha Tiegħu. Mela jekk jien nagħmel ħsara lili nnifsi jew lil ħaddieħor, jien qed nagħmel insult lil Alla.

Il-bniedem illum donnu sar supperv iktar minn qabel. Qed jieħu f’idejh dak li jidhirlu li għandu jgħix u dak li jidhirlu għandu jmut. Il-morali tgħid li ĦADD m’għandu dritt fuq il-ħajja. U l-maturita’ tagħna ma tfissirx li għandna nkunu arroganti, imma li d-deċiżżjonijiet li nieħdu ikunu konxi li huma mnaqqxin fin-natura stess tal-bniedem li Alla jagħti mal-ħolqien ta’ kull persuna.

Dan id-deni li nagħmlu lilna nfusna jew lil oħrajn ħafna drabi nagħmluh f’isem il-liberta’. Il-liberta’ mhix li tagħmel li trid. Il-liberta’ għandha r-regoli – dak li hu dritt tiegħi jieqaf fil-mument li jien nirfes il-kallu ta’ ħaddieħor. Min qed jippressa jew min jgħaddi ċertu liġijiet ċivili jaf li hemm xi ħaġa li qed tmur kontra n-natura, kontra Alla. Għalhekk għandu bżonn xi ħaġa biex hu jserraħ il-kuxjenza tiegħu billi jkun hemm liġi li tiddefendih – il-liġi ċivili li qed teħodha kontra l-liġi naturali, kontr’Alla.

F’dan il kuntest kollu rridu niftakru li l-ħniena t’Alla hi dejjem ikbar mill-ħtijiet tagħna. Għalhekk, biex ma nsirux zkuk niexfa, għandna bżonn il-qawwa tal-Ispirtu s-Santu, li lkoll irċevejnieha u kkonfermajnieha.

San Ġwann qed jinsisti li aħna nkunu marbutin mad-dielja. Aħna li aħna għax twelidna f’kuntest partikolari. Allura dak li qatt ma sema’ b’Ġesu’ jew trabba f’ambjent li kien ‘il bogħod minnu, dment li hu qalbu tajba, jien ma nistgħax niġġudika x’ser jiġri minnu. Pero’ jien li twelid f’ambjent ta’ fidi, jekk jien nirrifjuta, il-ħtija tiegħi tkun ikbar. Il-Knisja hi aħna lkoll – ilkoll midinbin. L-iktar importanti hu li tammetti li dnibt, u titlob maħfra.

Dan kollu jidħol fil-kuntest tal-valuri. Għandna valuri pożittivi, u valuri negattivi. Irridu naraw liema valuri l-iktar li qed jiddominaw illum. Salm 63 jgħid:

Isma, o Alla leħen it-tnehid tiegħi;
mill-biża’ tal-għadu ħarisli ħajti.
Aħbini mill-konfoffa tal-ħżiena,
mit-tixwix ta’ dawk li jagħmlu l-ħażen,
dawk li jsinnu bħal sejf ilsienhom,
jitfgħu kliem iebes bħal vleġeġ,
biex mill-moħba jolqtu ‘l min hu bla ħtija,
jotqtuh għal għarrieda, bla biża’ ta’ xejn.

Moħħhom sħiħ fil-ħsieb ħażin tagħhom,
jiftiehmu kif jonsbu bil-moħbi,
u jgħidu: “Min se jarana?”

Min irid jgħix ta’ nisrani ma jistgħax ikollu ħajja komda. Ix-xitan jattakka lil min qed jipprova jgħix ħajja tajba. Dawk li jagħmlu l-ħażen jaħsbu li ħadd mhu se jarahom, għax ħsiebhom hu marbut ma’ din id-dinja. Imma l-ġust jifrah fil-Mulej u jistkenn Fih. Din hija l-fidi u t-tama tagħna. Aħna lkoll nistgħu nkunu profeti u missjunarji. Se nsibu min jidħak bina. Irridu nimxu kontra l-kurrent.

F’dan il-Vanġelu Ġesu’ jibqa’ jagħmel enfasi fuq il-fatt li rridu nibqgħu Miegħu, ma ninqatgħux miz-zokk, biex nagħmlu l-frott. Gesu’ lill-appostli qallhom li d-dinja għad tobgħodhom kif bagħdet Lilu qabel. Issa aħna llum, x’qed inħallu l-iktar jinfluwenzana? Ma nistgħux ngħixu ħajja nisranija tas-supermarket – nieħu li jogħġobni u li ma jogħġobniex inħallih hemm. Din mhix ħajja nisranija, imma ħajja ta’ kompromessi.

Kif qal Ġesu’, il-ġenna u l-infern jibdew minn din id-dinja. Jekk qed inbati minħabba l-fidi tiegħi, nista’ nqis li qiegħed l-infern, jew nista’ nqis li jien qed nipprepara ruħi b’mod tajjeb biex imbagħad ingawdi fil-ġenna. Infatti Ġesu’ qiegħed il-ħin kollu jitlob u jinterċedi għalina għax qed jistenna li aħna niltaqgħu Miegħu. Il-ġenna hi l-laqgħa mal-Mulej. Il-mod kif aħna naffrontaw id-diffikultajiet fil-ħajja tagħna jiddetermina hiex infern jew ġenna.

Id-dielja hu Ġesu’, u aħna rridu nibqgħu marbutin magħha. Pero’ kemm aħna konvinti minn dan? Il-konverżjoni tagħna hi li kuljum aħna rridu nagħmlu dak il-pass ċkejken ‘il quddiem illi nkomplu nikkonvinċu ruħna li ħajjitna hi marbuta Miegħu.

Naraw fil-Vanġelu l-konflitt kontinwu bejn Ġesu’ u l-mexxejja tal-Lhud. Dawn ma riedux jaċċettawh għaliex huma poġġew lilhom infushom fiċ-ċentru. Ma riedux jemmnu li Ġesu’ hu ċ-ċentru. Allura qatt m’aċċettawh u spiċċaw biex qatluh. Jekk aħna rridu nkunu magħqudin ma’ Ġesu’, ma nistgħux inpoġġu lilna nfusna fiċ-ċentru. Irridu nħallu Lilu jkun iċ-ċentru tagħna.

Il-Vanġelu jgħidilna li l-Missier jiżbor, inaddaf. It-tindif isir bil-penitenza, billi niċċaħdu, imma l-iktar bis-sagramenti. Kif qed nersqu lejn il-Qrar? Aħna mmorru f’riġlejn Ġesu’, ngħidulu li dnibna, li ndimna, u nwegħduh li ma nerġawx. Kull darba li nqerru supppost li ħajjitna tagħmel dak il-pass ċkejken il-quddiem li lilna jżommna marbutin maz-zokk biex nagħmlu l-frott. Aħna rridu nisimgħu l-kelma ta’ Ġesu’ u nxandruha bl-eżempju. Il-missjoni tagħna hi li nibqgħu fil-Mulej u Hu fina. Irridu nobdu l-kmandamenti mingħajr kompromessi.

L-ikbar kmandament hu l-imħabba. Din kienet ir-rivoluzzjoni ta’ Ġesu’: “Ħobbu lil xulxin kif ħabbjetkom Jien”, “aħrilhom għax ma jafux x’inhuma jagħmlu”, “ħobbu li dawk li jobgħodukom.” Jekk irridu nimxu wara Ġesu’ rridu nimtlew bl-imħabba bħal Tiegħu. Jekk ma tħobbx, tinxef u tinħaraq.

Kif inħares lejja nnifsi f’dan il-kuntest? Jien qaddej jew ħabib ta’ Ġesu’? Irrid inkun it-tnejn. Il-ħabib niftaħ qalbi miegħu. Imma rridu wkoll inkunu qaddejja tal-oħrajn għax fihom naraw lil Kristu.

Irridu ngħixu l-Vanġelu billi nisimgħu, naqraw, u nxandru, iktar milli bil-kliem, bl-eżempju.

Il-laqgħa bdiet bil-qari tal-Vanġelu tal-Ħadd – il-Vanġelu tar-Ragħaj it-Tajjeb.
Għalfejn lil Ġesu’ ngħidulu r-Ragħaj it-Tajjeb?

Fl-ewwel paragrafu Ġesu’ jgħid: “Jiena r-ragħaj it-tajjeb. Ir-ragħaj it-tajjeb jagħti ħajtu għan-ngħaġ tiegħu. Il-mikri, li m’huwiex ir-ragħaj, u li n-ngħaġ m’humiex tiegħu, jara l-lupu ġej, u jħalli n-ngħaġ u jaħrab; u l-lupu jaħtafhom u jxerridhom. Mikri hu, u ma jħabbilx rasu min-ngħaġ.”

F’din is-silta, toħroġ id-differenza bejn il-veru ragħaj tajjeb u l-mikri. Il-mikri ma jimpurtaħx min-ngħaġ, waqt li r-ragħaj it-tajjeb lest li jagħti ħajtu għalihom. Hawnhekk Ġesu’ kien qed jeħodha kontra l-qassisin il-kbar u l-Fariżej. F’għajnejn il-poplu dawn suppost li huma r-rgħajja spiritwali tal-poplu. Għalihom il-Liġi tiġi l-ewwel, imbagħad il-bniedem. Għal Ġesu’, il-bniedem jiġi l-ewwel. Il-Liġi qegħda hemm biex tgħin lill-bniedem.

“Ir-ragħaj it-tajjeb jagħti ħajtu għan-ngħaġ tiegħu.” Ġesu’ ssallab u miet għalina mhux b’ċirkostanza, imma minn jeddu – b’intenzjoni – l-intenzjoni li jifdina u l-intenzjoni li Alla l-Imbierek għandu għalina.

Ikompli Ġesu’: “Jien ir-ragħaj it-tajjeb; jiena nagħraf il-ngħaġ tiegħi, u n-ngħaġ tiegħi jagħru lili, bħalma l-Missier jagħraf lili u jiena nagħraf lill-Missier; u għan-ngħaġ tiegħi nagħti ħajti.” Ġesu’ qed jirrepeti biex jagħmel enfasi. Hemm differenza bejn ragħaj tajjeb u r-ragħaj it-tajjeb. Ir-ragħaj it-tajjeb jaf in-ngħaġ tiegħu b’isimhom.

Ġesu’ jqabbel ir-relazzjoni Tiegħu mall-Missier ma’ dik ta’ ragħaj man-ngħaġ tiegħu. Jien nagħrfuh lil Ġesu’? Jien qed napprezza din l-imħabba Tiegħu? Jekk nagħrfu dan, ħajti għandha tinbidel. Aħna rridu nkunu konvinti li aħna maħbubin minn Alla.

“Għandi wkoll ngħaġ oħra, li m’humiex minn dan il-maqjel; lilhom ukoll jeħtieġ li niġbor, u huma jisimgħu leħni, u jkun hemm merħla waħda, ragħaj wieħed.” Ġesu’ ġie għal kulħadd. Għad baqa’ ngħaġ li mhux mill-maqjel Tiegħu? Jien niġġudikhom, jew immur infittixhom, bħal ma Ġesu’ jfittex lin-nagħġa l-mitlufa?

“Għalhekk iħobbni l-Missier, għax jien nagħti ħajti, biex nerġa’ neħodha. Ħadd ma jeħodieli, iżda jien nagħtiha minn rajja. Għandi s-setgħa li nagħtiha, u għandi s-setgħa li nerġa’ neħodha; din hi l-ordni li ħadt mingħand Missieri.” Alla l-Missier ta lil Ġesu’ r-rebħa fuq il-mewt, u din jerġa jagħtiha lilna fil-qawmien tagħna.

Aħna msejħa biex nitolbu għal aktar vokazzjonijiet, għal aktar mexxejja u rgħajja spiritwali. Nitolbu biex ħaddieħor jaċċetta din is-sejħa. U jien?

• Għal x’hiex qed isejjaħli l-Mulej illum?
• Fejn qed nitfa l-enerġija tiegħi kuljum? Din hi skond ir-rieda t’Alla?
• Il-mod li qed ngħix qed jagħti xhieda tal-ħajja nisranija?
• Kif qed nikkontribwixxi jien biex nagħmel id-dinja post aħjar fejn in-nies jgħixu?
• Kemm qed inxerred il-verita’, l-imħabba, il-ġustizzja, it-tolleranza?

U jekk jien, fis-sitwazzjoni tiegħi ta’ raġel/mara miżżewġa, omm, missier, l-impieg li għandi, etċ, kif f’din is-sitwazzjoni qed isejjaħli Alla biex inkun ta’ servizz għalih, għall-Knisja, għall-komunita? Jew qed nużahom biss għall-iskopijiet ta’ moħħi?

Irridu niftakru li Ġesu’ biss hu s-Salvazzjoni, għalhekk ngħidulu r-Ragħaj it-Tajjeb.

Il-laqgħa għalqet bit-talba tal-Missierna.

Il-laqgħa bdiet bit-Talba tal-Moviment.

Dak li qed jiġri fl-Ewropa, qed jolqot lilna wkoll. Dak li ġara elfejn sena ilu qed jiġri llum.

Waqt  li l-Lhud kienu qed jiċċelebraw l-Għid, sallbu lill-Messija li kienu ilhom tant jistennew. Ħajjithom kienet ibbażata fuq din l-istennija. Imma meta ġie, sallbuh. U naraw l-Appostli jitħawdu, jibżgħu u jinqaflu ġewwa.

F’dak li qed jiġri llum, hemm min qed jipprova jniżżel in-nisrani fil-katakombi, qed jgħid lin-nisrani “Int relegat. Taħseb x’taħseb, żommu għalik”

Elfejn sena ilu l-Appostli ħarġu miċ-Ċenaklu u bdew ixandru l-Kelma t’Alla, għax quddiem Alla, il-verita’ biss tgħodd. Ġesu’ qal “Min jiċħad Lili quddiem il-Missier, Jiena niċħdu.” Sentenza iebsa!

Is-sitwazzjoni li ħassew l-Appostli dak iż-żmien, jista’ jkun li qed inħossuha aħna wkoll. In-nies qed jonqsu mill-knisja. Elfejn sena ilu ġara hekk ukoll. L-Appostli qalu lil Ġesu’ “Qed jitilqu”. U Hu qalilhom “Tridux tmorru intom ukoll?” L-istess statistika tal-lum hi l-istess ta’ dak iż-żmien.

It-tagħlim ta’ Ġesu’ huwa ħafif, imma tqil biex tipprattikah. Illum indunajna li l-isteering ta’ dak li nemmnu aħna jista’ jdur. Aħna mhux id-dover tagħna li niġġudikaw lil ħaddieħor, imma aħna obbligati li nimxu fuq it-tagħlim nisrani. Sfidi ħa jkollna, bħal ma kellhom l-Appostli. Kien hemm minnhom min ċeda, u llum ukoll jiġri l-istess. Inċedu għall-pressjoni ta’ żmienna.

Qed ngħixu żmien il-Għid, li għandu jkun is-sena kollha, għax aħna l-poplu tal-Qawmien. Bejn it-tebut u l-Qawmien hemm “Tumas” – jien! Tumas ried jara l-affarijiet konkreti. Ġesu’ wrieh il-feriti. Dawk huma l-feriti tal-Knisja llum. Dawk li qed immissu llum. Għalhekk qed ngħixu bħal ma għexu l-appostli dak iż-żmien. Dawk ma waqfux mal-mewt ta’ Ġesu’, għax Hu tahom l-Ispirtu s-Santu, l-istess bħalma ta lilna fil-Magħmudija u fil-Griżma, l-istess Spirtu li ħadu l-Appostli elfejn sena ilu.

Jekk inħarsu lejn il-kmandamenti, dawn huma l-pilastri li jmexxu kull sistema legali fil-pajjiż – la toqtolx, la tisraqx, etc. Dawn kollha huma legalizzati. Fil-kmandamenti m’hemm xejn li jeħodha kontra l-ebda stat. Kull stat demokratiku jimxi fuq dawn il-pilastri. Pero’ llum qegħdin f’sitwazzjoni fejn hemm min qed iħoss li għandu jiftah. Il-piż ta’ dan hu jrid iġorru. Aħna, bħala nsara, il-piż tagħna hu li nimxu fuq il-prinċipji tagħna.

L-Appostli tħawdu, imma fl-aħħar, meta għarfu lil Ġesu’, ħarġu minn hemm u spiċċaw martri. Ġuda ppretenda xi ħaġa differenti minn Ġesu’, mill-Knisja. Aħna m’għandniex infittxu lil Alla fl-affarijiet ta’ din id-dinja. Aħna għandna nkunu dak il-poplu li nemmnu li għandna l-Ispirtu s-Santu fina. Aħna rridu nagħmlu d-differenza. Għax fl-aħħar mill-aħħar, ruħna rridu nsalvaw, u dik ta’ min aħna responsabbli – iż-żgħar – għax l-Evanġelizzazzjoni minn hemm trid tibda. Din hi l-missjoni tagħna.

Jekk aħna ħa noqogħdu għall-pressjoni, bħal ma kellhom l-Appostli dak iż-żmien, ħa nispiċċaw ninżlu fil-katakombi – li tkun nisrani żommu għalik! Id-differenza li rridu nagħmlu aħna hi li ngħixu ħajja differenti fid-dawl tal-Iispirtu s-Santu. It-tagħlim tagħna nġibuh mill-Kelma t’Alla.

L-Appostli m’emmnux mill-ewwel li Ġesu’ kien qam. Infatti Hu talabhom ħuta u kielha quddiemhom, għax ħasbuh xi fantażma. Illum li tippreżenta xi ħadd li jqum mill-mewt mhix faċli, meta kollox jiġi ppruvat bix-xjenza.

L-ewwel Appostli taw xhieda. Ħarġu mill-biża’. Qatlulhom lil Ġwanni u lil Ġesu’ għax dejjqithom il-verita’. Ġesu’ kien avżhom “Għad titħawwdu”.

Aħna rridu nkunu l-insara llum. Ma nistgħux inkunu nsara tat-tradizzjonijiet. Qed inkunu konkreti? Parir nisimgħuh? L-Evanġelizzazzjoni trid tkun bil-mod kif ngħixu aħna. Irridu nżommu sħiħ mat-twemmin tagħna. Ġesu’ ssallab għall-imħabba li jħallina fil-liberta’. U qegħdin insallbuh aħna llum. Ġesu’ ħa dan kollu fuqu biex jagħtina l-maħfra.

Aħna, bix-xhieda tagħna, rridu nagħmlu d-differenza, jiġri x’jiġri. Aħna nafu li d-dagħa, l-abort huwa dnub. Għandi nitkellem fejn għandi nitkellem, bir-rispett u l-imħabba. Għandi d-dritt u l-obbligu li nsemma leħni. Kulħadd irid iġorr il-piż tiegħu.

Hawnhekk sar intervent fuq il-moviment Kerygma. Dan twaqqaf tletin sena ilu biex jiġbor in-nies għal impenn nisrani fis-soċjeta, permess ta’ talb u formazzjoni. Hemm bżonn iktar minn qabel li nevanġelizzaw. Hu x-xogħol ta’ kulħadd. Imma din tibda billi niffurmaw u ninfurmaw irwieħna biex niffurmaw lil ħaddieħor. Qed tiġi diskussa l-liġi dwar l-IVF. Nafu x’inhi? Nafu x’inhu l-iffriżar tal-embrijuni? Jekk int m’intix infurmat sew, ser tibla’ kollox, tifhem u ma tifhimx! Irridu nkunu nsara konvinti – favur il-ħajja. Imma kemm jien infurmat biex nikkomunika – mal-familjari, fuq il-post tax-xogħol, għand tal-ħanut, mall-ħbieb?

Irid ikollna impenn kristjan fis-soċjeta’. Irridu formazzjoni reliġjuża qawwija – anke medika , soċjali, etċ – għalina u għall-oħrajn. U din tibda mid-dar. Meta tkisser il-valuri nsara, tkisser is-soċjeta’ – bħal boomerang tiġi lura fuqek, fuq il-familja, fuq is-soċjeta’, fuq il-pajjiż. Meta aħna naħsbu li sirna allat, it-tisbita tkun għall-infern. Niftakru li ruħna għandha prezz infinit – il-prezz li ħallas għalih Ġesu’!

Għalhekk għandna nibdew mill-familja, għax hemm jiġu miżrugħa l-valuri. Id-dar hi l-ewwel knisja.

Ġesu’ qal “Ikun l-Ispirtu tal-Mulej li jitkellem permezz tagħkom”

Il-laqgħa għalqet bit-talba tal-Missierna.

Il- laqgħa Prayer Cafe tat-23 ta’ Frar ġiet imexxi mis-Sur Joe Huber. Fiha ġie diskuss il-qari tat-tieni Ħadd tar-Randan. Papa Franġisku spiss iħeġġiġna biex naqraw l-Iskrittura bl-istess ħerqa li biha Ġesu tkellem dwarha fit-triq ta’ Għemmaws.

Is-salib deher li kien it-tmiem anki għall-appostli, tant li kif qal il-Papa ftit ilu, dawn reġgħu lura lejn xogħlhom. Infatti fil-Vanġelu naqraw dwar is-sajda mirakoluża li ġrat wara l-qawmien mill-mewt ta’ Ġesu. Iżda minkejja dan bil-miġja tal-Ispirtu s-Santu huma fehmu li s-salib kien l-għajn tal-ħajja u tal-qawmien.

Fit-tieni Ħadd tar-Randan il-Knisja ttina t-Trasfigurazzjoni quddiem it-tliet appostli fuq il-muntanja Tabor. Din il-ġrajja ġrat dritt wara l-ewwel tħabbira tal-mewt ta’ Ġesu. It- tliet Vanġeli sinottiċi (Mattew, Mark, Luqa) jirrakuntawh u jqiegħduh eżatt wara l-famuża xena fejn minkejja li Ġesu kien qallu li se jibni l-Knisja tiegħu fuqu, eżatt wara lil Pietru jċanfru bil-goff u jgħidlu: “Itlaq minn quddiemi ja xitan.”

Għaliex? Ġesu stess itina t-tweġiba. Lil Pietru jgħidlu li qed jirraġuna bil-moħħ ta’ bniedem u mhux bħal Alla. Mill-ġdid insibu lil Pietru jirraġuna bħala biedem fix-xena tat-trasfigurazzjoni: ir-reazzjoni tiegħu li anki f’għajnejna tidher paradossali hi mqanqla minn żewġ emozzjonijiet umani: il-biża’ u t-tama.

Fil-ktieb ‘Ġesu di Nazaret’ Joseph Ratzinger (Benedittu XVI) jikteb li Luqa, jibda r-rakkont tiegħu li jwassal għal dan l-episodju bil-paradoss: Waqt li Ġesu kien jitlob waħdu d-dixxipli isiru ħaġa waħda ma’ Ġesu li waħdu qiegħed jitkellem mal-Missier. Jarawh ikellem lill-Missier wiċċ imb’wiċċ u li s-setgħa tiegħu kienet ġejja mill-Missier. Huma qed jaraw xi ħaġa li l-bnedmin l-oħra ma setgħux jarawha, ittihom opinjoni differenti għax ittihom għarfien li jmur ‘l hinn mill-oppinjonijiet tal-bnedmin. Huwa fuq dan li Kristu bena l-Knisja tiegħu!

Imma lit-tlieta, insejħulhom hekk, ipprivileġġati, irid jurihom aktar minn hekk. Ma ninsewx li dan l-episodju tat-trasfigurazzjoni nsibuh lejn it-tmien tal-ħajja ta’ Ġesu, hu u sejjer lejn Ġerusalemm fejn wara d-daħla trijonfali l-burdata tan-nies marret fl-oppost  u mxewxin mill-kbarat għajjtu; Sallbu!

B’din l-esperjenza tat-trasfigurazzjoni, Ġesu ried jgħin lid-dixxipli jegħlbu l-kriżi li kienu jinsabu fiha meta hu ħabbar il-mewt tiegħu.

Il-vanġelu tat-trasfigurazzjoni jinqasam:

2-4       Ġesu jinbidel quddiem id-dixxipli

5-6       Ir-reazzjoni ta’ Pietru

7-8       Il-Kelma li nstemgħet li tispjega s-sens tat-trasfigurazzjoni

9-10     Ġesu jwissi lid-dixxipli biex ma jgħidu lil ħadd dwar dak li raw.

Fil-fatt huma baqgħu ma tkellmux minħabba l-biża’ umana għax ma setgħux jemmnu dak li raw, forsi, imma l-aktar il-Biża’ t’Alla, cioe wieħed mid-doni tal-Ispirtu s-Santu.

San Pawl ukoll jgħidilna fi kliem ieħor: “ebda għajn qatt ma rat ebda widna qatt ma semgħet dak li ħejja Alla għal dawk li jħobbuh.” It-tema tas-segretezza tirrikorri spiss fil-Vanġelu ta’ San Mark li fih it-teoloġi jaraw il-prinċipju “tas-sigriet Messjaniku” li l-evanġelista jtina s-soluzzjoni tiegħu fl-istqarrija taċ-ċenturjun meta jistqarr “Dan tassew kien Iben Alla”.

Ġesu deher jitkellem ma’ Mose u Elija. X’kienu jfissru dawn għal Ġesu u x’kienu jfissru għad-dixxipli?

Mose huwa l-liġi ta’ Alla u l-liġi ċivili wkoll. Elija huwa l-profeta li kien ippersegwitat, maħrub, imma li reġa’  lura lejn il-missjoni tiegħu. Kienu żewġ awtoritajiet assoluti tat- Testment Qadim.

Fil-ħajja tagħna, speċjalment issa fir-Randan, aħna għandna bżonn ta’ xi trasfigurazzjoni?

Fil-messaġġ għal dan ir-Randan, il-Papa Franġisku kellimna mill-ġdid dwar il-profeti foloz: il-flus, il-poter, il-pjaċir li jidħlu fil-ħajja tagħna minħabba li hemm min jikkundizzjonana bla ma nintebħu biex iġibna fejn irid hu għall-profitt tiegħu. It-trasfigurazzjoni li neħtieġu hi li nagħrfu lilna nfusna, neżaminaw x’inhu għaddej ġo fina biex ma nħallux lil dawn l-idoli jaħkmulna ħajjitna.

Dwar din it-tema għandna wkoll id-dokument biex nixtarruh sew li ħarġet il-Kummissjoni għall-Ġustizzja Soċjali u l-Paċi, tad-djoċesi fl-okkażjoni tal-Jum Dinji għall-Ġustizzja Soċjali li kien iċċelebrat fil-21 ta’ Frar. Il-kummissjoni osservat li s-soċjeta tagħna hi misjuqa dejjem aktar mill-mentalita li l-gwadann ekonomiku hu l-uniku qies tas-suċċess u allura moħħha biss biex tiġġenera l-għana akkost ta’ kollox.

Fil-Vanġelu tal-Ħadd li ġej: in-nies fi żmien Ġesu kienu maħkumin mir-Rumani u għalihom il-mexxej kellu jkun gwerrier li jeħlishom mill-ħakma tan-nies tad-dinja. Imma Ġesu ġie biex jeħlisna mill-iskjavitu tad-dnub, il-veru jasar tagħna.

Bniedem ikkundannat għall-mewt ma setax ikun Messija fil-mentalita tagħhom. Allura t-trasfigurazzjoni setgħet tgħinhom biex jifhmu s-salib għax fiha Ġesu jidher fil-glorja u skont Luqa, ma’ Mose u Elija kien qed jitkellem dwar il-passjoni u l-mewt tiegħu. Ifisser li l-mixja lejn il-glorja trid bilfors tgħaddi mit-tbatija.

It-tbatija hi misteru li bosta drabi m’hemmx tweġiba għaliha. Il-Papa Franġisku fl-4 ta’ Jannar iltaqa’ ma grupp ta’ żagħżagħ Rumeni u qalilhom li t-tbatija, is-sofferenza ta’ tfal abbandunati, li jmutu m’hemmx tweġiba għalihom ħlief dik li nħallu lil Alla jħaddanna miegħu jtina s-sabar u l-għajnuna biex ngħarfu noffru t-tbatijiet tagħna għall-fejda ta’ min tbiegħed, ta’ min ma jridx jaf, ta’ min hu verament fil-bżonn li jsir jaf lil dal-Missier ħanin mimli mogħdrija li dejjem jistenniena u qatt ma jegħja jaħfrilna u jisteddinna biex nerġgħu nduru lejH.

Nifmhu li għan-nies ta’ dak iż-żmien, u anki għalina, diffiċli jaċċettaw li s-salib hu trijonf meta kienu jafu li kien il-kastig tal-akbar kriminali. Kien żmien meta l-Insara kienu msallbin huma stess minħabba l-persekuzzjonijiet ta’ Neruni.

Għat-trasfigurazzjoni Ġesu jitla’ biex jitlob fuq muntanja għolja (Lq 28) li jġibilna f’moħħna l-muntanja Sinaji fejn Alla ta l-Liġi lil Mose’, u muntanji jew għoljiet oħra li jissemmew fl-Iskrittura. Lill-appostli x-xena togħġobhom u mill-ġdid bi kliem Pietru jaħsbu għal rashom: “nagħmlu tined u nibqgħu hawn.”

Nanaliżżaw ftit t-test:

L-ewwel affermazzjoni: sitt ijiem wara: l-istudjużi jaħsbu li r-reazzjoni ta’ Pietru kellha għeruqha fil-fatt li kien is-sitt jum tal-festa Lhudija tat-tined. Festa popolari ta’ sitt ijiem li fiha l-poplu kien jiċċelebra l-għoti tal-liġi u l-erbgħin jum mgħoddija fid-deżert. Il-poplu kien jiċċelbra billi jqatta’ ġimgħa jgħix taħt tined improviżati, (it-tifkira tal-ħajja fid-deżert) minn hawn l-isem tal-festa.

Malli Ġesu jinbidel f’dawl jgħammex leħen mis-sema jgħid: “Dan hu Ibni l-maħbub, isimgħu lilu. Din il-frażi għandna profeżiji ġejjin mill-Antik Testment “Ibni l-Maħbub” il-Messija-qaddej (Iżaija 42:1) Isimgħu lilu- it-tħabbir tal-Mose’ l-ġdid (Dewteronomju 18:15). Il-Missier qed ikun garanti li dak li ħa l-ġisem bħalna u li rxoxta bih ; wara li qam mill-mewt deher lid-dixxipli fil-ġisem mistiku li jżomm il-pjagi tas-salib. Papa Franġisku jħobb jgħid li meta Ġesu jinterċedi għalina quddiem il-Missier, jurih il-pjagi u jgħidlu; “ dawn ġarrabthom minħabba fihom.”

Il-libsa l-bajda: tfakkarna fil-Ktieb tal-Apokalissi li fih naqraw li dawk li jinsabu fuq il-lemin huma lebsin ilbies abjad, li jfisser is-salvazzjoni.

Ġesu, li dejjem deher bħala bniedem, issa nbidel u qed jidher bħala Alla: dak li kien hemm fil-liġi ta’ qabel intemm kollu (is-sagrifiċċji tal-bhejjem eċċ) għax issa l-offerta saret Ġesu nnifsu. Dik hi t-tifsira tad-dikjarazzjoni: “Isimgħu Lilu.”

Waqt it-Trasfigurazzjoni dehret sħaba. Din tfakkarna li meta Alla l-Missier ried juri lilu nnifsu fit-Testment il-Qadim kien jidher fis-sħab eż: meta David ikkonsagra t-tempju u sħaba mliet il-post tant li l-qassisin ma setgħux jidħlu; meta l-poplu kien miexi fid-deżert u matul il-jum kienet tidher is-sħaba u bil-lejl in-nar, meta Alla kellem lil Mose….

Alla l-Missier insibuh jitkellem f’żewġ okkażjonijiet biss: fil-Magħmudija u fit-Trasfigurazzjoni. Ir-raġuni għala jistqarr: “Isimgħu lilu” hi, għax Ġesu huwa wkoll Alla u kif qalilna, Hu ġie jwasslilna dak li bgħatu jgħid il-Missier.

Imma malli ntemmet il-viżjoni d-dixxipli raw lil Ġesu kif kienu jafuH meta jkunu fil-kumpanija tiegħu. Raw lilu biss li jfisser li minn dak il-ħin ‘il-quddiem għalina l-Insara Ġesu biss hu l-muftieh biex nifhmu s-sens kollu tat-Testment l-Antik. Hawn jidħol element ieħor: “żommu fommkom magħluq u tgħidu xejn qabel ma jien inkun qomt mill-imwiet.” Id-dixxipli ma fehmux dal-kliem li jfisser li l-ħajja dejjem tegħleb il-mewt.

It-twemmin tan-nies ta’ żmien Ġesu kien li kellu jerġa’ jitfaċċa Elija biex iħejji t-triq għall-Mulej. Allura jekk Elija kien għadu ma deherx mill-ġdid, kif seta kien li l-Messija kien Ġesu? It-tweġiba li jagħti Ġesu hi ċara, Elija ġa ġie u huma ġiebu ruħhom miegħu kif għoġobhom, bħalma hemm miktub fuqu. Hawnhekk Ġesu kien qed jitkellem dwar Elija ieħor – l-aħħar profeta u l-punt li jgħaqqad it-Testment l-Antik mal-Ġdid: Ġwanni l-Battista.

Il-libsa li bdiet tiddi turi d-divinita ta’ Ġesu, il-bniedem li huwa wkoll Alla juri ruħu imma ma jridx li dan ikun magħruf qabel ikun imdendel fuq is-salib, meta ċ-ċenturjun pagan jistqarr: dan verament kien l-Iben t’Alla, l-istqarrija li biha San Mark jiġbor is-sigriet messjaniku ta’ Kristu.

Wara li fil-Vanġeli Sinottiċi rajna ħafna mirakli, minn issa ‘l quddiem naraw lil Ġesu iħejji u jipprepara lid-dixxipli tiegħu biex fuqhom iwaqqaf il-Knisja li se jħalli biex tkompli l-missjoni tiegħu. Il-messaġġ ta’ Ġesu ma nftiehemx mill-mexxejja tal-Lhud. Dawn kienu qed jistennew tip ieħor ta’ ħelsien. Imma Ġesu ma biddilx il-messaġġ tiegħu, kompla jaqdi l-foqra, lill-batuti, lill-imsejkin u kien għalhekk li safa kkundannat għall-mewt.

Aħna llum x’se nieħdu minn dan il-Vanġelu għal ħajjitna?

F’ħajti ħassejt il-preżenża t’Alla fija? X’qed nagħmel biex dawn il-mumenti nsaħħaħhom ħalli ħajti tkun dejjem aktar marbuta mal-Mulej? Fejn qed niltaqa’ mal-Mulej?

 

Fi żmien ir-Randan, ħafna drabi nieħdu dak li nafu “for granted” u nibqgħu qisna mwaħħlin fl-istess post. Dan għaliex dak li nafu ma nipprattikawhx.

It-titlu tat-taħdita ntgħażel għaliex il-ħsieb tal-Missier kien li jqiegħed lil Ġesu’ bħala kollox f’kollox.

Il-pont bejna u l-Missier hu Ġesu’. Iżaija jgħid “Aħna ħsibnieh bħal wieħed ikkastigat  u mitluq minn Alla u miġjub fix-xejn. Hu kien miġrugħ minħabba fi dnubietna.” Ġesu’ għadda mit-tbatija minħabba fi dnubietna – u mhux tar-Rumani u l-Lhud biss.

Hemm xi ħaġa li tista’ żżomm lil Alla milli jħobbok? XEJN! Ġesu’ dejjem jaħfer. Għandna dejjem nibqgħu nemmnu fil-ħniena t’Alla. Tagħmel dnub meta tqis id-dnub tiegħek ikbar minn Alla.

Il-Vanġelu – il-Bxara t-Tajba – juri l-imħabba t’Alla lejna permezz tal-mewt u l-qawmien ta’ Ġesu’. Juri li hemm ħajja oħra wara din. Ġesu’ jgħid ċar quddiem Pilatu: “Jien nagħti ħajti u għandi s-saħħa nerġa neħodha.”

Ir-Randan hu forsi żmien ta’ dieqa, imma fl-istess ħin ta’ ferħ. Bil-passjoni, il-mewt u l-qawmien Tiegħu, Ġesu’ fetaħ il-Ġenna u lesta post għal kulħadd. Kull ma rridu nagħmlu hu li nemmnu. Ġesu’ qatt ma jgħid li min hu tajjeb biss isalva, imma min jemmen. Ġesu’ dejjem jorbot il-ħajja eterna ma’ kemm temmen, mhux kemm int tajjeb.

Il-kelma “ifirħu” nsibuha 250 darba fl-Iskrittura. Ġesu’ kien bniedem ferrieħi – kien jattendi għal ħafna ikliet. Għalhekk il-Fariżej u l-qassisin il-kbar kienu jgħajjruh “ixxellerat. Ma fiha xejn ħażin li tiddeverti fil-ħajja, basta b’mod ġust, u li toqgħod il-bogħod mill-ħażen. Alla jridna ferħanin. Veru li fil-ħajja hemm it-tbatija, iżda rridu ningħaqdu m’Alla biex ngħelbu d-diffikultajiet.

Is-Salib jgħidilna biex qatt ma naqtgħu qalbna. Irridu nibqgħu għaddejin, kif għamel Ġesu’. Bħalu rridu nitolbu biex tkun magħmula r-rieda tal-Missier. Wara s-Salib hemm il-Qawmien. Infatti, fl-ikoni ssib ħafna drabi ir-Reżurezzjoni wara x-xbieha tas-salib. Ġesu’ ddeċieda li lili jrid isalvani. Imut għad-dnubiet kollha ta’ kull żmien. Il-mewt ta’ Ġesu’ turi t-tjubija mmensa t’Alla. Alla qatt ma jrid il-mewt ta’ xi ħadd, aħseb u ara t’Ibnu. Imma Alla ried jaħseb fl-umanita’ kollha.

Is-Salib jurina l-ġudizzju t’Alla kontra d-dnub li tant hu ikrah li sewa l-ħajja t’Ibnu l-Waħdieni. Fuq is-salib Ġesu’ tgħabba bid-dnubiet kollha. Għalhekk qal “Alla tiegħi, Alla tiegħi, għaliex tlaqtni?’ Aħna diġa’ salvi – kulma rridu nagħmlu hu li nintefgħu taħt id-dell Tiegħu. “Min jemmen fija jara wiċċ Missieri”

Wara l-mewt, Ġesu’ niżel fl-art tal-mejtin – il-limbu – biex iwassal il-Vanġelu lin-nies it-twajbin.

Ġesu’ qam mill-imwiet, Alleluia! Il-kelma “Alleluia tfisser tifħir lil Jaħweh. Waħda mill-akkużi li għamlu fuq Ġesu’ hi li kien jieħu fuqu l-isem t’Alla – “Jien Hu” Hu dak li jibqa’ magħna dejjem u ma jitlaqna qatt, kemm fil-ferħ u kemm fit-tbatija. “Agħmlu l-qalb, għax Jien irbaħt lid-dinja”

Aħna għandna nagħmlu t-tajjeb għax hu d-dover tagħna, u biex nagħmlu dinja aħjar, u mhux għall-premju. L-agħar ħaġa li nistgħu nagħmlu hi li nieħdu lil Alla “for granted”. Ġesu’ qatt ma għajjar lill-midinbin, imma lil Fariżej, għax kienu ipokriti. Ġesu’ ħadha kontra dawk li riedu jilgħabuh.

Is-Salib hu ċ-ċentru ta’ ħajjitna. San Ġorġ Preca jqis lis-salib bħala l-Ktieb il-Kbir, għax minnu toħroġ kull informazzjoni: imħabba, ħniena u umilta’ bla tarf! Ġesu’ ġie fid-dinja biex jiftħilna l-bieb tal-ġenna. Issa hja l-għażla tagħna jekk nidħlux.

Alla pprovdilna kollox fil-ħajja. Tana dinja mimlija b’kollox. Tana mies biex inħobbuhom u jħobbuna. Għandna biex nirringrazzjawh, imma ħafna drabi lanqas biss nagħtu każ ta’ dak li tana. Meta issa anke x-xjentisti li ma jemmnux jammettu li hemm xi ħadd – Alla – li ħalaq il-liġiliet tan-natura.

Aħna għalissa ma nistgħux nifhmu lil Alla, għax biex tagħmel hekk trid tkun etern. Infatti anke l-filosofi Griegi kienu jemmnu li meta jmutu jilħqu l-għerf perfett.

It-tajjeb t’Alla jeżisti f’kull bniedem – anke dawk li għadhom m’għarfuhx. Infatt, l-Knisja Kattolika biss tgħid li kulħadd jista’ jsalva, anke dawk ta’ reliġjon oħra.

Kristu ta ħajtu għalina. Kristu hu dak li jżomm kelmtu. Dak li jibqgħalek hu dak li tagħmel għal Kristu u għall-umanita’. Taħlix ħajtek! Hi tant qasira u prezzjuża! Kull meta’ taqa’, erġa qum minn hemm! Ġesu’ ma tgħaffiġx taħt il-piż tas-salib! Dejjem baqa’ jżomm sħiħ!

L-umilta’ tirbaħ lill-ħażen u l-mewt. Bid-dnub daħlet il-mewt. Biex jintrebaħ id-dnub, Alla ħa s-sura ta’ bniedem biex jirbaħ lill-mewt. Din riedet tintrebaħ minn xi ħadd li jobdi sal-aħħar.

Il-mewt daħlet bis-suppervja u d-diżubbidjenza, u ntrebħet bl-umilta’ u l-ubbidjenza!

The Youth of the Year Award 2017 organised by the Kerŷgma Movement was awarded to Agara Foundation.  The award, which is sponsored by APS Bank, was announced by Mrs Bernice Micallef, President of the Kerŷgma Movement.

Her Excellency Marie-Louise Coleiro Preca, President of Malta, was present at the ceremony and mass which was celebrated by Archbishop Emeritus Paul Cremona O.P. at St Dominic’s Church, Rabat on Friday 16 February 2018.  Also present at the award-giving ceremony were Mrs. Bernice Micallef, President of Kerŷgma Movement, Dr George Hyzler, Chairman of the Selection Board, Mr. Hervé Delpech representing APS Bank, and other guests.  The Youth of the Year Trophy was handed to Stephanie Micallef who represented Agara Foundation by Archbishop Emeritus Paul Cremona.

 

 

 

 

 

 

 

 

 

 

The group “Agara Foundation” was founded in 2014, following a volunteer work experience in Ethopia by two persons, who then decided to expand their voluntary work and explore modern methods in the field of volunteering and technology.  In Ethopian the word Agara means “Move Along (together)”, and this is reflected both in the logo as well as the group’s vision, because its aim is to walk together with different communities and individuals all over the world to empower them in their respective environments without suffering any discrimination or distinction.  Agara supports communities around the world, including Kenya, Ethopia, Lebanon, Romania, Peru as well as Malta.  The foundation works hard to raise awareness and to deliver a voice for those who are in minorities or those whose dignity is not being protected and respected as they should be.

Agara Foundation is made up of a number of sub-teams but its main focus is on collecting second-hand laptops.  The team’s job is to format these laptops, install Windows and Office software and subsequently use these to teach, both locally and abroad, people who do not have the opportunity to learn IT.  For most of their projects, Agara sets up laboratories with these laptops offering varied lessons according to the needs of the particular individuals.

In August 2016, Agara carried out voluntary experiences in Calais and Dunkirk in France, two large refugee camps.  There they experienced some of the hardships that life is offering to refugees who are often judged and persecuted.  The Agara team carried out daily sessions of teaching IT as well as other fun activities where they also encouraged the refugees to air their thoughts.

In 2017 Agara had experiences in Lebanon and Romania where they set up laboratories with the laptops collected from Malta.  The team carried out several sessions of teaching IT which ranged from basic to advanced ECDL, photoshop etc.

The plan of the Foundation for 2018 is to further strengthen what is currently being done and implement new ideas and opportunities.  Two areas which are being explored are music and sports in the volunteering sector.  Another project is to give lessons to local children living in residential homes while providing them with laptops for educational purposes. They are also planning another project – a refugee camp in Greece, others in South Africa, some places in Asia and even in South America.  Agara follows up the projects already in place to ensure that they remain sustainable and work on how they can strengthen them further.

The nominees for this year’s Award were: Agara Foundation, Ryan Attard from Fgura, Felicienne Cini from Żebbuġ, Gozo, Martina Fenech from Mosta, Mellieha Youth and Matthew Theuma from Għarb, Gozo.

 

 

 

Il-laqgħa bdiet bil-qari tal-Vanġelu – Mark 1: 21-28.

Fil-persuna ta’ Ġesu’, Iben Marija, Alla żar il-poplu Tiegħu. Il-preżenza t’Alla kienet tinħass fil-kliem u l-ħajja ta’ Ġesu’. Alla kien preżenti fejn kien hemm Ġesu’. Alla kien preżenti qalb il-folla tan-nies fis-sinagoga, għax Ġesu’ kellu natura divina.

In-nies ta’ Kafarnahum baqgħu mistagħġbin bis-setgħa u l-qawwa li biha Ġesu’ kien jgħallem. Huwa wera ruħu bħala profeta li jħabbar il-kelma t’Alla b’awtorita’ akbar minn dik ta’ Mose’ , u Mose’ kien meqjus bħala l-ewwel u l-ikbar profeta tal-poplu t’Alla.

Ġesu’ kien ikellimhom fuq affarijiet ġodda li ħadd qabel ma kien kellimhom fuqhom, mhux bħall-iskribi li kienu dejjem itambru fuq l-istess affarijiet. Kienu marbutin bit-tradizzjonijiet u l-Liġi.

Ġesu’ kien liberu b’mod li wieħed li jgħix minn u għall-awtorita’ t’Alla jkun ħieles. Għad-dinja, Ġesu’ ma kellu l-ebda poter. Ma kienx xi re b’xi qawwa politika jew militari.

Ma kienx wieħed mill-qassisin il-kbar li kellhom is-setgħa fil-Ġudeja Rumana. Ma kienx lanqas wieħed mill-isbribi, bl-awtorita’ tat-tradizzjonijiet tal-Lhud. L-unika awtorita’ li kellu kienet il-qawwa tal-kunfidenza li dak li kien jgħid u jagħmel kienet ir-rieda u l-verita’ t’Alla.

L-awtorita’ Tiegħu kienet fil-qawwa tal-kliem li kien jgħid u l-eżempju li kien jagħti bl-għemejjel Tiegħu.

L-awtorita’ Tiegħu kienet il-mod li kien jgħix bħala l-qaddej t’Alla. Ġesu’ dejjem fittex li jagħmel ir-rieda ta’ Missieru. Ġesu’ kien juża l-awtorita’ Tiegħu biex iġib il-barka, s-saħħa u l-fejqan lin-nies. Hu kellu l-qawwa li jiġbed in-nies lejh. Għan-nies kenet ovvja li kien jaġixxi bil-qawwa t’Alla. Għal dawk li kienu kontrih, pero’, Ġesu’ kien malafami u dagħwi.

X’differenza l-awtorita’ ta’ Ġesu’ minn dik tan-nies li jgħidu ħaġa u jagħmlu oħra! Jużaw l-awtorita’ fdata lilhom biex ikomplu jikbru u jistagħnew huma. Mhux li kien kull min għandu xi awtorita’ fid-dinja jagħmel bħal Ġesu’! Kieku m’hawnx gwerer, m’hawnx ġlied, u m’hawnx ġuħ.

X’differenza mill-awtorita’ li għandu Ġesu’! L-awtorita’ u l-ministeru ta’ Ġesu’iqawwulna qalbna għal dinja aħjar u sabiex naħdmu ħalli naslu għal din id-dinja.

In-nies li kienet tisma lil Ġesu’ kienet tistagħġeb bil-mod li kien jitkellem. Kien iħalli effett kbir fuqhom.

Aħna niltaqgħu ma’ ħafna nies fil-ħajja tagħna, u nisimgħu ħafna messaġġi u taħdidiet, pero’ ħafna minnhom ma jħallux effet fuqna u ma nagħtux każhom. Pero; imbagħad niltaqgħu ma’ xi ħadd, jew nisimgħu xi kliem li jolqotna. Donnu dak il-kliem ikun hemm bżonn li nisimgħuh u dan iqanqalna biex nagħtu każu u naħsbu fuqu fit-tul. Dan jiġri ħafna drabi meta nisimgħu hwejjeġ li jgħinuna biex nieħdu xi deċiżżjonijiet, jew kliem li jfarraġna u jimliena b’kuraġġ. Aktar mal-kelliem ikun bniedem sinċier aktar inħossu l-bżonn li nieduh bis-serjeta’.

Hekk ġralhom ħafna minn nies li ltaqgħu ma’ Ġesu u semgħuh jitkellem. Intebħu li kien bniedem ġenwin, ma kienx ipokrita – jgħidilhom ħaġa u jagħmel mod ieħor. Ma kienx ilabblab paroli żejda, ma kienx jinħela fuq ħafna dettalji, iżda kien ikellimhom fuq il-ħwejjeġ l-iktar importanti f’ħajjithom.

Ġesu’ ma kienx bniedem li jfittex il-popolarita’ u l-glorja personali Tiegħu. Ma kienx wieħed li jistagħna minn fuq dahar in-nies. Kien bniedem li jgħix u jiprattika dak li jgħallem. Kliemu kien mimli għerf, konvinzjoni u qawwa li ma kellhomx il-kittieba u l-imgħallmin l-oħra.

Dak li Ġesu’ kien jgħid kien iseħħ. Is-Salvazzjoni t’Alla li Hu kien ixandar bdiet taħdem f’dawk li laqgħu l-kelma Tiegħu. Ġesu’ kien jitkellem b’dik il-qawwa kollha għax Alla kien Miegħu. Kien jinħass li għandu xi ħaġa speċjali li tagħmlu differenti minn ħaddieħor. Meta tiltaqa’ ma’ bnedmin li jgħixu kif irid Alla tinduna li dawn ghandhom xi ħaġa speċjali. Ikollhom il-ferħ, minkejja forsi t-tbatija, ikollhom il-paċi u l-qawwa għax dak li jġib Alla fil-ħajja ta’ dawk li jfittxuh.

Ġesu’ għandu l-qawwa li jbiddilna totalment. Kull ma rridu hu li nafdaw Fih. Jekk Ġesu’ kellu s-setgħa jfejjaq wieħed maħkum mix-xjaten, ma jistax lilna wkoll ifejjaqna minn dnubietna? Id-dnub hu l-ikbar għadu tagħna li jagħmlilna ħafna ħsara u jaħkem fuqna, fuq il-biżgħat u d-dubbji tagħna. Iġiegħlna nħossu li l-imħabba t’Alla hi kkundizzjonata minn dak li nagħmlu aħna. Nibdew naqgħu qalbna li Alla daqshekk ħabbna għax aħna m’obdejniehx. L-ikbar dnub hu li taqta’ qalbek mill-ħniena t’Alla. M’hemm l-ebda dnub li Alla ma jistgħax jaħfer.

Ġesu’ juża l-awtorita Tiegħu biex jghinna, mhux ikissirna. Jekk nagħtu d-dubbji, l-biżgħat u l-battalji tagħna lil Ġesu’, is-sitwazzjoni tinbidel, u l-għadu ma jkollu l-ebda qawwa li jagħmel li jrid bina. B’Ġesu’ aħna nkunu qawwija, u Hu jeħlisna minn kull tiġrib.

Meta nħallu lil Ġesu’ jibdilna, Alla jibgħatna nxandru l-kelma Tiegħu lil oħrajn. Fi Ġw 1: 1-4 jgħidilna:

“Dak li kien mill-bidu, dak li aħna smajna, li rajna b’għajnejna, li lejh ħarisna u li messew idejna, jiġifieri il-Verb, il-kelma tal-Ħajja, dan sejrin inxandrulkom …..biex il-ferħ tagħkom ikun sħiħ.”

Aħna, bħal aħwa ta’ Kristu, għandna l-awtorita’ li nxandru l-ħelsien tal-imħabba t’Alla. Issa kif aħna nagħtu każ ta’ dawk li jgħidu l-esperti fuq problemi materjali, kemm aktar għandna nagħtu każ ta’ x’jgħid Gesu’ fuq ħwejjeġ li jibqgħu għal dejjem!

F’dan il-Vanġelu, Ġesu’ jkompli juri l-awtorita’ Tiegħu. Ix-xitan qallu: “Jien naf min int, il-Qaddis t’Alla.” Anke x-xjaten jafu min hu Ġesu’. Ġesu’ jikkmanda lill-ispirtu biex jiskot u joħroġ minn ġor-raġel, u dan joħroġ b’għajjat u tisbit.

Insibu lil Ġesu’ juri l-awtorita Tiegħu wkoll fil-maltempata fuq il-baħar, meta sikket ir-riħ u l-mewġ. Ir-reazzjoni ta’ dawk in-nies li raw l-eżorċiżmu u l-appostli fuq id-dgħajsa kien l-istess: “Dan min hu biex għandu s-setgħa jagħmel dan?” Dawn iż-żewġ ġrajjiet juruna li Ġesu’ għandu l-qawwa fuq in-natura u fuq il-preternatural (id-demonju)

Fi żmien Ġesu’, meta xi ħadd kien ikun meqjus iddemonjat, l-eżorċisti, kemm Lhud kif ukoll pagani, kien jużaw il-maġija biex iġiegħlu lix-xitan jitlaq. Pero’ Ġesu’ kien differenti. Ġesu’ ordna lix-xitan jitlaq u dan telaq. In-nies qatt ma kienu raw ħwejjeġ bħal dawn, xi ħadd li kellu tant awtorita’ li anke x-xjaten kienu jobduh..

Ġesu’ l-Iben t’Alla għandu kull awtorita’ fid-dinja u fl-univers. Għalhekk aħna, fil-problemi u t-tbatijiet li nkunu għaddejin minnhom, għandna nsejħu lil Ġesu’ għaliex Hu għandu l-qawwa fuq kollox u fuq kulħadd.

Għalhekk naħsbu daqsejn….fiex nixtiequ li nkunu mfejqa?:

Il-kliem ta’ Ġesu’ jolqotna b’dik il-qawwa li biha laqat in-nies ta’ Kafarnahum, jew qiegħed jintilef fost il-ħafna ilħna oħra li nisimgħu?

Ta’ min hu l-kliem li tiegħu aħna llum l-aktar li qed nagħtu każ?

Bħala nsara aħna wkoll imsejħa biex bi kliemna u b’għemilna nuru l-imħabba t’Alla lill-oħrajn. Il-kelma tagħna hija bħal dik ta’ Kristu jew bħal dik tal-kittieba u l-Fariżej?

Il-beatitudnijiet huma r-riċetta għall-ferħ, kemm dinji kif ukoll etern. Ħafna drabi nagħmlu enfasi fuq il-Kmandamenti, u hekk għandu jkun, għax dawn ġejjin minn Alla, imma ma nagħtux biżżejjed importanza lill-Beatitudnijiet, li ġejjin minn fomm Ġesu’. Il-Missier qed jitkellem permezz t’Ibnu.

Permezz tal-Beatitudnijiet, Ġesu’ qed jistedinna nkunu iktar viċin t’Alla. Irridu nżommuhom quddiem għajnejna. Il-moralita’ nisranija mhix ibbażata biss fuq il-Kmandamenti, imma wkoll fuq il-Beatitudnijiet, li jdaħħlu l-element tal-ħniena fil-Kmandamenti.

Il-Beatitudnijiet (Mattew 5, v 3-12)

“Henjin il-foqra fl-ispirtu, għax tagħhom hija s-Saltna tas-Smewwiet.

Henjin l-imnikkta, għax huma jkunu mfarrġa.

Henjin ta’ qalbhom ħelwa, għax huma jkollhom b’wirthom l-art.

Henjin huma dawk li huma bil-ġuħ u bil-għatx tal-ġustizzja, għax huma jkunu mxebbgħin.

Henjin dawk li jħennu, għax huma jsibu ħniena.

Henjin huma dawk li huma safja f’qalbhom, għax huma jaraw ‘l Alla.

Henjin dawk li jġibu l-paċi, għax huma jissejjħu wlied Alla.

Henjin dawk li huma ppersegwitati minħabba s-sewwa, għax tagħhom hija s-Saltna tas-Smewwiet.

Henjin intom, meta jgħajrukom u jippersegwitawkom u jaqilgħu kull xorta ta’ ħażen u gideb kontra tagħkom minħabba fija.

Ifirħu u thennew, għax ħlaskom kbir fis-smewwiet. Hekk kienu jippersegwitaw lill-profeti li kienu qabilkom.”

 

Il-Beatitudnijiet huma assikurazzjoni mingħand Ġesu’. Qed jgħidlek li l-Ġenna hija tiegħek. Issa int trid twieġeb għalihom. Jekk tkun viċin t’Alla huma faċli, jekk tkun il-bogħod minnu huma ħafna iktar diffiċli.

Nistgħu niġbru l-Kmandamenti u l-Beatitudnijiet fi frażi waħda: “Ikun dak li trid Int, kemm fis-sema u fl-art.” – ir-rieda t’Alla, li tagħmel dak li hu sewwa u xieraq f’għajnejh. Kristu kien jgħixhom il-Beatitudnijiet. Kull darba li kien jgħid xi ħaġa, l-ewwel li kien jgħixha kien Hu stess. Il-Beatitudnijiet iressquna lejn il-Missier.

Mal-Beatitudnijiet irridu nsemmu wkoll l-Opri tal-Ħniena. Dawk li jmissu l-ġisem huma:

 

Itma lil min hu bil-ġuħ.

Isqi lil min hu bil-għatx.

Libbes lil min m’għandux ilbies.

Ilqa’ lil min hu bla dar.

Żur lill-morda.

Żur lill-ħabsin.

Idfen lill-mejtin.

 

Imbagħad hemm dawk li jmissu r-ruħ:

 

Agħti parir lill-ħosbenin.

Agħallem lil min ma jafx.

Widdeb lill-midinbin.

Farraġ lill-imnikktin.

Aħfer il-ħtijiet.

Ħu paċenzja b’min idejjqek.

Itlob ‘Alla għall-ħajjin u għall-mejtin.

 

Il-Beatitudnijiet iġibulna hena u paċi. Ħafna nies imdejjqin għax id-dinja qed tinsa lil Alla – qed tinsa s-sagrifiċċju li għamel l-Iben t’Alla. Ġesu’ kien ċar fi kliemu. Biex tkun kuntent trid tgħix ir-rieda t’Alla. Bil-Beatitudnijiet, Ġesu’ jitfi l-kittieba kollha. Jitkellem b’awtorita’: “Imma Jien ngħidilkom …”

Il-Kmandamenti mhumiex ġejjin mir-raġuni tal-bniedem, imma huma minifestazzjoni tar-rieda t’Alla. Ġesu’ huwa l-Medjatur bejn Alla u l-bniedem. Fil-quddies ningħaqdu ma’ Kristu biex nersqu lejn il-Missier.

Kelma waħda għall-Kmandamenti hija Liġi.

Kelma waħda għall-Beatitudnijiet hija mħabba.

“Henjin dawk li huma mnikkta” Min hu l-imnikket? – dak li tant hu viċin t’Alla li x’ħin jagħmel id-dnub jitnikket. Dak li jġib l-affarijiet t’Alla qabel dawk mondjali.

Il-Beatitudnijiet, bħall-Kmandamenti, huma iebsin. Li tkun hieni skond il-loġika t’Alla, mhux tal-bniedem. Ħafna drabi aħna m’aħniex kapaċi nafdaw f’Alla – il-vażun f’idejn il-fuħħari; m’aħniex konvinti li aħna wlied Alla; ma nadurawx lil Alla. Id-differenza bejn bniedem li jemmen u dak li ma jemminx hi kemm jadura lil Alla – li tkun fil-preżenza Tiegħu fl-Ewkaristija – li tieqaf biex Alla jkellmek. Ħafna mistiċi jgħidu li kwarta adorazzjoni tiswa iktar mill-ġid kollu li l-bniedem jista’ jagħmel f’ħajtu. Ġesu’ jgħid ċar: “Min jemmen fija jara lil Missieri”.

Min huma l-foqra fl-ispirtu? Huwa dak li jara d-djufija tiegħu u jħoss il-bżonn li jdur lejn Alla. Dak li mhux fqir fl-ispirtu jsir alla tiegħu nnifsu. Għandna nafdaw f’Alla u bħal Kristu ngħidu: “Missier, f’idejk jien nerħi r-ruħ tiegħi.” Il-fqir fl-ispirtu jiddependi u jafda f’Alla, dak li ma jħaddanx l-affarijiet tad-dinja, dak li ma jagħmilhomx l-għan ewlieni ta’ ħajtu. Huwa dak li jara x-xejn tiegħu u joqgħod għar-rieda t’Alla. Hu dak li jqiegħed lil Alla fiċ-ċentru, jagħraf li Alla hu qaddis u hu midneb. Ġesu’ stess qal: “Mingħajri ma tistgħu tagħmlu xejn.” Din hija l-umilta’. Il-bniedem waqa’ għax kien supperv. Hekk ukoll ġralu x-xitan. Kristu qal: “Kunu bħali, għax Jien ta’ qalb ħelwa w umli.”

Ħafna jaħsbu li l-ġid tad-dinja jagħmilhom ferħana. Kemm napprezzaw dak li għandna: il-familja, l-ulied etċ..? Kemm inħarsu lejn l-affarijiet pożittivi, imma nħarsu biss lejn ix-xogħol, il-flus, etċ..?

Biex tkun kuntent trid tinsa’ li togħġob lin-nies, jew li tagħti kas ta’ x’jgħidu u jaħsbu fuqek. Wara kollox, Ġesu’ kien perfett, u spiċċaw sallbuh. Trid togħġob lil Alla u tibqa’ għaddej, l-aqwa li tagħmel is-sew.

Aħna lkoll “sinjuri” – min ftit u min ħafna. Niftakru x’qal Ġesu’: “Kull ma tagħmlu mal-iżgħar minn dawn ħuti tagħmluh Miegħi.” Fil-fqar naraw lil Alla. Il-fqir fl-ispirtu ma jesaġerax. Wieħed mill-ikbar dnubiet huwa l-ħela’ – ir-rimi esaġerat tal-ikel. Ma ninsewx li żżejjed tagħna huwa n-nieqes ta’ ħaddieħor. Il-foqra fl-ispirtu m’għandhomx xewqa kbira għall-ġid materjali.

“Henjin ta’ qalbhom ħelwa”. Li tkun ta’ qalb ħelwa tfiesser li tkun ġentili u qalbek tajba. Ma tfissirx li trkun baħnan u tħalli lil kulħadd jgħaddik biż-żmien. Ġesu’ nnifsu waqfilhom meta ppruvaw jgħadduh biż-żmien. Qalb ħelwa tfisser li ma tpattix, ma tivvendikax ruħek, li taħfer.

Għandek kull dritt titkellem għal dak li hu tiegħek. Ħadd m’għandu jkasbarlek dan. Qalb ħelwa ma tfissirx li ma titkellimx. Il-paċi skond Alla hi l-paċi tal-ġustizzja, mhux il-paċi taċ-ċimiterju. Importanti li fis-sitwazzjonijiet ta’ ħajjitna nagħrfu l-mument eżatt meta għandna nitkellmu.

 

Il-laqgħa għalqet bit-Talba tal-Ħniena Divina:

“Missier Etern, jiena noffrilek il-Ġisem, id-Demm, ir-Ruħ, u d-Divinita’ ta’ Ibnek il-Għażiż Sidna Ġesu’ Kristu bi tpattija għad-dnubiet tagħna u għal dawk tad-dinja kollha.

Ġieh il-passjoni ħarxa Tiegħek, ħenn għalina u għad-dinja kollha.

Qaddis Alla, Qaddis Qawwi, Qaddis Immortali, ħenn għalina u għad-dinja kollha.”

 

 

Santa Tereża kienet tgħid: “Alla biżżejjed. Alla kollox”

Imma fid-dinja llum kemm hawn li jemmnu dan? Knejjes battala, ħlief għal xi ftit anzjani; nies depressi. Għaliex qed jiġri hekk?

Fil-mumenti tal-prova trid tgħid: “Għandi lil Alla”. Imma kif ser tikkonvinċi lil oħrajn dwar dan? Għandi dan ir-rigal tal-fidi? Kif ser ngħaddih lil oħrajn?

L-ikbar sfida hi li tikkonvinċi lil dak li jkun jerġa’ lura lejn Alla. Importanti ħafna, pero, li nkunu konvinti aħna, mhux niddubitaw fil-mument tal-prova. Il-bniedem irid jirrassenja ruħu mal-volonta’ t’Alla. Il-mumenti ta’ prova jiġu fuq kulħadd.

Ħaddieħor jista’ jisfidana. “Bit-talb kollu tagħkom, xi bdiltu?” Nieħdu eżempju fil-mediċina. Jiftaħru li qed joħolqu trabi! Imma, wara kollox, l-intelligenza minnfejn hi ġejja? Bil-ftaħir kollu tagħhom, qatt ħadd għadu ma ħalaq fjura mix-xejn!

Jekk irridu nagħtu raincoat kontra l-maltemp lil ħaddieħor, irridu nkunu aħna l-ewwel li narmaw, billi nersqu iktar lejn il-Kelma t’Alla. Fil-prova l-Kelma t’Alla tista’ ssalvana. Hu ġie fostna biex jagħtina eżempju. Għadda minn tbatija, imma talab biex jekk hu possibli jitbiegħed minnu l-kalċi; ġie miċħud minn Pietru, imma fuqu bena’ l-knisja; ħafer fil-mument tal-prova. Xi jrid jurina Ġesu’?

Fil-ħajja tiegħi, Ġesu’ biżżejjed. Anke jekk nieħdu lil Ġesu’ mill-kuntest tal-istorja biss, diġa’ biżżejjed. Ħafna niex m’għandomx paċi għax qed iħallu lil Alla barra mill-istampa.

Aħna rridu nkunu armati għall-isfidi tal-lum. Waħda mill-affarijiet li qed jippruvaw ibellgħulna hi li Ġesu’ ma kienx jeżisti! Jikkwotawlna minn Gandhi, Buddha, etċ. Imma għandna tant kliem sabiħ li qal Hu! Fejn ħa nieħdu r-riskju? Ngħix ħajja bla Alla, jew aħjar inlesti għall-ħajja ta’ wara? X’investiment ħa nagħmlu?

Jekk aħna liż-żgħar ma ntuhomx raġuni konkreta għalfejn għandhom imorru l-knisja, dawn se jkomplu jiżvujtjaw. Aħna rridu nwasslu l-Aħbar it-Tajba. Ġwanni lid-dixxipli tiegħu ma qallhomx biex ma jmorrux, anzi telqu u ħadu magħhom oħrajn. Ġesu’ għandu messaġġ pożittiv. Il-Kmandamenti mhumiex xkiel, imma messaġġ ta’ mħabba: Ħobb lil Alla u ħobb lill-proxxmu tiegħek. Alla jibqa’ dejjem l-istess u għalhekk il-Kmandamenti Tiegħu ma jinbidlux. Kultant aħna nitilfu d-direzzjoni, imma l-Kmandamenti, bħal GPS, jerġgħu jiggwidawna lejn it-triq it-tajba.

Aħna rridu nkunu iżjed konxji ta’ x’qed jiġri fil-Knisja illum. Irridu nibdlu dawk l-affarijiet li mhumiex skond ir-rieda t’Alla. Ma nistgħux nimponu l-Vanġelu fuq ħaddieħor, imma rridu nagħtu xhieda. Ir-reviżżjoni trid tibda minna. Aħna ppreparati għall-attakk, jew ħa mmorru fuq id-difiża?

Kuljum irriddu nsaqsu lilna nfusna: “X’għamilt għalik Mulej – fil-famija, fil-post tax-xogħol? Min hu Alla għalija? Min sar Alla għalija?” Inutli nikkundannaw id-divorzju, l-abort, jekk aħna ma ngħallmux lil uliedna x’inhuma.

Il-mod kif ngħixu u nġibu ruħna fil-maltemp ħa jkun l-eżempju. Irridu narmaw aħna biex nagħtu eżempju lil ħaddieħor – li Alla qiegħed dejjem magħna.

ALLA BIŻŻEJJED. ALLA KOLLOX.

 

 

Il-laqgħa bdiet bil-kant tat-Talba tal-Moviment.

Imbagħad inqara l-Vanġelu tal-Ħadd – Matt 25: 1-13 – Il-Parabbola tal-Għaxar Xebbiet. Ħafna drabi l-Vanġelu jibda bil-kliem “dak iż-żmien”. Kif nisimgħu din l-espressjoni norbtuha ma’ xi ħaġa tal-passat. Pero’ “dak iż-żmien” jista’ jkun illum ukoll, għaliex il-Vanġelu hu universali. Il-Vanġelu mhux miktub għall-insara ta’ dak iż-żmien biss, imma għandu tifsira għal kulħadd – għal issa u għaż-żmien li ġej.

X’inhu ż-żmien li ġej? Ma nafux, imma l-Parabbola turina ċar x’se jiġri fiż-żmien li ġej. Għaliex Bin il-Bniedem għad jiġi għalina u għal kulħadd mingħajr ma jkun mistenni, kif naraw fil-Parabbola.

Hawnhekk insibu kelma mportanti – “ishru” – ibqgħu dejjem imqajjmin, jiġifieri lesti, bħax-xbejbiet għaqlin tal-Parabbola.

Ġesu’ jibda r-rakkont hekk – “Is-saltna tas-smewwiet tixbah…” Meta jirrakkonta xi ħaġa, Ġesu’ jrid dejjem iwassalna lejn dak li hu l-veru għan tagħna – dak li jrid jiġri wara t-tmiem. L-għaxar xebbiet kollha kienu qed jistennew il-miġja tal-għarus. U kienu lesti li jistennew anke sad-dlam. Imma ħamsa kienu għaqlin, u ħamsa kienu boloh. L-għaqlin ħasbu ‘l quddiem għal li jista’ jinqala’. U allura ħadu magħhom iktar żejt. U l-boloh ma ħasbux, ma tawx kas. U l-għarus iddawwar ma ġie. Ma nafux għaliex – ma qalx x’ħin se jasal. Hawn niftakru wkoll fi kliem Ġesu’: “Li kieku s-sid jaf x’ħin se jiġi l-ħalliel ….”

Aħna rridu nkunu dejjem lesti. L-imsiebaħ tal-għaxar xebbiet baqgħu mixgħula sakemm baqa’ żejt fihom. Imma ż-żejt beda’ jonqos, allura kien hemm il-ħtieġa li jimlewhom.

X’inhu ż-żejt għalina bħala nsara? Huma l-azzjonijiet tajba tagħna – dak kollu li nagħmlu biex nibqgħu dejjem nikkonvertu – inħarsu ‘l quddiem lejn l-għan veru tagħna – il-ħajja ta’ dejjem.

X’ħin qorob l-għarus naraw ir-reazzjoni tax-xbejbiet. Il-boloh indunaw li ma kellomx biex iżommu d-dawl ħaj – il-festa ħajja. Allura talbu lill-għaqlin biex ituhom minn tagħhom. L-għaqlin qalulhom li jekk jagħmlu hekk ma jkunx hemm biżżejjed għal kulħadd. Qalulhom biex jaħsbu għal rashom. Dawn aċċettaw il-parir u marru jfittxu. L-għarus wasal x’ħin kienu għadhom ma ġewx lura. Dawk li kellhom id-dawl jixgħel daħlu għall-festa. Meta waslu l-boloh, semgħu tweġiba li jekk naħsbu daqsxejn fuqha tkexkixna – “Jien ma nafkomx”. Maqtugħin mill-festa minħabba l-bluha, għax ma ħasbux minn qabel. Hawnhekk Ġesu’ jrid itina tagħlima sempliċi: “Ishru, għax ma tafux la l-jum u lanqas is-siegħa” – għandna dejjem inkunu lesti.

Fi kliem ieħor, il-ħajja nisranija tagħna m’għandix tkun superfiċjali. Għandna nħarsu ‘hin minn dak li jidher – mhedijin wisq b’dak li naraw. Allura rridu nibqgħu nfittxu l-ħin kollu xi jrid Alla minna – anke fl-iktar affarijiet żgħar. Hekk inkunu qegħdin naħsbu biex matul ħajjitna nibnu l-ħażna taż-żejt – bħal ma kellhom l-għaqlin.

Biex aħna naħżnu dan iż-żejt, ma nistgħux niddependu minn ħaddieħor – nippretendu li ħaddieħor itina dak li nistgħu nagħmlu aħna. Kull bniedem hu responsabbli tal-azzjonijiet tiegħu. Aħna mdorrijin f’soċjeta’ fejn insibu d-difetti ta’ ħaddieħor biex niġġustifikaw l-iżball tagħna. Naħsbu li b’daqshekk ħlisna minn xi ħaġa fuq il-kuxjenza tagħna. L-iżball ta’ ħaddieħor qatt ma jiġġustifika l-iżball tagħna.

Il-boloh issa ndunaw li l-għaqlin kienu ħasbu minn qabel. Dawn l-għaxra kienu kollha magħżulin – mistednin. Il-boloh baqgħu jittamaw li l-għarus jasal f’xi ħin li l-imsiebaħ tagħhom ikunu għadhom mixgħulin. Għalhekk ma ħasbux minn qabel. Minflok ma ħadu l-inizzjattiva biex jirranġaw is-sitwazzjoni, riedu li l-oħrajn isolvulhom dil-problema. L-umilta’ tidher li ma kenitx waħda mill-karatteristiċi tagħhom – solvili l-problema int!

Kemm ngħabbu fuq ħaddieħor! Nippretendu li ħaddieħor isolvi l-problemi tagħna. Niippretendu li ħaddieħor għandu jinbidel biex jogħġob lilna. L-umilta’ tfisser li jien nagħraf in-nuqqasijiet tiegħi. Nammetti li għamilt żball. Kemm hi diffiċli, speċjalment f’din il-kultura li qed ngħixu fiha! Il-boloh, flok ma ddispjaċihom tal-iżball li kienu għamlu, riedu jaħtfu ż-żejt ta’ ħaddieħor. Ma tawx kas li setgħu jdaħħlu lill-għaqlin fi sqaq, għaliex kieku tawhom miż-żejt tagħhom, mhux ħamsa kienu jispiċċaw barra, imma għaxra.

Papa Franġisku, f’omelija li għamel dil il-ġimgħa, qal li ma nistgħux aħna, bħala nsara, nirkbu fuq dahar xulxin. Irid ikollna atteġġjament ta’ fraternita’. Nistgħu ngħidu wkoll li dawn il-boloh ma kellhomx rispett jew imħabba lejn il-ħamsa l-oħra, għax ma mpurtahomx li setgħu idaħħluhom fl-inkwiet. Il-ġenn tas-soċjeta’ moderna hi li ma tqisx ir-riskju li jista’ jgħaddi ħaddieħor meta bniedem jaħseb biss għal rasu.

F’parabbola oħra tal-festa tat-tieġ insibu li wieħed ma kienx liebes għall-festa – u dan spiċċa barra wkoll. Dawn il-boloh baqgħu barra mill-festa għax f’ħajjithom ma stinkawx biex idawwluha – wisq inqas ma dawwlu lil ħaddieħor.

F’din il-parabbola Ġesu’ jtina żewġ twissijiet importanti. L-ewwel waħda li rridu nkunu dejjem lesti biex niltaqgħu Miegħu, għax ħadd ma jaf il-futur. Ħaġa li tgħina biex inħarsu lejn il-futur huma n-Novissmi. Bil-ħsieb li aħna lkoll irridu nitilqgħu minn hawn, nistgħu nifhmu aħjar dak li dejjem jisħaq fuqu l-Papa Franġisku – l-imħabba. Meta aħna naslu f’punt il-mewt, jispiċċaw magħha żewġ virtujiet – il-fidi u t-tama. Tibqa’ biss l-imħabba – l-imħabba tal-Missier li tana s-salvazzjoni.

It-tieni twissija li jtina Ġesu’ hi li hemm affarijiet li aħna ma nistgħux nissellfu mingħand ħaddieħor, bħal ma hi r-relazzjoni u l-fedelta’ tiegħi lejn Alla. Ħafna qegħdin jibżgħu iġorru l-piż li jridu jagħtu eżempju tajjeb. Ġesu’ qal: “Agħmlu dak illi jgħidulkom, imma tagħmlux bħalhom”.

Għandna dmirijiet iebsin – ma nistgħux inġorruhom weħidna. L-Ispirtu s-Santu hu dak li jgħina. Irridu nħallulu l-ispazju biex jidħol fina. Ħadd ma jista’ jgħid “iva” lil Ġesu’ minflokna. Dik “iva” hi personali. Kollha qed nistennew lil Ġesu’, imma mhux kulħadd lest għal din il-miġja.

Kemm ingergru għax dak li nitolbu rridu li Alla jtinulna fil-pront! Allura niddejqu nistennew u nagħmlu ta’ rasna. Meta Alla jippruvana b’dan il-mod għandu loġika għalina li hi l-maqlub ta’ dik tagħna. Jekk kemm-il darba Alla jissodisfana mill-ewwel, nistgħu nitilfu l-entużjażmu. Minflok ma nibdew naħżnu ż-żejt nidraw ħajja komda. Din hi l-bruda! San Ġwann fil-Ktieb tal-Apokalissi jgħid: “ Aħjar li kont sħun jew kiesaħ għax il-biered jien nobsqu minn ħalqi”.

Sakemm wasal l-għarus, ix-xebbiet kollha ħadhom in-ngħas – bid-differenza li, għalkemm kienu reqdin, l-għaqlin kellhom iż-żejt maħżun. Aħna rridu ntejbu ħajjitna billi naqraw, nisimgħu u nimmeditaw fuq il-Kelma t’Alla. Irrid inkun dispost għaliha. Hemm ukoll it-talb – talb ta’ tifħir, talb ta’ ringrazzjament. Noffru dak kollu li nagħmlu matul il-ġurnata lil Alla.

Hekk kull deċiżżjoni li nagħmlu tkun f’dan id-dawl – dan hu ż-żejt fil-kus – li nagħmlu atti ta’ karita’, biex il-musbieħ tagħna jkun dejjem mixgħul u b’hekk indawwlu lil ħaddieħor.

Dawn huma kollha l-ingredjenti biex x’ħin naslu fil-punt tal-mewt ma jkollnix għalfejn nibżgħu. Allura t-talba tagħna għandha tkun: “Mulej kattar fija l-fidi, Mulej   kattar fija l-imħabba biex meta ddoqqli s-siegħa lili ma tħallinix barra mill-festa”