Il-laqgħa bdiet bl-Ewwel Qari u l-Evanġelju tal-Ħadd, 16 t’Ottubru.

F’dan il-Vanġelu, joħorġu żewġ elementi: it-talb insistenti, u l-attenzjoni li bħala nsara nagħtu lil min hu dgħajjef.

“Urini l-għemil tiegħek biex nagħraf kemm hi sħiħa u b’saħħitha l-fidi tiegħek.”  Il-fidi mingħajr azzjoni hi fidi mejta; hi fidi tal-apparenza.

Il-Vanġelu tal-Ħadd li ġej jagħtina element li hu ħafna għal qalb San Luqa: il-talb. Din hi t-tieni okkażżjoni fejn Ġesu’ jgħallimna kif għandna nitolbu.  Din id-darba Luqa jżid l-element tal-insistenza.  Irridu nistennew lil Mulej jgħaraf Hu, mhux aħna, il-waqt li jtina dak li qegħdin nitolbu.

Ħafna drabi naħsbu fit-talb bħala krib – għandi bżonn xi ħaġa u nitlob għalija.  Pero’ hemm erba’ għamliet differenti ta’ talb: talb ta’ tifħir, talb ta’ ringrazzjament, talb ta’ petizzjoni u talb ta’ interċessjoni.  Ħafna drabi t-talb tagħna jkun ta’ tip wieħed: agħtini għax għandi bżonn.

It-talb ta’ tifħir donnu l-iktar li jfixkilna.  Ġesu’ kien jitlob permezz tas-salmi, li fihom ħafna tifħir, per eżemju, salmi 8, 65, 76, 100, 111, 150.  Il-Lhud kienu jużawhom spiss.  Bihom aħna nitgħallmu kif nagħmlu talb ta’ tifħir.

Il-Vanġelu tal-Ħadd jibda “F’dak iż-żmien, Ġesu’ qal parabbola lid-dixxipli Tiegħu biex jurihom li għandhom dejjem jitolbu bla ma jintelqu (b’insistenza).”  Din kienet karatteristika tal-insara tal-bidu.  Insibuha fl-ittri ta’ San Pawl.  F’din il-parabbola għandna żewġ persunaġġi: l-imħallef u l-armla.  F’din tal-aħħar jidħol il-kunċett tal-għajnuna lil min hu fil-bżonn.  L-armla tirrappreżenta lil min m’għandux leħen.  Fil-messaġġ għal Jum l-Emigranti, il-Papa saħaq fuq id-difiża tat-tfal, speċjalment dawk li jaħarbu minn pajjiżhom minħabba persekuzzjoni u gwerer.  Ħafna drabi dawn jiġu sfruttati b’diversi modi.

L-armla tissemma’ darbtejn oħra fil-Vanġelu: fil-qawmien tat-tifel tal-armla ta’ Najm, u l-offerta li tat l-armla fit-tempju.  Ir-romol u l-foqra huma l-iktar nies privileġġjati fil-Vanġelu.  Il-Papa jgħid li min m’għandux leħen għandu drittijiet daqsna, imma dawn qed jiġu injorati minħabba l-globalizzazjoni tal-indifferenza.  Jien qiegħed ngħix hekk?  Dak li nagħmlu biex inserrħu l-kuxjenza, minflok bil-vera mħabba? Il-fidi tagħna superfiċjali?

L-imħallef tal-parabbola kien korrott, u din il-korruzzjoni tant infirxet li saħansitra l-Ġnus Magħquda qed iħejju programm biex jiġġieldulha.  Dħalna f’mentalita’ fejn “grazzi” mhix biżżejjed – nistennew xi ħaġa oħra lura.  Aħseb u ara kemm se nsibuha diffiċli biex inpattu bit-tajjeb għal azzjoni ħażina kontrina!

In-nisrani jrid ikollu l-paċenzja li jistenna lil Alla jtih dak li qed jitlob fil-ħin li Alla jemmen li hu ta’ ġid għalih.  Irid ikollna l-fiduċja li nħallu f’idejH.  Irid ikollna għeruq sodi fit-tama.

Ħajjitna tista’ tkun talba?  Filgħodu noffri l-ġurnata kollha u kull azzjoni u deċiżżjoni noħodha fid-dawl ta’ Kristu.  U jekk niżbalja jkolli l-kuraġġ li nammetti.  Il-Vanġelu ta’ San Luqa hu l-Vanġelu tat-talb.  Kemm-il darba jsemmi lil Ġesu’ jitlob.  It-talb hu marbut intimament mal-ħajja.  Ġesu’ ried ikun fidil għal proġett li kellu l-Missier ghaliH.  Alla għandu proġett għalina wkoll.  It-talb jirrikjedi mumenti ta’ silenzju.  Jien nista’ nkun il-ħin kollu fil-”kamra ta’ ġewwa”?  Ħajti nista’ nagħmilha talba kontinwa billi nfittex li nagħmel ir-rieda tal-Missier.

Salm 121 hu salm ta’ radd il-ħajr u espressjoni ta’ fiduċja.  “Nerfa’ għajnejja lejn l-għoljiet mnejn se tiġini l-għajnuna.”  Alla qiegħed magħna l-ħin kollu.  Il-poplu Lhudi kien ikanta dan is-salm waqt li kien ikun tiela’ lejn it-tempju, biex jiffoka fuqu biss u mhux fuq it-tempji tal-allat foloz.  Aħna wkoll għandna dawn “it-tempji foloz”.  It-talb isaħħaħna biex ngħelbu dawn it-tentazzjonijiet.  Il-Mulej iħarisna u jindukralna ruħna.

Il-laqgħa għalqet bil-kwotazzjoni “A river cuts through a rock not because of its power but its persistence.” – “Ix-xmara ma tqattax il-blat għax hi b’saħħitha imma għax hi perseveranti.”

Il-Moviment Kerygma jorganizza l-“Premju Żagħżugħ tas-Sena” bil-għan li joħroġ fil-beraħ l-impenn taż-żgħażagħ b’mod nisrani fis-soċjetà Maltija.

Il-Premju hu miftuħ għal dawk iż-żgħażagħ kollha li juru sens kbir ta’ impenn fil-ħajja nisranija tagħhom ta’ kuljum.

Tistgħu tinnomminaw xi żagħżugħ jew żagħżugħa li taħsbu li jikkwalifikaw u jimmerithom jkunu nnominati għal dan il-premju prestiġjuż.  Tistgħu tinnominaw aktar minn persuna waħda, billi tibgħatu applikazzjoni separata. Kopja tar-regolamenti u l-applikazzjoni tista tniżżilhom minn hawn:

Niżżel l-applikazzjoni.

Niżżel ir-regolamenti.

L-applikazzjonijiet  u d-dokumenti relattivi għall-Premju Żagħżugħ tas-Sena 2015 għandhom jaslu fl-uffiċċju tal-Moviment Kerygma sa mhux aktar tard mill-Ġimgħa 11 ta’ Novembru 2016 fl-12.00pm.

Il-Laqgħa Prayer Cafe, ta nhar il-Ġimgħa 7  t’Ottubru ġiet immexxija minn żewġ rapprezentanti mill-Agenzija Sedqa; Ms Glorianne Galea u Ms Stacey Grima.

Kienet laqgħa fejn tqajjmu l-mistoqsijiet bħal:

• Għalfejn wieħed jieħu jew jipprova d-drogi, anke meta jkun jaf bid-deni li din se tikkaġunalu?
• X’tipi ta’ Droga qegħdin niltaqgħu magħhom?
• X’karatteristiċi nistgħu naraw f’persuna biex nindunaw li din qegħda tieħu d-droga?

Minn video b’nies jagħtu xhieda ta’ kif / għaliex waqgħu fil-vizzju tad-drogi, ħareġ li dan jagħmluh:

• Biex isiru parti minn grupp.
• Għal gost u biex jirrilassaw.
• Biex jaħarbu mir-realta li jkunu fiha.
• Biex jesperimentaw xi ħaġa ġdida.
• Biex iħossuhom adulti.
• Issib min jeħodha biex jirribella.

Ssib min jieħu d-droga minn darba sa darbtejn biex jipprovha u jieqaf jeħodha. Imbagħad issib min jibda jeħodha aktar frekwenti biex tgħinu jibdel il-burdata. U hawn se jibda l-inkwiet għax qegħed issir dipendenti fuqha. Issib ukollmin sar  dipendenti fuqha. (Addicted ) Meta tqum u torqod taħseb biss  kif se  ġġib id-droga. Meta tasal f’dan l-istat  wieħed jkollu bżonn għajnuna professjonali biex joħroġ minnha.

Jezistu ħafna tipi ta’ drogi u l-effetti li jħallu huma diversi.

Iktar Informazzjoni Hawn!

More Info Here!

Ngħalaq billi nistedinkom tiġu għal laqgħa li jmiss. Il-Laqgħat issir kull nhar ta’ Ġimgħa fis-19:15.

Il-Quddiesa

Fil-laqgħa tal-lum ingħatat ħarsa u spjega tal-Liturġija, b’mod speċjali il-quddiesa u t-taqsim tagħha.

Bil-kelma liturġija nifhmu ‘azzjoni/ħidma kollettiva tal-ġisem mistiku ta’ Kristu’; li huwa wara kollox aħna lkoll. Għalhekk l-enfasi hija fuq il-miġemgħa li hemm miġbura fil-knisja għal-liturġija. Bniedem waħdu ma jagħmilx liturġija imma jrid ikun hemm ġemgħa ta’ fidili miġbura f’isem Ġesu. Hemmhekk tkun qed timmanifesta ruħha dik il-wegħda li għamel Kristu meta qal: “Fejn hemm tnejn jew tlieta miġbura f’ismi, hemm inkun jiena f’nofshom.”

Il-qofol tal-liturġija hija il-quddiesa. San Piju ta’ Pietrelcina kien jgħid illi kieku n-nies jifhmu xi tfisser il-quddiesa, żgur li kienu jkunu jiffullaw wara l-bieb tal-knisja biex jieħdu sehem fil-quddiesa.

Il-Knisja ssejħilna sabiex nhar ta’ Ħadd aħna ninġabru l-knisja sabiex niċċelebraw il-liturġija. Tiġi weħidha l-mistoqsija: “Min qiegħed imur, qiegħed imur b’konvinzjoni jew inkella biex ma jagħmilx dnub?” Il-quddiesa hija ikla, hija l-‘agape’ li fiha kienu jaqsmu l-ikel bejniethom l-insara tal-bidu. Benedittu XVI kien jgħid li: “meta aħna nitilgħu nirċievu l-Ewkaristija, aħna nsiru ħaġa waħda.” Fina lkoll ikun ġie Ġesu individwalment imma b’mod sħiħ.

It-taqsim tal-Quddiesa:

Fil-bidu tal-quddiesa nsibu l-introduzzjoni li hija kant filwaqt li s-saċerdot u l-purċissjoni mal-ministranti tasal fuq l-artal. Is-saċerdot hawnhekk irodd is-salib. Il-miġemgħa għandha biss tgħid l-Ammen wara l-formola li jgħid is-saċerdot. Is-saċerdot qiegħed jagħti l-barka fuq il-miġemgħa u l-Ammen hija l-affirmazzjoni ta’ dik il-barka.

Wara din il-parti isir l-att penitenzjali illi jħejjina sabiex bil-parteċipazzjoni tagħna nieħdu l-akbar frott spiritwali possibli mill-quddiesa. Il-formola li tintuża f’dan il-ħin, tal-confiteor, tista’ tiġi varjata għaliex jeżisti verżjonijiet differenti li jistgħu jintużaw. Wara r-riforma tal-liturġija ġiet miżjuda l-frażi “u billi ħallejt dmirijieti.” Bħala nisrani hawnhekk nirrikonoxxu n-nuqqasijiet tagħna u npoġġuhom bħala midimbin quddiem Alla. Imbagħad is-saċerdot jgħid il-formola tal-assoluzzjoni.

Wara nsibu t-talba tal-bidu, il-kolletta. Din it-talba dejjem maqsuma f’erba’ partijiet. Dawn huma l-invokazzjoni, wara tissemma xi ħaġa storika  li ġrat fl-istorja tas-salvazzjoni, imbagħad parti fejn nitolbu għal xi ħaġa partikolari(xerred fuqna perezempju) u fl-aħħar il-konklużjoni trinitarja, id-Dossoloġija, fejn jidħlu il-Missier, l-Iben u l-Ispirtu s-Santu. Il-kolletta tkun tiġbor fiha l-ħsieb ġeneriku tal-qari li jkun ser jinstema’.

Wara jkun imiss għall-parti tal-qari mill-Kelma t’Alla. Tajjeb li ngħidu li l-qari jagħmlu l-lettur; għalhekk m’għandniex inħallu l-karti li jkun hemm disponibbli ttellifna.

Wara l-qari jkun hemm l-ispjega fejn is-saċerdot itina fil-prattika dak li fisser il-qari sabiex aħna nkunu nistgħu nagħmluh tagħna u nwettquh fil-ħajja tagħna.

Wara din il-parti jkun hemm il-parti tat-talbiet universali tal-komunita. Irridu nkunu aktar prattiċi u naħsbu fil-Knisja universali u fil-gruppi li jagħmlu parti mill-parroċċa tagħna. Hawnhekk tajjeb ukoll li jkun hemm mument ta’ silenzju ħalli nkunu nistgħu nagħmlu tagħna dan it-talb li jkun qiegħed jingħad.

Fil-parti Ewkaristika hija l-aktar parti mportanti tal-fidi tagħna. Din tibda permezz tal-prefazju, tal-istedina “Il-Mulej magħkom.” Imbagħad tibda t-talba Ewkaristika. Jeżistu tlettax-il talba ewkaristika li s-saċerdot jista’ jagħżel skont l-udjenza preżenti jew xi żmien jew avvenimenti partikulari.

Din il-parti ewkaristija tintemm bl-Ammen, filwaqt li wara tibda l-parti tal-komunjoni, tat-tqarbin. Din tibda bil-Missierna fejn dejjem għandna nużaw il-formola, it-talba kif għallimielna Ġesu u kif insibuha fl-Evanġelju. Fil-laqgħa ingħad li jekk titkanta, il-Missierna għandha ssir bil-formola u l-kliem eżatt li għamel Kristu stess u mhux xi verżjoni li tagħmel sens mużikali jew poetiku biss.

Wara tingħata l-paċi lil xulxin li huwa sinjali li aħna qed inwettqu dak li wegħdna lil xulxin fil-Missierna.

Wara jsir it-tqarbin fejn nirċievu ġewwa fina lil Ġesu Ewkaristija.

Wara t-tqarbin, fl-aħħar tal-quddiesa, is-saċerdot iberikna bis-sinjal tas-salib u s-saċersot jgħid: “morru fil-paċi ta’ Kristu.” Dan il-paċi ta’ Kristu għandna nġorruh magħna fil-ħajja tagħna u ma’ kull min niltaqgħu miegħu billi nwasslu l-Kelma t’Alla lil ħaddieħor.

Il-Moviment Kerygma reġa beda bil-laqgħat ta’ nhar ta’ Ġimgħa, fis-7.00 P.M.  fiċ-Ċentru tal-Kerygma. L-ewwel laqgħa ġiet immexxija minn Fr Ivan Attard OP. IL-laqgħa bdiet bit-talba tal-Moviment imbagħad inqraw l-ewwel lezzjoni (Għamos 6:1a,4-7) u l-Vanġelu (Lq 16:19-31) tas-XXVI Ħadd matul is-sena. Dawn li ġejjin huma xi punti li ssemmew waqt id-diskussjoni tal-laqgħa.

Fi żmien il-profeta  Għamos il-poplu Lhudi kien maqsum f’żewġ saltniet: Is-saltna ta’ Ġuda (mit-tribu’ ta’ Ġuda)  li kienet tinsab fin-Nofsnihar madwar ir-reġjun ta’ Ġerusalemm u s-saltna ta’ Iżrael li kienet tiġbor it-tribujiet l-oħra fit-Tramuntana tal-Palestina. Għalkemm il-profeta Għamos kien ġej mis-Saltna ta’ Ġuda  ġie msejjaħ  biex imur jippriedka fis-Saltna ta’ Iżrael.

Biex nifhmu il-loġika tal-profeti jeħtieġ li nifhmu l-esperjenza tal-Eżodu. Bħalma nafu il-Lhud kien ilhom taħt il-jasar ta’ l-Eġittu għal sekli sħaħ, minn mindu Ġakobb u wliedu marru l-Eġittu fi żmien il-ġuħ sa żmien Mose’. Il-poplu Lhudi beda joktor u jikber fin-numru u l-Eġizzjani bdew jibżgħu minnhom u għalhekk għaksuhom bix-xogħol. Alla ra t-tbatija tal-poplu tiegħu u sema’ l-karba tagħhom (Eż 3, 7) u bgħatilhom lil Mose’ biex jeħlishom mill-jasar tal-Eġittu.

Dan ir-rakkont jurina ġrajja ġdida fl-istorja tar-reliġjonijiet. L-allat dejjem kienu jiġu assoċċjati mas-slaten u mal-klassi politika. Ħafna drabi s-saċerdoti kienu wkoll slaten jew bil-maqlub: slaten li kienu wkoll saċerdoti. Barra minn hekk, jekk iż-żewġ funzjonijiet kienu mifrudin f’persuni differenti, xorta waħda kienu jikkolaboraw ħafna bejniethom. B’din il-ġrajja, għall-ewwel darba għandna Alla setgħan li jżomm mal-magħkus u mhux mal-kbarat. Mela Alla sema’ l-karba tal-poplu mjassar u magħkus, ħarġu mill-Eġittu, għaddieh mid-deżert fejn għamel  Patt miegħu u tah art.

Il-Patt huwa Patt ta’ alleanza u jikkonsisti fi kliem sempliċi f’dan il-ftehim: ħares il-ġustizzja lejn Alla u l-proxxmu u Alla jħarsek mill-għedewwa  u artek tibqa’ tiegħek. B’dan il-mod se tgħix ħieles minn kull jasar. Kif tikser il-Patt Alla jitilqek f’idejn l-għedewwa tiegħek u titlef artek u terġa’ ssib ruħek fil-jasar.

L-għotja tal-art hija fundamentali. L-art toffri l-għixien. Permezz tal-art setgħu iħarsu l-ħelsien sħiħ tagħhom, għax jekk wieħed ikun dipendenti fuq ħaddieħor għall-għixien tiegħu faċli jiġi sfruttat u mhedded għax inkella jibqa’ mingħajr l-għixien tiegħu u hekk jitlef il-liberta’ u d-dinjita’ tiegħu. Barra minn hekk, l-art hi ta’ Alla. Alla jibqa’ l-propjetarju. Għalhekk il-poplu Lhudi ma jistax jagħmel li jrid biha. Hija d-don ta’ Alla u jrid juża’ tajjeb għall-għixien tiegħu u ta’ ħaddieħor. Qatt ma jista’ jużaha għall-kapriċċi tiegħu jew biex japprofitta ruħu minn ħaddieħor jew biex jgħakkes lill-oħrajn.

Jekk wieħed jitlef sehmu minħabba amministrazzjoni ħażina, jew għal xi raġunijiet oħra m’huwiex se jitlifhom għal dejjem. Fil-fatt, kull seba’ snin (Dewt 15, 1-18; Lev 25, 1-7) )kienu jiċċelebraw is-sena sabbatika fejn fis-seba’ sena lil kulħadd kien jerġa’ jintraddlu sehmu u jinħafrulu d-djun. L-istess kien jiġri kull sebgħa snin sabbatiċi jiġifieri kull disgħa u erbgħin sena. Fil-ħamsin sena kien jiġi iċċelebrat il-Ġublew (Lev 25, 8-55) fejn wieħed kien irid irodd kollox u l-art terġa’ tmur għand min kienet.

Minn din l-esperjenza tal-poplu Lhudi l-Knisja fid-duttrina soċjali tagħha ifformulat dan il-prinċipju: id-destinazzjoni universali tal-ġid, jiġifieri li Alla ħalaq kollox għal kulħadd mhux għal xi wħud biss. Id-dritt għall-propjeta’ privata huwa għas-servizz ta’ dan il-prinċipju. Għalina l-Insara m’huwiex dritt assolut (bħalma jemmnu il-liberali). Għalhekk aħna għandna nużaw ġidna għalina u għall-ġid tal-oħrajn, jiġifieri mhux għalina biss u għall-kapriċċi tagħna.

Il-profeta Għamos fis-silta li qrajna qiegħed iwiddeb lil xi uħud li kienu qed jistgħanew minn fuq dahar ħaddieħor. Meta jiġri hekk, jiġiferi li xi wħud jistgħanew filwaqt li oħrajn jiftaqru, ifisser li kisru l-Patt. Il-Patt ma jiksurx wieħed waħdu, imma l-poplu, jiġifieri li wieħed jistgħana minn fuq dahar ħaddieħor isir xi ħaġa normali li kulħadd jista’ jagħmilha. Ladarba jinkiser il-Patt, jitilfu l-protezzjoni t’Alla jiġu maħkuma mill-barranin, jitilfu l-art li tahom Alla u jerġgħu isibu ruħhom f’sitwazzjoni ta’ jasar kif ġara fl-esperjenza tal-eżilju. Mela meta jiġri dan m’huwiex tort tal-barrani jew tal-għadu, m’huwiex tort t’Alla (Alla baqa’ fidil għal kelmtu: żamm kelmtu u ma kisirx il-Patt, anzi żamm mal-Patt) imma biss tort tal-poplu li kiser il-Patt.

Fis-silta tal-Vanġelu, fil-parabbola tal-għani u Lazzru, nsibu li l-għani kien ta’ kuljum jorganizza ikliet ma’ sħabu u jgawdi l-għaraq ta’ ġbinu. Pero’ kien  jibqa’ indifferenti lejn Lazzru, li kien fqir u mġewwaħ u li kien ta’ kuljum joqgħod wara l-bieb tal-għani bit-tama li jitrejjaq b’xi ħaġa milli jifdal mill-ikliet li kien jagħmel l-għani. Ħafna drabi, llum il-ġurnata, aħna wkoll nirraġunaw bħall-għani u ngħidu lilna nfusna: “Mhux jien ħdimt għalihom? Mela għandi dritt ingawdihom jien. Ma sraqt lil ħadd. Kont bil-għaqal, ħdimt u bżajt għall-ġidi. M’għandix dritt ingawdi l-għaraq ta’ ġbini? Jien xi ħtija għandi li dak fqir? Jien ma għamiltlu xejn.” Safrattant Ġesu qiegħed jikkritika lill-għani għax huwa indifferenti lejn Lazzru! Lazzru u l-għani mietu, Lazzru mar fi ħdan Abraham u l-għani f’art l-imwiet. L-għani talab ħniena minn Abraham, biex itaffilu n-nixfa, imma ma setagħx jgħinu, għax hemm baħħ bejnu u bejnhom. Talbu jibgħat lil Lazzru biex iwiddeb lil ħutu, imma lanqas dan ma seta’ jagħmel Abraham, imma qallu li għandhom ‘l Mose’ u ‘l-Profeti ħa jisimigħu lilhom. Jekk ma jisimgħux lilhom lanqas jekk iqum wieħed mill-imwiet ma jisimgħuh.

Mela skont il-loġika li nsibu f’Mose’ (l-esperjenza tal-Eżodu), fil-Profeti (fil-każ tagħna fil-profeta Għamos) kif ukoll fil-Vanġelu li fuqhom huwa mibni, aħna fid-dmir li ngħinu lil min hu fil-bżonn, biex ma jkunx aktar dipendenti la fuqna u la fuq ħadd. Għalhekk l-għajnuna tagħna lil min hu bil-ġuħ ma tistax tkun biss nagħtuh x’jiekol, għax wara li jiekol l-ikel li ntuh se jerġa’ jiġi għandna jew għand ħaddieħor jittallab il-ħniena. Ovvjament jekk wieħed bil-ġuħ l-ewwel ħaġa li rridu nagħmlu hija li nagħtuh x’jiekol, imma ma nistgħux nieqfu hemm. Iridu naraw għaliex m’għandux x’jiekol; x’inhi l-kawża tal-faqar tiegħu: għażż, qagħad, nuqqas ta’ għaqal, problemi ta’ mard, sistema ekonomika inġusta? Aħna bħala Insara rridu wkoll inwieġbu għal dawn il-kawżi ta’ faqar materjali, biex ngħinu lil fqir jikseb id-dnijita’ tiegħu li jaqla’ l-għixien tiegħu bl-għaraq ta’ ġbinu u ma jkollux jittallab il-ħniena ta’ ħaddieħor biex jgħix. Biex nagħmlu dan ifisser li rridu niddedikaw ħin lil min hu fil-bżonn. Ħafna drabi inserħu rasna billi indaħħlu idejna fil-but u neħilsu minnu, imma b’daqshekk ma jfissirx li nkunu għinieh, għalkemm forsi nkunu ikkuntentajnieh. Per eżempju, biex ngħinu ‘l-fqir li l-kawża tal-faqar tiegħu huwa n-nuqqas ta’ għaqal jeħtiġielna niddedikaw ħafna ħin biex ngħinuh ħalli jitgħallem iqassam ġidu sew u jonfoq f’dawk l-affarijiet li huma verament ta’ bżonn. Anke biex ngħinu lil min hu bla xogħol. Wisq iktar jeħtiġielna ħin biex ngħarfu x’hemm ħażin fis-sistema ekonomika li qed ngħixu fiha. X’qegħdin nagħmlu aħna biex norganizzaw ruħna bħala ċittadini Insara u għalhekk parti mis-soċjeta ċivili biex inressqu proposti lill-Gvernijiet per eżempju qabel kull baġit? Qegħdin nippruvaw inkissru rasna u naħsbu fuq xi soluzzjonijiet għall-problemi ta’ faqar? Għalhekk biex ngħinu lil min hu fil-bżonn jeħtieġilna wkoll ninvestu fil-ħin u mhux biss fil-flus. Jekk naħmdu biss fuq is-sintomi u ma niskoprux il-kawża tagħhom, is-sintomi se jerġgħu joħorġu.

Il-laqgħa ngħalqet billi ntqalet it-talba tal-Missierna u bi stedina għall-laqgħa tal-ġimgħa li ġejja.

Din se titmexxa  minn Fr Jesmond Calafato u s-suġġett se jkun “SPJEGA TAL-QUDDIESA”. Narawkom!

Solidarity between people can be wonderful,  both at work and during recreation. More so when the principle reason behind it is to help others. Pope Francis in this year dedicated to Mercy encourages us both in action and words to be God’s hands and feet in this world . In fact Christ makes it clear that we Christians have to be the light and salt of this world.

That is why the Keryga Movement is organising a Football feast. While we are all having fun playing, we can join together as one family, so that profits  made from this activity will go to those in need. Jesus Christ always teaches us to think of those who are more in need than us. Solidarity shown with those in need is at the heart of our Gospel’s teaching  and our  Christian lives.

Even though based on Solidarity; the tournament itself is professional. Infact we will follow the general rules for 5 a side Football. There will also be a bar from where to buy food and drinks. One can come together with his family to have fun together. There is an abundance of grounds to play in. Come join us to make this Football Marathon a success and at the same time have fun together. See you!

FOR MORE INFORMATION AND APPLICATION PRESS HERE!

I HAVE A FRIEND

… who is always faithful;
… who can meet all your needs;
… who will never leave you.

This friend is Jesus Christ. Since I have known Him, He has been faithful in all His promises, “the same yesterday, and today, and forever” (Hebrews 13:8). Through my joys and sorrows He has been a friend who sticks “closer than a brother” (Proverbs 18:24).

    I first met Him when I read His invitation in the Bible: “Come unto Me, all ye that labor and are heavy laden, and I will give you rest” (Matthew 11:28). I came to Him, and He freed me from my burden of sin and guilt and gave me hope for living.

     Daily He meets my needs. He promises, “Peace I leave with you, My peace I give unto you… Let not your heart be troubled, neither let it be afraid” (John 14:27).

     When I am lonely and worried, I remember His words: “I will never leave thee, nor forsake there” (Hebrews 13:5). I know that even at the hour of death He will remain with me, and one day He will take me to Heaven to live with Him.

      How can you and I be sure of Christ’s love? The Bible says, “Greater love hath no man than this, that a man lay down his life for his friends” (John 15:13). We can be assured of His love because He, the sinless Son of God, suffered for our sins on the Cross of Calvary.

     We can know that Christ’s love is everlasting. Because He rose from the grave and returned to the Father in Heaven, He can say, “I am He that liveth, and was dead; and, behold, I am alive for evermore” (Revelation 1:18).

     Yes, we can trust the Lord Jesus as our eternal friend. He invites us, “Behold, I stand at the door, and knock; if any man hear My voice, and open the door, I will come in to him, and will sup with him, and her with Me” (Revelation 3:20).

     If you have never trusted Jesus as your Saviour, invite Him into your life today. Follow Him and He will never fail you. “Verily, verily, I say unto you, He that heareth My word, and believeth on Him that sent Me, hath everlasting life, and shall not come into condemnation; but is passed from death unto life” (John 5:24).

FRIENDSHIP

Every Friday at 19.00
ADULTS – YOUTH – KIDS

KERŶGMA CULTURAL CENTRE
ST DOMINIC’S PRIORY, RABAT
T: 21459942 – M: 99110888

Il-Moviment Kerŷgma qed iniedi lezzjonijiet tar-reliġjon. Dan il-kors jinvolvi ħafna aspetti mit-tagħlim tal-Knisja. Fil fatt ser jinkludi il-katekiżmu tal-Knisja kollu, ħafna mill-antik Testment kif ukoll it-Testment il-ġdid. Dan il-kors huwa tajjeb ħafna għal min qiegħed jistudja u ser jagħti xi eżami tar-reliġjon. Fl’istess ħin huwa tajjeb ukoll għal dawk li jridu jafu u jidħlu iżjed fil-fond fuq il-fidi taghna. Huwa tajjeb ħafna li wieħed jipparteċipa għaliex iżjed ma titgħallem iżjed issir taf dwar l-imħabba kbira li Alla għandu għalina; tneħħi xi perċezzjonijiet hżiena li forsi jkunu akkumulaw biż-żmien. Fl-istess ħin nitghallmu ikoll, ftit dwar it-twemmin ta’ niex mhux kattoliċi u nitghallmu nużaw il-Bibbja bħala għodda ta’ kuljum fil-ħajja tagħna.

Importanti li wieħed isemmi li dan il-kors ser jimxi fuq sillabu stipulat. B’hekk dawk li ser jagħtu eżami Intermediate jew Advanced level ma jkollomx problemi.

Dan il-kors huwa tajjeb ħafna għal min qed jaspira li jsir Katekista jew diġa jgħallem imma m’għandux il-livell Avanzat fir Religjon. Illum il-ġurnata it-tagħlim tar-reliġjon ħa xejra differenti. Dan għaliex it-tfal illum qed jistaqsu ħafna. Illum ma tistax tgħallem tfal (anke zghir) u ma jkollokx background sew. Tajjeb ukoll ghal min qiegħed f’xi għaqda jew jivvolontarja fil-knisja u jrid jidħol iktar fil-fond tal-fidi tiegħu.

Min hu interressat jista jniżżel il-formola minn hawn.

Ejjew u ġibu l-ħbieb magħkom.

L-Assemblea Ġenerali tal-Moviment Kerŷgma saret fiċ-Ċentru Kulturali Kerŷgma nhar il-Ġimgħa 24 ta’ Ġunju.  Kien hemm attendenza tajba ħafna u wara li nqraw ir-rapporti varji, saret ukoll l-elezzjoni għall-Eżekuttiv għas-snin 2016-2019.  Fid-diskors li għamlet qabel l-elezzjoni, Tania Borg irringrazzjat lil dawk il-membri li tefgħu n-nomina tagħhom biex jagħtu sehem fit-tmexxija tal-Moviment u x-xogħol li jkun marbut ma’ dawn il-ħatriet.  Tania qalet li għalkemm l-istatut kien jippermetti massimu ta’ 8 persuni fuq l-Eżekuttiv, xorta waħda kien se jintalab l-għajnuna ta’ dawk li ma jiġux eletti biex permess tal-ħeġġa li għandhom huma ikunu jistgħu jagħtu s-sehem tagħhom ħalli l-Moviment ikompli jikber u jimxi l-quddiem.

Tania irringrazzjat ukoll lil membri kollha tal-Eżekuttiv li kien qed ixolji għax xogħol siewi li huma wettqu fit-tmexxija tal-Moviment fis-snin li għaddew.

Il-membri li ġew eletti fuq l-Eżekuttiv (f’ordni alfabetika) huma:

Borg Tania, Camilleri Katia, Chetcuti Marita, Chetcuti Stephen, Micallef Bernice, Seguna John, Tonna Carmen u Tonna Michele.

Laqgħa tal-Eżekuttiv

Fl-ewwel laqgħa tal-Eżekuttiv li saret fit-30 ta’ Ġunju saru dawn l-ħatriet f’elezzjoni sigrieta skont l-istatut tal-Moviment, bejn il-membri tal-Eżekuttiv:

President – Bernice Micallef;  Viċi-President – Tania Borg;  Segretarju Ġenerali – Katia Camilleri u Segretarju Finanzi – Stephen Chetcuti.

Waqt il-laqgħa inħatru wkoll il-Presidenti tal-erba Ministries.  Dawn huma:

Preaching Ministry – John Seguna, Music Ministry – Michele Tonna, Cultural & Social Ministry – Marita Chetcuti u Social Media Ministry – Carmen Tonna.

Matul il-laqgħa tal-Eżekuttiv saru wkoll il-ħatrijiet ta’ Direttur Taċ-Ċentru – Carmen Tonna u ta’ dawk il-membri li jieħdu ħsieb it-tmexxija tal-gruppi tal-Adulti – Tania Borg, Teens 4 Jesus u Kids 4 Jesus – Bernice Micallef.